ಮೈಸೂರು ದಸರಾ ಅಂಭಾರಿ ಹೊರುವ ಗಜಪಡೆಗೆ ಮರಳು ಮೂಟೆ ಹೊರಿಸಿ ತರಬೇತಿ ನೀಡುತ್ತಿರುವುದು.

ಜಿಲ್ಲಾಧಿಕಾರಿ ಕಛೇರಿ ಕಟ್ಟಡ ರಕ್ಷಿಸಿ!

ಮಂಡ್ಯ-ಮೈಸೂರು ಸಂಸ್ಥಾನದ ಮಹಾರಾಜ ನಾಲ್ವಡಿ ಕೃಷ್ಣರಾಜ ಒಡೆಯರ್ ಕಾಲದಲ್ಲಿ 1939ರಂದು ಮಂಡ್ಯ ಜಿಲ್ಲೆ ಉದಯವಾದ ಸಂದರ್ಭದಲ್ಲಿ ಈ ಕಲ್ಲು ಕಟ್ಟಡ ನಿರ್ಮಿಸಲಾಗಿದೆ.
ಈ ಕಟ್ಟಡ ನಿರ್ಮಾಣವಾಗಿ 75 ವರ್ಷವಾಗಿದ್ದು, ಮಂಡ್ಯ ಜಿಲ್ಲೆ ಈ ವರ್ಷ ವಜ್ರಮಹೋತ್ಸವ ಆಚರಿಸಿಕೊಳ್ಳಲಿದೆ. ಜಿಲ್ಲಾಧಿಕಾರಿ ಕಚೇರಿ ಕಲ್ಲುಕಟ್ಟಡ ಮಂಡ್ಯನಗರಕ್ಕೆ ಶೋಭೆ ತರುವಂತಿದೆ. ಇಂತಹ ಅಪರೂಪದ ಕಲ್ಲುಕಟ್ಟಡ ನಿರ್ಮಾಣದಲ್ಲಿ ನೂರಾರು ವರ್ಷ ಬಾಳಿಕೆ ಬರುವಂತಹ ಗುಣಮಟ್ಟದಲ್ಲಿ ನಿರ್ಮಿಸಲಾಗಿದೆ.
ಆದರೆ ಈ ಹಿಂದಿನ ಜಿಲ್ಲಾಧಿಕಾರಿಗಳ ನಿರ್ಲಕ್ಷ್ಯದಿಂದಾಗಿ ಕಟ್ಟಡ ಅಪಾಯದ ಸ್ಥಿತಿಯಲ್ಲಿದೆ. ಏಕೆಂದರೆ, ಕಟ್ಟಡದ ಸುತ್ತಲು ಹೊರಗೋಡೆಯ ಮೇಲೆ ಬೆಳೆದಿರುವ ಆಲ ಹಾಗೂ ಅರಳಿಗಿಡಗಳು ಬೆಳೆದಿವೆ. ಪಶ್ಚಿಮದ ಗೋಡೆಯ ಮೇಲೆ ಬೆಳೆದಿರುವ ಅರಳಿಗಿಡವು ಈ ಕಟ್ಟಡಕ್ಕಿಂತಲ್ಲೂ ಹೆಚ್ಚು ಎತ್ತರ ಬೆಳೆದಿದೆ. ಈ ಗಿಡ ಮರವಾಗುವ ಸ್ಥಿತಿಯಲಿದೆ. ಇದರ ಬೇರು ಕಟ್ಟಡದ ಗೋಡೆಯ ಒಳಭಾಗಕ್ಕೆ ಹೋಗಿರುವುದರಿಂದ ಬೇರು ದಪ್ಪವಾಗಿ ಗೋಡೆ ಬಿರುಕು ಬಿಡುವ ಸ್ಥಿತಿಯಲ್ಲಿದೆ. ಶಿಥಿಲವಾಗಿ ಗೋಡೆ ಯಾವುದೇ ಸಮಯದಲ್ಲಾದರು ಬೀಳಬಹುದು .
ಜಿಲ್ಲಾಧಿಕಾರಿಗಳು ಈಗಲಾದರು  ಕಟ್ಟಡದ ಕಡೆ ನೋಡಿ ಅದರ ರಕ್ಷಣೆ ಮಾಡುವ ತುರ್ತು ಅಗತ್ಯವಿದೆ .

ದೇವಲಾಪುರ ಹೋಬಳಿಯಲ್ಲಿ ಮರಳು ಮಹಾ ದಂಧೆಯ ನಿಲ್ಲದ ಸಾಗಾಣಿಕೆ.
ತಪ್ಪಿದ ಅವಘಡ. ಚಾಲನೆಯಲ್ಲಿ ಲಾರಿಚಾಲಕ ಪರಾರಿ. ಹೂಗಾರ್ ಸಾರಥ್ಯ.
ವರದಿ:ದೇ.ರಾ.ಜಗದೀಶ್.
ದೇವಲಾಪುರ ಆ: ಅಕ್ರಮವಾಗಿ ಮರಳು ವiಹಾದಂದೆಯ ಮಾಫಿಯ ವಿರುದ್ದ ಕಾರ್ಯಚರಣೆ ಮಾಡುತ್ತಿದ್ದ ಡಿ.ವೈ.ಎಸ್.ಪಿ.ಸವಿತಾ ಹೂಗಾರ್‍ರವರಿದ್ದ ಜೀಪಿಗೆ ಲಾರಿಯೊಂದು ಡಿಕ್ಕಿಯೊಡೆದು ಕೊಲೆ ಪ್ರಯತ್ನ ಮಾಡುವ ಘಟನೆ ಮೊನ್ನೆ ದೇವಲಾಪುರ ಹೋಬಳಿಯ ಅರಕೆರೆ ಬಳಿ ನೆಡೆದಿದೆ.
 ನಾಗಮಂಗಲ ತಾಲ್ಲೂಕಿನ ದೇವಲಾಪುರ ಹೋಬಳಿಯ ಕೆಲಭಾಗಗಳಲ್ಲಿ ನಿತ್ಯ ನಿರಂತರವಾಗಿ ಮರಳು ಸಾಗಾಣಿಕೆಗೆ ಯಾವಮಾನದಂಡವಿಲ್ಲದೆ ಹಗಲು-ರಾತ್ರಿ ವೇಳೆಯಲ್ಲಿ ಸಾಗಾಣಿಕೆ ಮಾಡುತ್ತಿದ್ದು ಮೊನ್ನೆ ಬೆಳಗಿನ ಜಾವ ಶಿಂಷಾ ತೊರೆಯಿಂದ ಮರಳು ಸಾಗಾಣಿಕೆ ಜಾಡು ಹಿಡಿದ ಡಿ.ವೈ.ಎಸ್.ಪಿ.ಸವಿತಾ ಹೂಗಾರ್ ಸಾರಥ್ಯದಲ್ಲಿ ಕಾರ್ಯಚರಣೆ ನೆಡೆಸಿತ್ತು. ಅಕ್ರಮ ಮರಳು ಸಾಗಾಣಿಕೆಯ ವಿರುದ್ದ ತಾಲ್ಲೂಕಿನ ದೇವಲಾಪುರ ಹೋಬಳಿಯ ಅರಕೆರೆಯ ಶಿಂಷಾ ತೊರೆಯ ಮೇಲಿರುವ ಮುತ್ತುರಾಯಸ್ವಾಮಿ ದೇವಾಲಯದ ಬಳಿ ಲಾರಿಯು ಚಾಲನೆಯಲ್ಲಿ ಬಿಟ್ಟು ಚಾಲಕ ಪರಾರಿಯಾಗಿದ್ದು ಸ್ವಲ್ಪ ಅಂತರದಲ್ಲಿಯೇ ಡಿ.ವೈ.ಎಸ್.ಪಿ.ಯವರ ಕಾರು ಅವಘಡದಿಂದ ಪಾರಾಗಿದೆ.

ಈ ಕಾರ್ಯಚರಣೆಯಿಂದ ಡಿ.ವೈ.ಎಸ್.ಪಿ.ಯವರ ಕಾರು ಲಾರಿಗೆ ತಗುಲಿದ್ದು ದೊಡ್ಡ ದುರಂತದಿಂದ ಪಾರಾಗಿದೆ. ಈ ಕಾರ್ಯಚರಣೆಯಲ್ಲಿ ಪೇದೆಗಳಾದ ಲೊಕೇಶ್ ಬನವಾಸಿ, ಹನೀಫ್ ಹಾಗೂ ಚಾಲಕ ಬಾಲಾಜಿ ಅವರುಗಳನ್ನು ಒಳಗೊಂಡ ತಂಡದೊಂದಿಗೆ ಸ್ಥಳಕ್ಕೆ ಹೊರಟ ವಾಹನ ರಸ್ತೆ ಬದಿಯಲ್ಲಿ ನಿಲ್ಲಿಸಿ ಕಾರ್ಯಪ್ರವೃತ್ತರಾದಾಗ ಮರಳು ಮಾಫಿಯ ಭೂಗಳ್ಳರು ಡಿ.ವೈ.ಎಸ್.ಪಿ.ಸವಿತಾ ಹೂಗಾರ್‍ರವರು ಇದ್ದ ವಾಹನಕ್ಕೆ ಡಿಕ್ಕಿ ಹೊಡೆಸಿದ್ದಾರೆ ಇದನ್ನು ಗಮನಿಸಿದ ಡಿ.ವೈ.ಎಸ್.ಪಿ. ರವರು ವಾಹನದಿಂದ ಹೊರಕ್ಕೆ ಜಿಗಿದ್ದಿದ್ದಾರೆ.

ಈ ಘಟನೆಯಿಂದ ಮರಳು ತುಂಬಿದ ಲಾರಿಗಳನ್ನು ವಶಪಡಿಸಿಕೊಂಡು ಚಾಲನೆಯಲ್ಲಿದ್ದ ಲಾರಿಚಾಲಕ ಪರಾರಿಯಾಗಿದ್ದು ಶೆಟ್ಟಹಳ್ಳಿ ಗ್ರಾಮದ ಬಳಿ ಡೈರಿ ಮುಂಭಾಗ ವಿದ್ಯುತ್ ಕಂಬಕ್ಕೆ ಡಿಕ್ಕಿಹೊಡೆಯಬೇಕಾಗಿದ್ದ ಲಾರಿಯು ಕೂದಲೆಳೆಯ ಅಂತರದಿಂದ ಪಾರಾಗಿದೆ. ಲಾರಿ ಮಾಲೀಕರುಗಳಾದ ಯೋಗೇಶ್ ಮತ್ತು ಮಧು ಎಂಬುವರನ್ನು ಪೋಲೀಸರು ಬಂದಿಸಿದ್ದು ನಾಗಮಂಗಲ ಗ್ರಾಮಾಂತರ ಪೋಲೀಸ್ ಠಾಣೆಯಲ್ಲಿ ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ.

ಮರಳು ಮಾಫಿಯಾ ವಿರುದ್ದ ಅಧಿಕಾರಿಗಳನ್ನು ಲೆಕ್ಕಿಸದೆ ಈ ದಂಗೆಕೋರರು ದೇವಲಾಪುರ ಹೋಬಳಿಯ ಕೆಲಭಾಗಗಳಲ್ಲಿ ನಿತ್ಯನಿರಂತರವಾಗಿ ಮರಳು ಸಾಗಿಸುತ್ತಿದ್ದು ಈ ಮಾಫಿಯಾಗೆ ಈಗಲೇ ಮುನ್ನೇಚರಿಕೆಯ ಕ್ರಮಕೈಗೊಂಡು ಹಾಗೂ ಶಿಂಷಾ ತೊರೆಯ ಪಾತ್ರದಲ್ಲಿ ಕಟ್ಟುನಿಟ್ಟಿನ ಕ್ರಮಕೈಗೊಳ್ಳುವರೆ ಎಂಬುದನ್ನು ಕಾದು ನೋಡಬೇಕಾಗಿದೆ ಎಂಬುದನ್ನು ಸಾರ್ವಜನಿಕ ವಲಯದಿಂದ ಕೇಳಿಬರುತ್ತಿದ್ದೆ.

ಭಾರತೀನಗರ.ಆ.31-ಚಾಮುಂಡೇಶ್ವರಿ ಹಾಗೂ ಕೊಪ್ಪ ಸಕ್ಕರೆ ಕಾರ್ಖಾನೆಗಳು  ರೈತರಿಗೆ ಬರಬೇಕಾದ ಬಾಕಿ ಹಣವನ್ನು ಪಾವತಿಸದೆ ರೈತರಿಗೆ  ವೈಜ್ಞಾನಿಕ ಬೆಲೆ ನೀಡದಿರುವುದರಿಂದ  ಕಬ್ಬು ಬೆಳೆಗಾರರ ಮತ್ತು ರೈತರ  ಸಭೆಯನ್ನು ಕೆ.ಎಂ.ದೊಡ್ಡಿಯ ಡಿ.ಸಿ.ತಮ್ಮಣ್ಣನವರ ಕಚೇರಿಯಲ್ಲಿ ಸೋಮವಾರ ಬೆಳಿಗ್ಗೆ 10.30ಕ್ಕೆ ಏರ್ಪಡಿಸಲಾಗಿದೆ. ಎಲ್ಲಾ ರೈತರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಬೇಕೆಂದು ಶಾಸಕ ಡಿಸಿತಮ್ಮಣ್ಣ ಕೋರಿದ್ದಾರೆ.
    ಈ ಭಾಗದಲ್ಲಿ ಸಮರ್ಪಕವಾಗಿ ಮಳೆಇಲ್ಲದೆ, ನಾಲೆಯಲ್ಲಿ ನೀರು ಇಲ್ಲದೆ ಬೆಳೆಗಳು ಒಣಗುತ್ತಿವೆ.   ಈಗಾಗಲೇ ಜಿಲ್ಲೆಯಲ್ಲಿ ಮಂಡ್ಯ ಮೈಷುಗರ್, ಪಾಂಡುಪುರ ಪಿಎಸ್‍ಎಸ್‍ಕೆ, ಕೆಆರ್‍ಪೇಟೆ ಕೋರಮಂಡಲ್ ಸಕ್ಕರೆ ಕಾರ್ಖಾನೆಗಳು ಪ್ರಾರಂಭಗೊಂಡಿವೆ. ಆದರೆ  ಮದ್ದೂರು ತಾಲ್ಲೂಕಿನ ಕೊಪ್ಪ ಎನ್‍ಎಸ್‍ಎಲ್, ಭಾರತೀನಗರದ ಚಾಮುಂಡೇಶ್ವರಿ ಸಕ್ಕರೆ ಕಾರ್ಖಾನೆ ಇನ್ನೂ ಪ್ರಾರಂಭಗೊಳ್ಳದಿರುವುದರಿಂದ ರೈತರ ಸಭೆಯನ್ನು ಆಯೋಜಿಸಲಾಗಿದೆ. ಅಲ್ಲಿ ಸಾಧಕ, ಬಾಧಕ ವಿಚಾರವನ್ನು ಚರ್ಚಿಸಿ ಕಬ್ಬು ಸರಬರಾಜಿಗೆ ತೀರ್ಮಾನವನ್ನು ಕೈಗೊಳ್ಳಬೇಕಾಗಿದೆ ಎಂದು ತಿಳಿಸಿದರು.

ಪಾಂಡವಪುರ: ಕೆಎಸ್‍ಆರ್‍ಡಿಸಿ ಬಸ್ ಬೈಕ್‍ಗೆ  ಡಿಕ್ಕಿಹೊಡೆದ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿರುವ ಘಟನೆ ಮೈಸೂರು ಕೆ.ಆರ್.ಪೇಟೆ ರಸ್ತೆಯ ಡಾಮಡಹಳ್ಳಿ ಕ್ರಾಸ್ ಬಳಿ ಭಾನುವಾರ ಸಂಜೆ ನಡೆದಿದೆ.
ತಾಲೂಕಿನ ಕೆ.ಬೆಟ್ಟಹಳ್ಳಿ ಗ್ರಾಮದ ಕುಮಾರ್ ಆಲಿಯಾಸ್ ಅಮ್ಮಣ್ಣಿ(33) ಎಂಬಾತನೇ ಅಪಘಾತದಲ್ಲಿ ಸಾವನ್ನಪ್ಪಿರುವ ದುದೈವಿ.
ಕುಮಾರ್ ಆಲಿಯಾಸ್ ಅಮ್ಮಣ್ಣಿ ರೈಲ್ವೇ ಸ್ಟೇಷನ್‍ಗೆ ಹೋಗಿ ಮತ್ತೇ ಸ್ವ ಗ್ರಾಮ ಕೆ.ಬೆಟ್ಟಹಳ್ಳಿಗೆ ವಾಪಸ್ಸಾಗುವ ಸಂದರ್ಭದಲ್ಲಿ, ಕೆ.ಆರ್.ಪೇಟೆ ಕಡೆಯಿಂದ ಬಂದ ಕೆಎಸ್‍ಆರ್‍ಟಿಸಿ ಬಸ್ ಬೈಕ್‍ಗೆ ಮುಖಾಮುಖಿ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಬಸ್ ಸವಾರ ಬಸ್‍ನ್ನು ಸ್ಥಳದಲ್ಲೇ ಬಿಟ್ಟು ಪರಾರಿಯಾಗಿದ್ದಾನೆ.
ಘಟನಾ ಸ್ಥಳಕ್ಕೆ ದಾವಿಸಿದ ಅಕ್ಕ-ಪಕ್ಕ ಗ್ರಾಮಸ್ಥರು ಮತ್ತೇ ಸಾರ್ವಜನಿಕರು ಘಟನೆಯಿಂದ ಆಕ್ರೋಶಗೊಂಡು ಬಸ್‍ನ ಗಾಜುಗಳನ್ನು ಪುಡಿಪುಡಿ ಮಾಡಿ, ರಸ್ತೆ ತಡೆದು ಸಾರಿಗೆ ಸಂಸ್ಥೆ ವಿರುದ್ದ ಆಕ್ರೋಶ ವ್ಯಕ್ತಪಡಿಸಿ, ಸ್ಥಳದಲ್ಲೇ ಪ್ರತಿಭಟನೆ ನಡೆಸಿದರು.
ಡಾಮಡಹಳ್ಳಿ ಕ್ರಾಸ್ ತುಂಬಾ ಅಪಾಯಾಕಾರಿಯಾಗದ್ದು ಈ ಸ್ಥಳದಲ್ಲಿ ಇಂತಹ ಘಟನೆಗಳು ಪದೇ ಪದೇ ನಡೆಯುತ್ತಿವೆ, ಇದಕ್ಕೆ ಕಾರಣ ರಸ್ತೆ ಅಗಲಿ ಕರಣವಾಗದಿರುವುದು. ಆದ್ದರಿಂದ ಈ ಸ್ಥಳದಲ್ಲಿ ರಸ್ತೆ ಅಗಲಿಸಿ ಮತ್ತೇ ರಸ್ತೆಯ ಪಕ್ಕದಲ್ಲಿರುವ ತೆಂಗಿನ ಮರಗಳನ್ನು ಕಡಿಸಬೇಕು ಎಂದು ಒತ್ತಾಯಿಸಿದರು.
ಸ್ಥಳಕ್ಕಾಗಮಿಸಿದ ಪಾಂಡವಪುರ ಕೆಎಸ್‍ಆರ್‍ಟಿಸಿ ಡಿಪೋ ವ್ಯವಸ್ಥಾಪಕ ಮಹದೇವಯ್ಯ ಭೇಟಿಕೊಟ್ಟು ಪರಿಶೀಲಿಸಿ, ಪ್ರತಿಭಟನಕಾರರ ಮನಹೊಲಿಸಲು ಪ್ರಯತ್ನ ಪಟ್ಟಿದ್ದಾದರು ಅದು ವಿಫಲವಾಯಿತು, ನಂತರ ಸ್ಥಳಲ್ಲೇ ಕುಮಾರ್ ಕುಟುಂಬಕ್ಕೆ ಪರಿಹಾರ ನೀಡುವಂತೆ ಸಾರ್ವಜನಿಕರು ಒತ್ತಾಯಿಸಿದರು, ಇದಕ್ಕೆ ಕೆಎಸ್‍ಆರ್‍ಟಿಸಿ ಡಿಪೋ ವ್ಯವಸ್ಥಾಪಕ ಮಹದೇವಯ್ಯ ಮೃತ ಕುಟುಂಬಕ್ಕೆ 50 ಸಾವಿರ ರೂ ಗಳನ್ನು ತಾತ್ಕಾಲಿಕ ಪರಿಹಾರ ನೀಡಿದರು. ನಂತರ ಪ್ರತಿಭಟನೆಯನ್ನು ಸ್ಥಗಿತಗೊಳಿಸಲಾಯಿತು.
ಈ ಸಂಭಂದ ಶ್ರೀರಂಗಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ.

ಹಲ್ಲೇಗೆರೆಯಲ್ಲಿ ಸೆ.7 ರಂದು ಉಚಿತ ಕಣ್ಣಿನ ಪೊರೆ ತಪಾಸಣಾ ಶಿಬಿರ
ಮಂಡ್ಯ ತಾಲೂಕು ಹಲ್ಲೇಗೆರೆ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲಾ ಆವರಣದಲ್ಲಿ ಅಮೆರಿಕಾದ ಸ್ಕೋಪ್ ಫೌಂಡೇಷನ್ ವತಿಯಿಂದ ಸೆ.7 ರಂದು ಭಾನುವಾರ ಬೆಳಿಗ್ಗೆ 11 ಗಂಟೆಯಿಂದ ಮಧ್ಯಾಹ್ನ 2 ಗಂಟೆವರೆಗೆ ಉಚಿತ ಕಣ್ಣಿನ ಪೊರೆ ತಪಾಸಣಾ ಶಿಬಿರ ಮತ್ತು ಆಧುನಿಕ ಶಸ್ತ್ರ ಚಿಕಿತ್ಸೆ ಮೂಲಕ ಐಒಎಲ್ ಅಳವಡಿಕೆ ಶಿಬಿರ ಆಯೋಜಿಸಲಾಗಿದೆ. ಮೈಸೂರಿನ ಭಗವಾನ್ ಮಹಾವೀರ ದರ್ಶನ್ ಆಸ್ಪತ್ರೆಯ ಕಣ್ಣಿನ ತಜ್ಞ ಡಾ.ಭರತ್‍ಕುಮಾರ್ ಸೋಲಂಕಿ ಮತ್ತಿತರರ ತಜ್ಞ ವೈದ್ಯರು ಶಿಬಿರದಲ್ಲಿ ಭಾಗವಹಿಸಲಿದ್ದಾರೆ. ಶಸ್ತ್ರ ಚಿಕಿತ್ಸೆಯನ್ನು ಮೈಸೂರಿನ ಮಹಾವೀರ್ ಆಸ್ಪತ್ರೆಯಲ್ಲಿ ಉಚಿತವಾಗಿ ಮಾಡಲಾಗುವುದು.ಕನ್ನಡಕವನ್ನು ಉಚಿತವಾಗಿ ನೀಡಲಾಗುವುದು. 2 ದಿನಗಳ ಕಾಲ ಆಸ್ಪತ್ರೆಯಲ್ಲಿ ಇರಬೇಕು. ಹೆಚ್ಚಿನ ವಿವರಗಳಿಗೆ ಡಾ.ವೆಂಕಟೇಶ್-9986210736, ಡಾ.ಎಚ್.ಎನ್.ಎಲ್.ಮೂರ್ತಿ-08232-273215 ಅವರನ್ನು ಸಂಪರ್ಕಿಸಬೇಕೆಂದು ಪ್ರಕಟಣೆಯಲ್ಲಿ ಕೋರಲಾಗಿದೆ.

ಕೃಷ್ಣರಾಜಪೇಟೆ. ಇಂದಿನ ನಾಗರಿಕ ಜಗತ್ತಿನ ಸ್ಪರ್ಧಾಪ್ರಪಂಚದಲ್ಲಿ ಟೈಲರಿಂಗ್ ಮತ್ತು ಗಾರ್ಮೆಂಟ್ಸ್ ಕ್ಷೇತ್ರದಲ್ಲಿ ಹೆಣ್ಣು-ಗಂಡು ಎಂಬ ಬೇಧ-ಭಾವವಿಲ್ಲದಂತೆ ಕಷ್ಟಪಟ್ಟು ದುಡಿಮೆ ಮಾಡಿದರೆ ಆರ್ಥಿಕವಾಗಿ ಸ್ವಾವಲಂಭಿ ಜೀವನವನ್ನು ನಡೆಸುವ ಜೊತೆಗೆ ಇಡೀ ಕುಟುಂಬವನ್ನು ಸಮರ್ಥವಾಗಿ ಮುನ್ನಡೆಸಬಹುದಾಗಿದೆ ಎಂದು ಪಾಂಡವಪುರ ತಾಲೂಕು ಟೈಲರ್ಸ್ ಸಂಘದ ಅಧ್ಯಕ್ಷ ಕೃಪಾಕರ್ ಹೇಳಿದರು.
ಅವರು ಇಂದು ಪಟ್ಟಣದ ಟೈಲರ್ಸ್ ಸಂಘದ ಆಶ್ರಯದಲ್ಲಿ ಆಚರಿಸುತ್ತಿರುವ ಗಣೇಶೋತ್ಸವ ಸಮಾರಂಭದ ಅಂಗವಾಗಿ ನಡೆದ ಶರ್ಟಿಗೆ ಕಾಚ-ಗುಂಡಿ ಹಾಕುವ ಜಿಲ್ಲಾ ಮಟ್ಟದ ಸ್ಪರ್ಧೆಯನ್ನು ಉದ್ಘಾಟಿಸಿ ಮಾತನಾಡಿದರು.
ಟೈಲರಿಂಗ್ ಮತ್ತು ಎಂಬ್ರಾಯಿಡರಿಂಗ್ ಎನ್ನುವುದು ಒಂದು ವೃತ್ತಿ ಕೌಶಲ್ಯವಾಗಿದೆ. ಟೈಲರಿಂಗ್ ಅನ್ನು ಕಷ್ಟಪಟ್ಟು ಕಲಿತು ಇದೇ ವ್ರತ್ತಿಯನ್ನು ಕಸುಬನ್ನಾಗಿಸಿಕೊಂಡು ಮುಂದುವರೆದರೆ ಖಂಡಿತವಾಗಿಯೂ ಸ್ವಾವಲಂಭಿ ಜೀವನವನ್ನು ನಡೆಸಬಹುದಲ್ಲದೇ ಇಡೀ ಕುಟುಂಬಕ್ಕೆ ಆರ್ಥಿಕವಾದ ಶಕ್ತಿಯನ್ನು ನೀಡಿ ಸಂಸಾರವನ್ನು ಮುನ್ನಡೆಸಬಹುದಾಗಿದೆ. ಆದರೆ ಕಷ್ಟಪಟ್ಟು ವೃತ್ತಿಯನ್ನು ನಡೆಸುವ ವೃತ್ತಿ ಬಾಂಧವರು ತಮ್ಮ ಆರೋಗ್ಯದ ಕಡೆಗೆ ಗಮನ ಹರಿಸದೇ ಅನಿರೀಕ್ಷಿತವಾಗಿ ಆಕಸ್ಮಿಕವಾದ ಸಾವಿಗೆ ಶರಣಾಗುತ್ತಿರುವುದನ್ನು ಕಾಣುತ್ತಿದ್ದೇನೆ. ಇಂದಿನ ರೆಡಿಮೇಡ್ ಬಟ್ಟೆಗಳ ಯುಗದಲ್ಲಿಯೂ ವೃತ್ತಿನಿರತ ಟೈಲರ್‍ಗಳಿಗೆ ಇರುವ ಬೇಡಿಕೆಯು ಸ್ವಲ್ಪವೂ ಕಡಿಮೆಯಾಗಿಲ್ಲ. ಮಾರುಕಟ್ಟೆಯ ಪೈಪೋಟಿಯಲ್ಲಿ 200ರೂಗಳಿಗೆ ಒಂದು ಶರ್ಟು ಸಿಗುತ್ತದೆ ಆದರೆ ಒಂದು ಶರ್ಟ್ ಹೊಲಿಯಲು ವೃತ್ತಿನಿರತ ಟೈಲರ್ ಕನಿಷ್ಠ 150ರೂ ಕೂಲಿಯನ್ನು ಪಡೆದರೆ ಒಂದು ಹೆಂಗಸರ ಬ್ಲೌಸ್ ಹೊಲೆಯಲು 250ರೂ ಪಡೆಯುತ್ತಿರುವುದನ್ನು ಕಾಣುತ್ತಿದ್ದೇವೆ. ಆದ್ದರಿಂದ ಟೈಲರಿಂಗ್ ಕ್ಷೇತ್ರದಲ್ಲಿ ದುಡಿಯುತ್ತಿರುವ ಬಂಧುಗಳು ಕಡ್ಡಾಯವಾಗಿ ಸಂಘದ ಸದಸ್ಯರಾಗಿ ಗುರುತಿನ ಚೀಟಿಯನ್ನು ಪಡೆದುಕೊಂಡು ತಮಗೆ ನ್ಯಾಯಬದ್ಧವಾಗಿ ದೊರೆಯಬೇಕಾದ ಸೌಲಭ್ಯಗಳನ್ನು ಕೇಳಿ ಪಡೆಯಬೇಕು. ಟೈಲರ್‍ಗಳು ತಾವು ಕಷ್ಟಪಟ್ಟುಗಳಿಸಿದ ಹಣದಲ್ಲಿ ಅಲ್ಪ ಭಾಗವನ್ನು ಕೂಡಿಡುವುದನ್ನು ಯಾವುದೇ ಕಾರಣಕ್ಕೂ ಮರೆಯಬಾರದು. ಕೂಡಿಟ್ಟ ಹಣವು ಕಷ್ಟಕಾಲದಲ್ಲಿ ಸಂಸಾರದ ನೆರವಿಗೆ ಬಂದು ಕಾಪಾಡುತ್ತದೆ ಎಂಬ ಸತ್ಯವನ್ನು ಅರಿಯಬೇಕು. ಟೈಲರ್‍ಗಳು ದುಶ್ಚಟಗಳಿಂದ ದೂರವಿದ್ದು ಸಂತೋಷದಿಂದ ನೆಮ್ಮದಿಯ ಜೀವನ ನಡೆಸಬೇಕು ಎಂದು ಕರೆ ನೀಡಿದರು.
ಟೈಲರ್ಸ್ ಸಂಘದ ತಾಲೂಕು ಘಟಕದ ಅಧ್ಯಕ್ಷ ಸುಬ್ಬೇಗೌಡ ಮಾತನಾಡಿ ಕೃಷ್ಣರಾಜಪೇಟೆ ತಾಲೂಕು ಟೈಲರ್ಸ್ ಸಂಘವು ಸಮಾಜಮುಖಿಯಾಗಿ ಕಾರ್ಯ ನಿರ್ವಹಿಸುತ್ತಿದೆಯಲ್ಲದೇ ಸಂಕಷ್ಟದಲ್ಲಿರುವ ಟೈಲರ್‍ಗಳ ಕುಟುಂಬ ವರ್ಗದವರಿಗೆ ಕೈಲಾದ ಸಹಾಯವನ್ನು ಮಾಡುತ್ತಾ ಸಮಾಜಮುಖಿಯಾಗಿ ಕಾರ್ಯನಿರ್ವಹಿಸುತ್ತಿದೆ. ಸಂಘದ ಸದಸ್ಯತ್ವವನ್ನು ಪಡೆದಿರುವ ಸದಸ್ಯರಿಗೆ ಜನಶ್ರೀ ವಿಮಾ ಯೋಜನೆಯಡಿಯಲ್ಲಿ ಸಾಮೂಹಿಕ ವಿಮಾ ಸೌಲಭ್ಯ ಹಾಗೂ ಅಕಾಲಿಕವಾಗಿ ಅನಾರೋಗ್ಯದಿಂದ ಮೃತರಾದ ಟೈಲರ್‍ಗಳ ಕುಟುಂಬಕ್ಕೆ ಧನ ಸಹಾಯಮಾಢಿ ಸಹಾಯ ಹಸ್ತವನ್ನು ಚಾಚಿದೆ. ಕ್ಷೇತ್ರದ ಶಾಸಕರಾದ ನಾರಾಯಣಗೌಡ ಅವರು ಟೈಲರ್‍ಗಳಿಗೆ ಬಿಪಿಎಲ್ ಕಾರ್ಡನ್ನು ಕೊಡಿಸಿಕೊಡುವ ಜೊತೆಗೆ ಪಟ್ಟಣದ ವ್ಯಾಪ್ತಿಯಲ್ಲಿ ನಿವೇಶನವನ್ನು ದೊರಕಿಸಿಕೊಡುವುದಾಗಿ ಭರವಸೆ ನೀಡಿದ್ದಾರೆ. ಆದ್ದರಿಂದ ಆರ್ಥಿಕವಾಗಿ ಸಂಕಷ್ಟದಲ್ಲಿರುವ ಟೈಲರ್‍ಗಳು ಧೃತಿಗೆಡದೇ ಆತ್ಮವಿಶ್ವಾಸದಿಂದ ಜೀವನ ನಡೆಸಬೇಕು. ತಮ್ಮ ಮಕ್ಕಳನ್ನು ಕಡ್ಡಾಯವಾಗಿ ಶಾಲೆಗೆ ಕಳುಹಿಸುವ ಮೂಲಕ ವಿದ್ಯಾವಂತರನ್ನಾಗಿ ರೂಪಿಸಬೇಕು ಎಂದು ಸುಬ್ಬೇಗೌಡ ಕರೆ ನೀಡಿದರು.
ಇದೇ ಸಂದರ್ಭದಲ್ಲಿ ನಡೆದ ಕಾಚ-ಗುಂಡಿ ಸ್ಪರ್ಧೆಯಲ್ಲಿ ಪ್ರಥಮ ಸ್ಥಾನ ಪಡೆದ ಕಿಕ್ಕೇರಿಯ ಮಂಜುನಾಥ( 10ಸಾವಿರ ರೂ), ದ್ವತೀಯ ಬಹುಮಾನ ಪಡೆದ ಪಾಂಡವಪುರದ ಕೇಶವರಾಂಪೋರೆ(ದ್ವಿತೀಯ, 5ಸಾವಿರ ರೂ) ಮತ್ತು ಕೆ.ಆರ್.ಪೇಟೆ ಸ್ವಾಮಿ(ತೃತೀಯ ಬಹುಮಾನ 3ಸಾವಿರ ರೂ) ಹಾಗೂ ಸಮಾಧಾಶನಕರ ಬಹುಮಾನ ಅಕ್ಕಿಹೆಬ್ಬಾಳಿನ ಅರ್ಫತ್( ಒಂದು ಸಾವಿರ ರೂ) ನಗಧು ಬಹುಮಾನ ಮತ್ತು ನೆನಪಿನ ಕಾಣಿಕೆಯನ್ನು ಅತಿಥಿಗಳಿಂದ ಸ್ವೀಕರಿಸಿದರು.
ಕಾರ್ಯಕ್ರಮದಲ್ಲಿ ತಾಲೂಕು ಟೈಲರ್ಸ್ ಸಂಘದ ಕಾರ್ಯದರ್ಶಿ ಹೊಸಹೊಳಲು ಕೃಷ್ಣ, ಖಜಾಂಚಿ ಶ್ರೀಕಾಂತ್ ಟೈಲರ್ಸ್ ಕಾಂತರಾಜು, ಉಪಾಧ್ಯಕ್ಷ ಭಾಬೂರಾವ್, ಲೋಕೇಶ್, ದೇವರಾಜ್, ಪತ್ರಕರ್ತರಾದ ಬೂಕನಕೆರೆ ಪ್ರಕಾಶ್, ಅಗ್ರಹಾರಬಾಚಹಳ್ಳಿ ಶ್ರೀನಿವಾಸ್, ಶಿವಸಾಗರ್ ನಾಗರಾಜ್ ಮತ್ತಿತರರು ಭಾಗವಹಿಸಿದ್ದರು.
ಚಿ

ಮಂಡ್ಯ: ತಾಳ್ಮೆಯಿಂದ ನಂಬಿಕೆ ಇಟ್ಟುಕೊಂಡು ಕೆಲಸ ಮಾಡಿದರೆ ಸಂಘವು ಅನುಕೂಲ ಕಲ್ಪಿಸಲಿದೆ ಎಂದು ಸಹಕಾರ ಸಂಘಗಳ ಲೆಕ್ಕಶೋಧಕ ನಂಜೇಗೌಡ ಸಭೆ ಉದ್ಘಾಟಿಸಿ ಮಾತನಾಡಿದರು.  ನಗರದ ಗುರುಭವನದಲ್ಲಿ ರಾಜ್ಯ ಸರ್ಕಾರಿ ನೌಕರರ ಗೃಹ ನಿರ್ಮಾಣ ಸಹಕಾರ ಸಂಘದ ಪ್ರಥಮ ಸರ್ವ ಸದಸ್ಯರ ಮಹಾಸಭೆಯಲ್ಲಿ ಮಾತಲಾಡಿದ ಅವರು ಸಂಘದ ಧ್ಯೇಯೋದ್ದೇಶಗಳು ಉತ್ತಮ ರೀತಿಯಲ್ಲಿದ್ದು, ಶೀಘ್ರದಲ್ಲಿ ನೌಕರರಿಗೆ ನಿವೇಶನ ಒದಗಿಸಿಕೊಡಲು ಮುಂದಾಗಬೇಕು ಎಂದರು.
ಸಂಘದ ಅಧ್ಯಕ್ಷ ಕೆ.ನಾಗೇಶ್ ಮಾತನಾಡಿ, ಮನೆ, ನಿವೇಶನ ಇಲ್ಲದ ಸರ್ಕಾರಿ ನೌಕರರಿಗೆ ನಿವೇಶನ ಒದಗಿಸಿಕೊಡಲು ಪ್ರಯತ್ನ ಮಾಡಲಾಗುತ್ತಿದೆ. ನಗರದ ಸುತ್ತಮುತ್ತಲ ಪ್ರದೇಶದಲ್ಲಿ ಕಡಿಮೆ ದರದಲ್ಲಿ ಜಮೀನನ್ನು ಖರೀದಿಸಿ, ನಿವೇಶನವಾಗಿ ಪರಿವರ್ತಿಸಲಾಗುವುದು. ಸಂಘದಲ್ಲಿ ಹಣ ಲೋಪವಾಗದ ರೀತಿಯಲ್ಲಿ ಕೆಲಸ ನಿರ್ವಹಿಸಲಿದೆ. ಈ ಬಗ್ಗೆ ನೌಕರರು ಆತಂಕಕ್ಕೆ ಒಳಗಾಗಬೇಕಿಲ್ಲ ಎಂದು ಹೇಳಿದರು.
ಸಂಘದ ಸದಸ್ಯತ್ವ ಪಡೆಯುವ ನೌಕರರು ಹಂತ ಹಂತವಾಗಿ ಹಣ ಪಾವತಿಸಬೇಕು. ಆ ನಂತರ ನಿವೇಶನ ಖರೀದಿಸಿ, ಅಭಿವೃದ್ಧಿ ಪಡಿಸಲಾಗುವುದು ಎಂದು ತಿಳಿಸಿದರು.
ಸಂಘದ ಉಪಾಧ್ಯಕ್ಷ ಕೆ.ಜೆ.ಪುಟ್ಟೇಗೌಡ, ಕೆ.ಸಿ.ರವಿಶಂಕರ್, ಮುಖಂಡರಾದ  ಪುಟ್ಟಸ್ವಾಮಿಗೌಡ, ಡಿ.ಜೆ.ಈಶ್ವರ್, ಬಿ.ಎಂ.ಅಪ್ಪಾಜಪ್ಪ, ಎಚ್.ಸಿ.ಚೌಡಯ್ಯ, ಚಂದ್ರಶೇಖರ್,  ಹೇಮಣ್ಣ, ಸಿ.ಜೆ.ಜಲಜ, ರೇಷ್ಮಾ, ಕೆ.ಎನ್.ಕುಮಾರ್, ಕೆ.ಈಶ್ವರಸ್ವಾಮಿ, ದೇವರಾಜು, ಚಂದ್ರಶೇಖರ್, ಟಿ.ರವಿಶಂಕರ್ ಇತರರು ಭಾಗವಹಿಸಿದ್ದರು.

ಸಿಇಓ ಏಕಪಕ್ಷೀಯ ಆಡಳಿತ : ಸದಸ್ಯರ ಆಕ್ರೋಷ ಸಭೆಯಲ್ಲಿ ಪ್ರಶ್ನೆಗಳಿಗೆ ಉತ್ತರಿಸಲಾಗದೆ ಬಸವಳಿದ ಸಿಂಧೂರಿ
ಮಂಡ್ಯ,ಆ.30- ಜಿ.ಪಂ.ನ ಸದಸ್ಯರು ನೂತನ ಸಿಇಓ ರೋಹಿಣಿ ಸಿಂಧೂರಿರವರು ಸಭೆಯಲ್ಲಿ ತೆಗೆದುಕೊಂಡ ನಿರ್ಣಯಗಳನ್ನು ಬದಿಗೊತ್ತಿ, ತಮ್ಮದೆ ಕಾನೂನು ರೂಪಿಸಿಕೊಂಡು ಜಿ.ಪಂ.ನ ಅಧ್ಯಕ್ಷರು ಹಾಗೂ ಸದಸ್ಯರುಗಳಿಗೆ ಯಾವುದೇ ಬೆಲೆ ನೀಡದೆ ಏಕಪಕ್ಷೀಯ ಆಡಳಿತ ನಡೆಸುತ್ತಿದ್ದಾರೆ ಎಂದು ಆಕ್ರೋಷ ವ್ಯಕ್ತಪಡಿಸಿದರು.
ಜಿ.ಪಂ. ನ ಕಾವೇರಿ ಸಭಾಂಗಣದಲ್ಲಿ ಆಯೋಜಿಸಲಾಗಿದ್ದ ಸಾಮಾನ್ಯ ಸಭೆಯಲ್ಲಿ ಸದಸ್ಯರುಗಳು ಸಿಇಓ ರವರ ಕಾರ್ಯವೈಖರಿಯು ಸರಿಯಿಲ್ಲ ಎಂದು ಖಂಡಿಸಿದರು.
ಸಭೆಯ ಪ್ರಾರಂಭ ಹಂತದಲ್ಲಿ ಸುರೇಶ್ ಕಂಠಿರವರು ಶ್ರೀ ವೀರಭದ್ರೇಶ್ವರ ಸಮುದಾಯ ಭವನವನ್ನು ವೀರ ಭದ್ರಸ್ವಾಮಿ ಗ್ರಾಮೀಣ ಅಭಿವೃದ್ಧಿ ಟ್ರಸ್ಟ್‍ನ ಆಡಳಿತಕ್ಕೆ ನೀಡಿರುವ ವಿಚಾರವಾಗಿ ಈಗಾಗಲೇ ಸಭೆಯಲ್ಲಿ ಚರ್ಚಿಸಿ ಎಲ್ಲಾ ಸದಸ್ಯರು ಏಕಸಾಮ್ಯವಾಗಿ ತೆಗೆದು ಕೊಂಡ ನಿರ್ಧಾರವನ್ನು ಪ್ರಶ್ನಿಸಿ ಸಿಇಓ ರವರು ಸದಸ್ಯರೊಂದಿಗೆ ಚರ್ಚಿಸದೇ, ಆಕ್ಷೇಪಣೆಯೂ ಮಾಡದೆ, ಅಧ್ಯಕ್ಷರ ಗಮನಕ್ಕೂ ತರದೆ ಸರ್ಕಾರಕ್ಕೆ ಪತ್ರ ಬರೆದಿರುವುದು ಸಮಂಜಸವಲ್ಲ, ಹಾಗೆಯೇ ಅಂಬೇಡ್ಕರ್ ಭವನ ನಿರ್ಮಣದ ವಿಚಾರವಾಗಿಯೂ ಸಹ ಪತ್ರದಲ್ಲಿ ತಿಳಿಸಿರುವುಕ್ಕೆ ಸ್ಪಷ್ಟನೆ ನೀಡುವಂತೆ ಕೇಳಿದರು.
ಇದಕ್ಕೆ ದನಿ ಗೂಡಿಸಿದ ವಿರೋದ ಪಕ್ಷದ ನಾಯಕ  ಬಸವರಾಜುರವರು ಸಮುದಾಯ ಭವನವಾಗಲಿ, ಅಂಬೇಡ್ಕರ್ ಭವನವಾಗಲಿ ರಾಜ್ಯಪಾಲರ ಹೆಸರಿಗೆ ನೋಂದಣೆಯಾಗಿರುತ್ತದೆ. ಆಗಾದಾಗ ಅದು ಸರ್ಕಾರದ ಆಸ್ತಿಯಾಗಿರುತ್ತದೆ. ಯಾವುದೇ ಖಾಸಗಿ ಆಸ್ತಿಯಾಗಿರುವುದಿಲ್ಲ, ಒಮ್ಮೆ ನೋಂದಣಿಯಾದುದನ್ನು ಮರು ನೋಂದಣಿ ಮಾಡಲಾಗುವುದಿಲ್ಲ, ಮುರುನೊಂದಣೆ ಮಾಡಿದ್ದಲ್ಲಿ ಅದು ಕ್ರಿಮಿನಲ್ ಮೊಕದ್ದಮೆಯಾಗುತ್ತದೆ. ಆದ್ದರಿಂದ ಈ ವಿಚಾರವಾಗಿ ಸರ್ಕಾರವನ್ನು ಮರು ಪ್ರಶ್ನಿಸುವ ಅಗತ್ಯವಿಲ್ಲ. ಎಲ್ಲವನ್ನು ಸರ್ಕಾರವೇ ಮಾಡುವುದಾದಲ್ಲಿ ಜಿ.ಪಂ. ಬೇಕಾಗಿರುವುದಾದರೂ ಏತಕ್ಕಾಗಿ ಎಂದು ಪ್ರಶ್ನಿಸಿದರು.
ಇದಕ್ಕೆ ಉತ್ತರವಾಗಿ ಸಿಇಓ ರವರು ಯಾವುದೇ ಸರ್ಕಾರದ ಕಟ್ಟಡವನ್ನು ಖಾಸಗಿರವರ ಆಡಳಿತಕ್ಕೆ ನೀಡಲಾಗುವುದಿಲ್ಲ, ಅದನ್ನು ಖಚಿತ ಪಡಿಸಿಕೊಳ್ಳು ಉದ್ದೇಶದಿಂದ ಪತ್ರ ಭರೆದಿರುವುದಾಗಿಯೂ, ನೋಂದಣೆ ಮಾಡಿದಂತಹ ಆಸ್ತಿಯನ್ನು ರದ್ದು ಪಡಿಸಿ ಪಂಚಾಯತಿಗೆ ಮರು ನೋಂದಣೆ ಮಾಡಬಹುದಾಗಿದೆ ಎಂದು ತಿಳಿಸಿದರು.
ಇದಕ್ಕೆ ಒಪ್ಪದ ಸದಸ್ಯರು ಯಾವುದೇ ರೀತಿಯಲ್ಲಿ ಸರ್ಕಾರವನ್ನು ಕೇಳುವ ಪ್ರಶ್ನೆಯೇ ಇರುವುದಿಲ್ಲ. ಸಿಇಓ ರವರು ಏಕಪಕ್ಷೀಯ ಆಡಳಿತ ನಡೆಸುತ್ತಲಿದ್ದಾರೆ. ಯಾವುದೇ ವಿಚಾರವಾಗಿಯೂ ಸಹ ಸದಸ್ಯರ ಸಲಹೆಗಳನ್ನು ಕೇಳದ ತಮ್ಮದೇ ಕಾನೂನನ್ನು ಜಾರಿಗೆ ತರಲು ಹೊರಟಿದ್ದಾರೆ ಎಂದು ಸದಸ್ಯ ರು ಖಂಡಿಸಿದರು.
ಮದ್ಯೆ ಪರವೇಶಿಸಿ ಮಾತನಾಡಿದ ಸದಸ್ಯ ಮಂಜೇಗೌಡರವರು ಸಿಇಓರವರು ಸವಾರ್ಧಿಕಾರಿ ಧೋರಣೆ ನೀತಿಯನ್ನು ಅನುಸರಿಸುತ್ತಲಿದ್ದಾರೆ. ತಾಲ್ಲೂಕು ಮಟ್ಟದಲ್ಲಿ ಸ್ಥಳೀಯ ಮುಖಂಡರ ಕಾರ್ಯಗಾರವನ್ನು ಏರ್ಪಡಿಸುವಾಗಲು ಯಾವುದೇ ರೀತಿಯಲ್ಲಿ ಸಭೆ ಕರೆದು, ಸದ್ಯರ ಅಭಿಪ್ರಾಯವನ್ನಾಗಲಿ, ಅಧ್ಯಕ್ಷರ ಅನುಮತಿಯನ್ನಾಗಲಿ ಪಡೆಯಲಿಲ್ಲ, ತಮ್ಮದೇ ಆದ ಹಾದಿಯನ್ನು ರೂಪಿಸಿಕೊಂಡಿದ್ದಾರೆ ಎಂದು ಕೆಂಡ ಕಾರಿದರು.
ಇಷ್ಟೇ ಅಲ್ಲದೆ ಶೌಚಾಲಯ ನಿರ್ಮಾಣ ಅಭಿಯಾನವನ್ನು ಪ್ರಾರಂಭಿಸಿದ್ದು ಇದೊಂದರಲ್ಲಿಯೇ ಅವರು ನಿರಂತರವಾಗಿ ತೊಡಗಿಸಿಕೊಂಡಿದ್ದಾರೆ. ಬೇರಾವ ಜವಾಬ್ದಾರಿಯೂ ಇಲ್ಲವೆಂಬಂತೆ ವರ್ತಿಸುತ್ತಿದ್ದು, ಜಿಲ್ಲೆಯ ಯಾವುದೇ ವಸತಿ ನಿಲಯಗಳಿಗೆ , ಆಸ್ಪತ್ರೆಗಳಿಗೆ ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಲಿಲ್ಲ, ಅಲ್ಲಿನ ವ್ಯವಸ್ಥೆ-ಅವ್ಯವಸ್ಥೆಗಳ ಅರಿವು ಇವರಿಗಿಲ್ಲ ಎಂದು ಆಕ್ರೋಷ ವ್ಯಕ್ತಪಡಿಸಿದರು.
ವಾದ-ವಿವಾದಗಳ ಮಧ್ಯೆ ಪ್ರವೇಶಿಸಿದ ಆರೋಗ್ಯ ಮತ್ತು ಶಿಕ್ಷಣ ಸ್ಥಾಯಿ ಸಮೀತಿ ಅಧ್ಯಕ್ಷ ಕೆ.ಎಸ್.ವಿಜಯಾನಂದ ಮಾತನಾಡಿ, ಮೊದಲು ಅವರಿಗೆ ತಾವು ಕೇಳಿದ ಪ್ರಶ್ನೆಗಳಿಗೆ ಉತ್ತರ ನೀಡಲು ಅವಕಾಶ ಮಾಡಿಕೊಡಿ ಎಂದು ಸದಸ್ಯರಲ್ಲಿ ಮನವಿ ಮಾಡಿದರು. ಇದಕ್ಕೆ ಮಣಿದ ಸದಸ್ಯರು ಮೊದಲು ಅಧ್ಯಕ್ಷರ ನಿರ್ಣಯವನ್ನು ಅಪೇಕ್ಷಿಸಿದರು.
ಅಧ್ಯಕ್ಷೆ ಮಂಜುಳಾ ಪರಮೇಶ್‍ರವರು ಈ ಹಿಂದೆ ನಡೆದುಕೊಂಡಂತೆಯೇ ಇನ್ನು ಮುಂದೆಯೂ ನಡೆಯುವಂತಾಗಲೆಂದು ಹೇಳುವಷ್ಟರಲ್ಲಿ, ಸದಸ್ಯರು ಇದನ್ನು ಸಿಇಓ ರಿಂದ ಹೇಳಿಸುವಂತೆ ಪಟ್ಟು ಹಿಡಿದರು.
ಅಧ್ಯಕ್ಷೆ ಸಿಇಓ ತಮ್ಮ ನಿರ್ಧಾರನ್ನು ತಿಳಿಸುವಂತೆ ಕೋರಿದಾಗ, ಸಿಇಓ ಮತ್ತದೆ ರಾಗವೆಂಬಂತೆ ಸರ್ಕಾರದಿಂದ ಬರುವಂತಹ ಆದೇಶ ಪಾಲಿಸುವುದಾಗಿ ಹೇಳಿದದು. ಇದಕ್ಕೆ ಆಕ್ರೋಷಗೊಂಡ ಸದಸ್ಯರುಗಳು ತಮ್ಮ ಆಸನವನ್ನು ಬಿಟ್ಟು ನಿರ್ಣಯವು ಸರಿಯಲ್ಲ ಎಂದು ಹೊರನಡೆಯಲು ಮುಂದಾದಾಗ ಅಧ್ಯಕ್ಷೆ ಮಧ್ಯಪ್ರವೇಶಿಸಿ ಸಭೆಯನ್ನು ಗೌರವಿಸಿ ಮರಳುವಂತೆ ಮನಿವಿ ಮಾಡಿದರು, ಇದಕ್ಕೆ ಮಣಿಯದ ಸದಸ್ಯರು ಹೋರನಡೆಯುತ್ತಿದ್ದಂತೆ ಅಧ್ಯಕ್ಷೆ ಸಭೆಯನ್ನು ಅರ್ಧಗಂಟೆ ಮುಂದೂಡುವುದಾಗಿ ತಿಳಿಸಿದಾಗ, ಇದಕ್ಕೆ ಸದಸ್ಯರು ಸಮ್ಮತಿಸಿ ಹೊರನಡೆದರು.
ಮರು ಪ್ರಾರಂಭವಾದ ಸಭೆಯಲ್ಲಿ ವಿರೋಧ ಪಕ್ಷದ ಬಸವರಾಜುರವರು ಮಾತನಾಡಿ ನಿರ್ಮಿತಿ ಕೇಂದ್ರ ಕುಂಠಿತವಾಗಿದೆ ಯಾವುದೇ ಕಾಮಗಾರಿಗಳು ನಡೆಯುತ್ತಲಿಲ್ಲ, ಇದರಿಂದಾಗಿ ಕೋಟ್ಯಾಂತರ ರೂ. ನಷ್ಟವಾಗುತ್ತಿದೆ. ಇದರ ಬಗ್ಗೆ ಮಾಹಿತಿ ನೀಡುವಂತೆ ಒತ್ತಾಯಿಸಿದರು.
ಇದಕ್ಕೆ ಉತ್ತರವಾಗಿ ಕಾರ್ಯಪಾಲಕ ಅಭಿಯಂತರ ಚನ್ನಯ್ಯ ಮಾತನಾಡಿ ನಿರ್ಮಿತಿ ಕೇಂದ್ರದ ವ್ಯವಸ್ಥಾಪಕ ನರೇಶ್ ಅಮಾನತ್ತಾಗಿದ್ದು, ಕೈಗೆತ್ತಿಕೊಂಡಿರುವ ಕಾಮಗಾರಿಗಳು ಕುಂಠಿತವಾಗಿವೆ. 2011-12ನೇ ಸಾಲಿನಲ್ಲಿ ಪ್ರಾರಂಭಿಸಲಾಗಿರುವ 68 ಕಾಮಗಾರಿಗಳ ಪೈಕಿ 38 ಕಾಮಗಾರಿಗಳು ಮುಕ್ತಾಯಗೊಂಡಿವೆ. 8 ಕಾಮಗಾರಿಗಳು ನೀರು ದೊರೆಯದೆ ವಿಫಲಗೊಂಡಿದೆ. ಇನ್ನುಳಿದಂತೆ ಇತರೆ ಕಾಮಗಾರಿಗಳು ಅರ್ಧಪೂರ್ಣಗೊಂಡಿದ್ದು ಸ್ಥಗಿತಗೊಂಡಿವೆ ಎಂದು ತಿಳಿಸಿದರು.
ಮುಂದುವರೆದು ಮಾತನಾಡಿದ ಅವರು ಇದುವರೆಗೂ ಸಿಇಓ ರವರು ನಾಲ್ಕುಬಾರಿ ಸಭೆಯನ್ನು ಕರೆದು ಕಾಮಗಾರಿಯನ್ನು ಪೂರ್ಣಗೊಳಿಸುವಂತೆ ಸೂಚಿಸಿದ್ದಾರೆ. ಕೆಲವು ಪರಿಶಿಷ್ಟ ಜಾತಿ/ಪಂಗಡಗಳಿಗೆ ಸಂಬಂದಿಸಿದಂತೆ ಕೊಳವೆ ಬಾವಿಗಳ ಕಾಮಗಾರಿಗಳು ನಡೆಯುತ್ತಲಿವೆ ಎಂದರು.
ನಂತರ ಕೆ.ಆರ್.ಡಿ.ಸಿ ಮತ್ತುಭೂಸೇನೆ ವತಿಯಿಂದ ಹಣದೊರೆತ್ತಿದ್ದು, ನಿರ್ಮಿತಿ ಕೇಂದ್ರದ ಹಲವು ಕೆಲಸಗಳು ಕುಂಠಿತಗೊಂಡಿದೆ ಎಂದು ತಿಳಿಸಿದಾಗ, ಸತೀಶ್‍ರವರು ನಿರ್ಮಿತಿ ಕೇಂದ್ರ ಅಧಿಕಾರವನ್ನು ವಹಿಸಿಕೊಳ್ಳುವಂತೆ ತಿಳಿಸಿದರು. ಇದಕ್ಕೆ ಚನ್ನಯ್ಯರವರು ಮಣಿಯದೆ ನಿರಾಕರಿಸಿದರು.
ನಿರ್ಮಿತಿ ಕೇಂದ್ರದಲ್ಲಿ ಕೋಟ್ಯಾಂತರರೂ.ಗಳ ಅವ್ಯವಹಾರ ನಡೆದಿದ್ದು, ಇದಕ್ಕೆ ಪ್ರತ್ಯೇಕ ತನಿಖಾ ತಂಡ ನೇಮಿಸಬೇಕು, ಇಲ್ಲವಾದಲ್ಲಿ ಮೂಡಾ ಹಗರಣ ದಂತಹ ಇತರೇ ಹಗರಣಗಳು ಸಿ.ಬಿ.ಐಗೆ ವಹಿಸಿರುವುದರಿಂದ ಇದನ್ನೂ ಸಹ ಸಿ.ಬಿ.ಐ ಗೆ ವಹಿಸಬೇಕೆಂದು ಬಸವರಾಜುರವರು ಒತ್ತಾಯಿಸಿದರು. ಸಭೆಯಲ್ಲಿ ಉಪಾಧ್ಯಕ್ಷೆ ಸುಜಾತ, ಕೃಷಿ ಮತ್ತು ಕೈಗಾರಿಕೆ ಸ್ಥಾಯಿ ಸಮೀತಿ ಅಧ್ಯಕ್ಷ ಸತೀಶ್ ಹಾಗೂ ಎಲ್ಲಾ ವಿಭಾಗದ ಅಧಿಕಾರಿಗಳು ಉಪಸ್ಥಿತರಿದ್ದರು.


ಬರ ಪೀಡಿತವಾಗುತ್ತಿದೆ ನಾಗಮಂಗಲ-ಹುಚ್ಚೇಗೌಡ


ನಾಗಮಂಗಲ ತಾಲ್ಲೂಕಿನಲ್ಲಿ ಕೊಳವೆ ಬಾವಿಗಳನ್ನು ಕೊರೆಸಿ ವಿಫಲಗೊಂಡಿದೆ. ಜನ-ಜಾನುವಾರುಗಳು ನೀರಿಲ್ಲದ ಪರದಾಡುವಂತಾಗಿದ್ದು, ತಾಲ್ಲೂಕಿನ ಜನಗತೆಗೆ ನೀರು ಒದಗಿಸಬೇಕು, ನೀರಿಲ್ಲದೆ ನಾಗಮಂಗಲ ಬರ ಪೀಡತವಾಗುತ್ತಿದೆ ಎಂದು ತಿಳಿಸಿದರು.
ನಾಗಮಂಗಲದ ಕೆರೆ ಕಟ್ಟೆಗಳು ಬತ್ತು ಹೋಗಿದ್ದು, ಕಾವೇರಿಯಿಂದ ತಮಿಳು ನಾಡಿಗೆ ನೀರನ್ನು ಹರಿಯ ಬಿಡುತ್ತಿದ್ದಾರೆ. ಅದನ್ನು ಸದುಪಯೋಗ ಪಡಿಸಿಕೊಳ್ಳದ ತಮಿಳುನಾಡು ಸರ್ಕಾರ ನೀರನ್ನು ಸಮುದ್ರಕ್ಕೆ ಹರಿಯ ಬಿಡುತ್ತಿದ್ದಾರೆ. ಆದ್ದರಿಂದ ಜಿಲ್ಲಾಧಿಕಾರಿಗಳು ಹಾಗೂ ಸಿಇಓ ಇದರ ಬಗ್ಗೆ ಗಮನ ವಹಿಸಿ ಕೆರೆ ಕಟ್ಟೆಗೆ  ನೀರು ಬಿಡಿಸಲು ಮುಂದಾಗಬೇಕೆಂದು ಸಭೆಯಲ್ಲಿ ಹೇಳಿದರು .

ರೈತರ ಆದಾಯಕ್ಕಿಂದ ಖರ್ಚೆ ಹೆಚ್ಚಾಗಿದೆ - ಕೆಎಸ್ಪಿ
ಮಂಡ್ಯ, ಆ.30- ಕೆಲವು ವರ್ಷಗಳ ಹಿಂದೆ ರೈತನ ಬೆಳೆದ ಬೆಳೆಗೆ ಹಾಗೂ ಮಾಡುತ್ತಿದ್ದ ಖರ್ಚಿಗೆ ಸಮಾನವಾಗಿರುತ್ತಿತ್ತು. ಅದರೆ ಪ್ರಸಕ್ತ ದಿನದಲ್ಲಿ ಆದಾಯಕ್ಕಿಂತ ಖರ್ಚೆ ಹೆಚ್ಚಾಗುತ್ತಿರುವುದರಿಂದ ರೈತರು ಬೀದಿ ಬಂದು ನಿಲ್ಲುವಂತ ಪರಿಸ್ಥಿತಿಗೆ ಬಂದು ನಿಂತಿದ್ದಾರೆ  ಎಂದು ಶಾಸಕ ಪುಟ್ಟಣ್ಣಯ್ಯ ವಿಷಾಧಿಸಿದರು.
ನಗರದ ಕಲಾಮಂದಿರದಲ್ಲಿ ಮಂಡ್ಯ ಜಿಲ್ಲಾ ಸರ್ಕಾರಿ, ಸಹಕಾರಿ ಹಾಗೂ ಖಾಸಗಿ ಸಕ್ಕರೆ ಕಾರ್ಖಾನೆಗಳ ಸಂಯುಕ್ತಾಶ್ರಯದಲ್ಲಿ, ಜಿಲ್ಲಾಡಳಿತ, ಹಾಗೂ  ಜಿ.ಪಂ., ಕøಷಿ ವಿಶ್ವವಿದ್ಯಾನಿಲಯ ಬೆಂಗಳೂರು ಇವರ ಸಹಕಾರೊಂದಿಗೆ ನಡೆದ ಕಬ್ಬಿನ ಉತ್ಪಾದನೆ ಹಾಗೂ ಮೌಲ್ಯವರ್ಧನೆ- ಸವಾಲುಗಳು ಹಾಗೂ ಅವಕಾಶಗಳು ಕುರಿತಾದ ರಾಜ್ಯ ಮಟ್ಟದ ಕಾರ್ಯಗಾದಲ್ಲಿ ಪಾಲ್ಗೊಂಡು ಪ್ರಾಸ್ತಾವಿಕ ನುಡಿಯನ್ನಾಡಿದರು.
ಮಳೆ ಇಲ್ಲದೆ, ಸರಿಯಾದ ಸಮಯದಲ್ಲಿ ಬೆಳೆಗಳಿಗೆ ನೀರು ಹರಿಸದೆ ರೈತರು ಸಂಕಷ್ಟದಲ್ಲಿ ಇರುವಂತಹ ಸಂದರ್ಭದಲ್ಲಿ ಟನ್ ಕಬ್ಬಿಗೆ ಮುಂಗಡ ಹಣ ಹಾಗೂ ಸೂಕ್ತ ಬೆಂಬಲ ಬೆಲೆ ನಿಗಧಿ ಪಡಿಸಲು ಕೇಂದ್ರ ಸರ್ಕಾರ ಹಾಗೂ ರಾಜ್ಯ ಸರ್ಕಾರ ವಿಫಲವಾಗುತ್ತಿದೆ ಎಂದು ಆಕ್ರೋಷ ವ್ಯಕ್ತಪಡಿಸಿದರು.
ರೈತರು ಬೆಳೆದ ಬೆಳೆಗಳೂ ಸಂಪೂರ್ಣವಾಗಿ ನಾಶವಾಗುವಂತ ಸಂದರ್ಭದಲ್ಲೂ ಸರ್ಕಾರ ಬೆಂಬಲ ಬೆಲೆ ನೀಡದೆ ಎಫ್‍ಆರ್‍ಪಿ ಬಗ್ಗೆ ಮಾತನಾಡಿಕೊಂಡು ನಿಂತಿವೆ. ಎಫ್‍ಆರ್‍ಪಿ ಬಗ್ಗೆ ಮಾತನಾಡುವ ಅವರು ರೈತರ ಸಂಕಷ್ಟಗಳಿಗೆ ಏಕೆ ಕೈಜೋಡಿಸುತ್ತಿಲ್ಲ ಎಂದು ಅಸಮದಾನ ವ್ಯಕ್ತಪಡಿಸಿದರು.
ರೈತರು ಬೆಳೆದಿರುವ ಕಬ್ಬಿನಿಂದ ಉತ್ಪಾದನೆಯಾಗುವ ಸಕ್ಕರೆ, ಎಥನಾಲ್,   ಸ್ಪಿರೀಟ್, ವಿದ್ಯುತ್‍ನಿಂದ ಸರ್ಕಾರಕ್ಕೆ ಅಪಾರ ಪ್ರಾಮಾಣದಲ್ಲಿ ಲಾಭಾಂಶ ದೊರೆಯುತ್ತದೆ. ಇದರ ಬಗ್ಗೆ ಲೆಕ್ಕಹಾಕುವುದಾದರೆ ರೈತರ ಟನ್ ಕಬ್ಬಿಗೆ 4ರಿಂದ5 ಸಾವಿರದ ನೀಡಬೇಕಾಗುತ್ತದೆ. ರೈತರಿಗೆ ಯಾವುದೇ ರೀತಿಯ ಲೆಕ್ಕ ಬರುವುದಿಲ್ಲ ಎಂದು ಕೇವಲ ಟನ್ ಕಬ್ಬಿಗೆ 3000, ಮುಂಡವಾಗಿ 2500ರೂ. ನೀಡಲು ಹಿಂದು ಮುಂದು ನೋಡುತ್ತಿದ್ದಾರೆ ಎಂದು ಹೇಳಿದರು.
ಸರ್ಕಾರ ಮುಂದಿನ ದಿನಗಳಲ್ಲಿ ಸೂಕ್ತ ಬೆಂಬಲ ಬೆಲೆ ನೀಡದಿದ್ದರೆ ಸುಮಾರು 1ಲಕ್ಷ ಮಂದಿಯೊಂದಿಕೆ ಕೇಂದ್ರಕ್ಕೆ ಮುತ್ತಿಗೆ ಹಾಕಿ ಸರಿಯಾದ ಬೆಲೆ ನೀಡುವಂತೆ ಒತ್ತಾಯಿಸಲಾಗುವುದು ಎಂದು ಎಚ್ಚರಿಕೆ ನೀಡಿದರು.
ಕಾರ್ಯಾಗಾರದಲ್ಲಿ ದಕ್ಷಿಣ ಭಾರತದ ಸಕ್ಕರೆ ಕಾರ್ಖಾನೆಗಳ ಅಧ್ಯಕ್ಷ ಸಿ.ಪವನ್ ಕಾರ್ಯಗಾರದ ಅಧ್ಯಕ್ಷತೆ ವಹಿಸಿದ್ದರು. ಜಿಕೆವಿಕೆ ಸಂಶೋಧನಾ ನಿರ್ದೇಶಕ ಡಾ.ಎಂ.ಎ.ಶಂಕರ್, ಬೇಸಾಯ ಶಾಸ್ತ್ರ ಪ್ರಧಾನ ಸಂಶೋಧಕ ಡಾ.ಕೆ.ಶಿವರಾಮನ್, ಕೊಯಮತ್ತೂರು ತಳಿ ಅಭಿವøದ್ಧಿ ವಿಭಾಗದ ಪ್ರಧಾನ ಸಂಶೋಧಕ ಡಾ.ಪಿ.ಗೋವಿಂದರಾಜ್, ಜಿಲ್ಲಾ ಪೆÇಲೀಸ್ ವರಿಷ್ಠಾಧಿಕಾರಿ ಭೂಷಣ್ ಜಿ.ಬೊರಸೆ, ಡಾ.ಕೆ.ಟಿ.ಪಾಂಡುರಂಗೇಗೌಡ, ಡಾ.ಟಿ.ಶಿವಶಂಕರ್, ಡಾ.ವಿ.ಎನ್.ಪಾಟೀಲ್, ಡಾ.ಜೆಮ್ಲನಾಯಕ್, ಡಾ.ಟಿ.ಇ.ನಾಗರಾಜು ಇತರರಿದ್ದರು.

ಮಾನಸಿಕ ಸ್ವಾಸ್ಥ್ಯ ಸಮಾಜ ನಿರ್ಮಾಣ ಮಾಡುವ ಗುರಿ:ಡಾ|| ಅಶೋಕ್ ಪೈ

ಮಾನಸಿಕ ಸ್ವಾಸ್ಥ್ಯ ಸಮಾಜ ನಿರ್ಮಾಣ ಮಾಡುವ ಗುರಿ:ಡಾ|| ಅಶೋಕ್ ಪೈ
     ಮನೋಶಿಕ್ಷಣದ ಮೂಲಕ ಮಾನಸಿಕ ಆರೋಗ್ಯದ ಬಗ್ಗೆ ಜನಜಾಗೃತಿ ಮೂಡಿಸಿ ಮಾನಸಿಕ ಸ್ವಾಸ್ಥ್ಯ ಸಮಾಜ ನಿರ್ಮಾಣ ಮಾಡುವುದು ಕರ್ನಾಟಕ ರಾಜ್ಯ ಆರೋಗ್ಯ ಕಾರ್ಯಪಡೆಯ ಉದ್ದೇಶವಾಗಿದೆ ಎಂದು ಕರ್ನಾಟಕ ರಾಜ್ಯ ಆರೋಗ್ಯ ಕಾರ್ಯಪಡೆಯ ಅಧ್ಯಕ್ಷ ಡಾ|| ಅಶೋಕ್ ಪೈ ಅವರು ತಿಳಿಸಿದರು.
     ಅವರು ಇಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿಗಳ ಕಚೇರಿಯಲ್ಲಿ ಮಾಧ್ಯಮ ಪ್ರತಿನಿಧಿಗÀಳೊಂದಿಗೆ ಮಾತನಾಡಿ ವಿಶ್ವ ಆರೋಗ್ಯ ಸಂಸ್ಥೆಯ ಪ್ರಕಾರ ಜನಸಂಖ್ಯೆಯ ಶೇ 14 ರಷ್ಟು ಜನರಿಗೆ ಮಾನಸಿಕ ಆರೋಗ್ಯದ ಚಿಕಿತ್ಸೆಯ ಅವಶ್ಯಕತೆ ಇದೆ ಎಂದರು.
     ಪ್ರತಿ 1,10,000 ಜನಸಂಖ್ಯೆಗೆ ಒಬ್ಬ ಮನೋವೈದ್ಯ, ಒಬ್ಬ ಮನೋವಿಜ್ಞಾನಿ, ಒಬ್ಬ ಮನೋಸಾಮಾಜಿಕ ಕಾರ್ಯಕರ್ತ, ಒಬ್ಬ ಮನೋರೋಗಿ ಶುಶ್ರೂಷಕಿಯರ ಅವಶ್ಯಕತೆ ಇರುತ್ತದೆ. ಭಾರತದಲ್ಲಿ ಈಗ ಸುಮಾರು 4000 ಮನೋವೈದ್ಯರು, 2000 ಮನೋಚಿಕಿತ್ಸಕರು ಹಾಗೂ 2000 ಮಾನಸಿಕ ಸಮಾಜ ಕಾರ್ಯಕರ್ತರಿದ್ದಾರೆ. ಕನಾಟಕದಲ್ಲಿ ಸುಮಾರು 40 ಮನೋವೈದ್ಯರನ್ನು ತರಬೇತಿಗೊಳಿಸಿದರೆ ಅದರಲ್ಲಿ ಶೇಕಡ 50 ಕ್ಕೂ ಹೆಚ್ಚು ಜನರು ವಿದೇಶಕ್ಕೆ ವಲಸೆ ಹೋಗುತ್ತಾರೆ. ಮನೋವೈದ್ಯರ ಸಮಸ್ಯೆಯನ್ನು ಸರಿಪಡಿಸಲು ಮಾನಸಿಕ ಆರೋಗ್ಯ ಪಡೆಯನ್ನು ಸಿದ್ಧಪಡಿಸಲಾಗುತ್ತಿದೆ ಎಂದರು.
     ದಿನದಿಂದ ದಿನಕ್ಕೆ ಆತ್ಮಹತ್ಯೆ ಪ್ರಕರಣ ಸಂಖ್ಯೆ ಹೆಚ್ಚಳವಾಗುತ್ತಿದೆ. ಆತ್ಮಹತ್ಯೆಗೆ ಕೆಲವರಲ್ಲಿ ಖಿನ್ನತೆ ಕೂಡ ಒಂದು ಕಾರಣ. ಇದಕ್ಕೆ ಸರಿಯಾದ ಸಮಯದಲ್ಲಿ ಸರಿಯಾದ ರೀತಿಯಲ್ಲಿ ಮಾನಸಿಕ ಚಿಕಿತ್ಸೆ ನೀಡಿದರೆ ಆತ್ಮಹತ್ಯಾ ಪ್ರಕರಣ ಸಂಖ್ಯೆಯನ್ನು ಕಡಿಮೆ ಮಾಡಬಹುದು, ಇದಕ್ಕಾಗಿ ಆತ್ಮಹತ್ಯೆ ನಿರೋಧಕ ಪಡೆ ಹಾಗೂ ಸಹಾಯವಾಣಿ ಪ್ರಾರಂಭಿಸಲು ಯೋಜಿಸಲಾಗುತ್ತಿದೆ ಎಂದರು.
     ಮಾನಸಿಕ ಅರೋಗ್ಯಕ್ಕೆ ಹೆಚ್ಚಿನ ಆದ್ಯತೆ ನೀಡುವ ದೃಷ್ಠಿಯಿಂದ ಜಿಲ್ಲಾ ಆಸ್ಪತ್ರೆಗಳಲ್ಲಿ 10 ಹಾಸಿಗೆಗಳನ್ನು ಮಾನಸಿಕ ರೋಗಿಗಳಿಗೆ ಮೀಸಲಿಡಲಾಗಿದೆ. ವಾರದಲ್ಲಿ ಒಂದು ದಿವಸ ತಾಲ್ಲೂಕು ಹಾಗೂ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಮಾನಸಿಕ ರೋಗಿಗಳಿಗೆ ಚಿಕಿತ್ಸೆ ನೀಡಲು ವ್ಯವಸ್ಥೆ ಮಾಡಲಾಗುತ್ತಿದೆ ಎಂದರು.
     ಮಾನಸಿಕ ಚಿಕಿತ್ಸೆ ಕೇಂದ್ರಗಳನ್ನು  ಸ್ವಯಂ ಸೇವಾ ಸಂಸ್ಥೆಗಳು, ಆಸ್ಪತ್ರೆಗಳು ಹಾಗೂ ಖಾಸಗಿರವರು ಅಗತ್ಯ ಸೌಲಭ್ಯಗಳನ್ನು ಹೊಂದಿದ್ದರೆ ಮಾನಸಿಕ ಚಿಕಿತ್ಸ ಕೇಂದ್ರಗಳನ್ನು ಪ್ರಾರಂಭಿಸಬಹುದಾಗಿದ್ದು, ಚಿಕಿತ್ಸಾ ಕೇಂದ್ರಗಳಿಗೆ ಸರ್ಕಾರದಿಂದ ಸಹಾಯ ಧನÀ ನೀಡಲಾಗುವುದು ಎಂದರು.
     ಮೈಸೂರಿನಲ್ಲಿ ಕರುಣಾ ಟ್ರಸ್ಟ್ ಮಾನಸಿಕ ಚಿಕಿತ್ಸಾ ಕೇಂದ್ರ ನಡೆಸುತ್ತಿದ್ದು, ಚಂದ್ರಕಲಾ ಆಸ್ಪತ್ರೆ, ಪ್ರೇರಣಾ ಆಸ್ಪತ್ರೆ, ಮಿಷಿನ್ ಆಸ್ಪತ್ರೆ, ಆಶ್ರಿತ ಸಂಸ್ಥೆಗಳಿಗೆ ಮಾನಸಿಕ ಚಿಕಿತ್ಸಾ ಕೇಂದ್ರ ಪ್ರಾರಂಭಿಸಲು ಅನುಮತಿ ನೀಡಲಾಗಿದೆ ಎಂದು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣಾಧಿಕಾರಿ ಡಾ|| ಹೆಚ್.ಟಿ ಪುಟ್ಟಸ್ವಾಮಿ ಅವರು ತಿಳಿಸಿದರು.
     ಪತ್ರಿಕಾಗೋಷ್ಠಿಯಲ್ಲಿ ಶಿವಮೊಗ್ಗ ಮಾನಸ ಮಾನಸಿಕ ಆರೋಗ್ಯ ಎಜುಕೇಷನಲ್ ಫೌಂಡೇಷನ್ ನಿರ್ದೇಶಕರರಾದ ಡಾ|| ರಜಿನಿ ಪೈ, ಮೈಸೂರು ವೈದ್ಯಕೀಯ ಕಾಲೇಜಿನ ಡಾ|| ರವೀಶ್, ಕರುಣಾ ಟ್ರಸ್ಟ್‍ನ ಡಾ|| ಕಾಂತರಾಜು ಉಪಸ್ಥಿತರಿದ್ದರು.

ಮೈಸೂರು-ಮೈಸೂರು ಸಿಸಿಬಿ ಪೊಲೀಸರ ಸಾಧನೆ; ನಾಲ್ವರು ದೇವಸ್ಥಾನ ಕಳ್ಳರ ಬಂಧನ.

ಮೈಸೂರು ಸಿಸಿಬಿ ಪೊಲೀಸರ ಸಾಧನೆ; ನಾಲ್ವರು ದೇವಸ್ಥಾನ ಕಳ್ಳರ ಬಂಧನ
ಮೈಸೂರು, ಆ.30-  ಮೈಸೂರು ಸಿಸಿಬಿ ಪೊಲೀಸರು  ಸಡೆಸಿದ  ಪತ್ತೆ ಕಾರ್ಯಾಚರಣೆಯಲ್ಲಿ  4 ಮಂದಿ  ದೇವಸ್ಥಾನ ಕನ್ನ ಕಳ್ಳರನ್ನು ಬಂಧಿಸಿ  ಅವರಿಂದ  ಒಟ್ಟು 5, 10, 000 ರೂ. ಬೆಲೆಬಾಳುವ  ಚಿನ್ನ, ಬೆಳ್ಳಿ, ಮತ್ತು ಹಿತ್ತಾಳೆ  ಪದಾರ್ಥಗಳನ್ನು  ವಶಪಡಿಸಿಕೊಳ್ಳಲಾಗಿದೆ ಎಂದು  ನಗರ ಪೊಲೀಸ್ ಆಯುಕ್ತ ಎಂ.ಎ. ಸಲೀಂ ತಿಳಿಸಿದರು.
 ಇಂದು ಸುದ್ಧಿಘೋಷ್ಟಿಯಲ್ಲಿ ಮಾತನಾಡಿದ ಅವರು ಇತ್ತೀಚಿನ ದಿನಗಳಲ್ಲಿ  ಮೈಸೂರು ನಗರದ  ದೇವಸ್ಥಾನಗಳಲ್ಲಿ  ಕಳ್ಳತನ  ಪ್ರಕರಣಗಳು ವರದಿಯಾಗಿದ್ದವು.    ಅಪರಾಧ ಪತ್ತೆಗೆ ಅಪರಾಧ ವಿಭಾಗದ  ಡಿ.ಸಿ.ಪಿ.  ಎಂ.ಎಂ. ಮಹದೇವಯ್ಯ  ಮಾರ್ಗದರ್ಶನದಲ್ಲಿ   ಸಿಸಿಬಿ ಘಟಕದ  ಆಧಿಕಾರಿ ಮತ್ತು  ಸಿಬ್ಬಂಧಿಗಳ ತಂಡವನ್ನು  ರಚಿಸಿ ಆರೋಪಿಗಳ ಪತ್ತೆಗೆ  ನಿರ್ದೇಶನ ನೀಡಲಾಗಿತ್ತು  ಅದರಂತೆ  ಪೊಲೀಸರು ಆಪರಾಧಿಗಳನ್ನು  ಪತ್ತೆಹಚ್ಚಿ  ಪ್ರಕರನ ಭೇದಿಸಿದ್ದಾರೆ ಎಂದು  ಎಂದು ಹೇಳಿದರು.
 ಬಂಧಿತರನ್ನು ಲಕ್ಷ್ಮೀಪುರಂ ವಾಸಿಗಳಾದ  ಕೃಷ್ಣ (34),  ಕಬ್ಬಾಳು (22), ಅರ್ಜುನ, (29), ಬನ್ನಿಮಂಟಪ ವಾಸಿ ಮಯೂರ(28)  ಎಂದು ಹೇಳಲಾಗಿದ್ದು,  ಇವರುಗಳು ಮೈಸೂರಿನ ವಿದ್ಯಾರಣ್ಯಪುರಂನ  ವಿಠಲಧಾಮ, ಬಿಇಎಂಎಲ್ ಲೇಔಟ್‍ನ ರಾಜರಾಜೇಶ್ವರಿ ದೇವಸ್ಥಾನ,  ನಜರ್‍ಬಾದ್‍ನ  ಕಾಳಿಕಾಂಬ ದೆವಸ್ಥಾನ,  ಯರಗನ ಹಳ್ಳಿಯ  ವಿನಾಯಕ ದೇವಸ್ಥಾನ,  ಜೆಸಿ ಲೇಒಔಟ್ನ   ಚಾಂಮುಂಡೇಶ್ವರಿ  ದೇವಸ್ಥಾನ, ಶ್ರೀರಾಂಪುರದ ಲಕ್ಷ್ಮೀನರಸಿಂಹಸ್ವಾಮಿ ದೇವಸ್ಥಾನ  ವಿಜಯನಗರದ ವಿನಾಯಕ ದೇವಸ್ಥಾನ ಗಳಲ್ಲಿ  ರಾತ್ರಿವೇಳೆ ಕಳ್ಳತನ  ಮಾಡಿರುವುದಾಗಿ ಒಪ್ಪಿಕೊಂಡರುತ್ತಾರೆ ಎಂದು  ವಿವರಿಸಿದರು.
  ಇವರುಗಲಿಂದ  ದೇವಸ್ಥಾನ ಕಳ್ಳತನ ಪ್ರಕರಣಕ್ಕೆ  ಸಂಬಂಧಿಸಿದಂತೆ ರೂ. 70,000 ಮೌಲ್ಯದ 28 ಗ್ರಾಂ ತೂಕದ 14 ಚಿನ್ನದ ತಾಳಿಗಳು,  ರೂ. 4,05,000 ಮೌಲ್ಯದ   9.60 ಕೆಜಿ. ಬೆಳ್ಳಿ ಪದಾರ್ಥಗಳು, ರೂ. 20, 000 ಬೆಲೆ ಬಾಳುವ  ಹಿತ್ತಾಳೆ ಮತ್ತು  ಪೂಜಾ ತಟ್ಟೆ,  ಆಗು ಸುಮಾರು 15,000 ರೂ. ಬೆಲೆಯ ದೇವಸ್ಥಾನದ ಹುಂಡಿಗಳನ್ನು ವಶಪಡಿಸಿಕೊಳ್ಳಲಾಗಿದೆ, ಮೈಸೂರು ನಗರದಲ್ಲಿ  ಒಟ್ಟು 8 ಪ್ರಕರನಗಳು  ಪತ್ತೆಯಾಗಿದ್ದು,   ನಜರ್‍ಬಾದ್ನಲ್ಲಿ 3,  ಸರಸ್ವತಿಪುರಂನಲ್ಲಿ 2,  ವಿದ್ಯಾರಣ್ಯಪುರಂನಲ್ಲಿ 1,  ಕುವೆಂಪುನಗರದಲ್ಲಿ 1, ವಿಜಯನಗರದಲ್ಲಿ 1, ಪ್ರಕರನ ದಾಖಲಾಗಿದೆ  ಎಂದು  ವಿವರಿಸಿದರು.
 ಇದಲ್ಲದೆ  ಜಯಲಕ್ಷ್ಮೀಪುರಂ ಮನೆಯಲ್ಲಿ   ನಡೆದಿದ್ದ ಕಳ್ಳತನ ಬೇಧಿಸಿ,  ಒಟ್ಟು  2,75,000 ರೂ ಮೌಲ್ಯದ  ಚಿನ್ನಾಭರಣ ಮತ್ತು ನಗದನ್ನು  ವಶಪಡಿಸಿಕೊಳ್ಳಲಾಗಿದೆ,
ವಿಜಯನಗರ ಪೊಲೀಸರು ಬೇಧಿಸಿದ ಪ್ರಕರನದಲ್ಲಿ  ಇಬ್ಬರನ್ನು ಬಂಧಿಸಿ ಆವರಿಂದ  40,000 ಬೆಲೆಬಾಳುವ ಚಿನ್ನಾಭರಣ ವಶಪಡಿಸಿಕೊಳ್ಳಲಾಗಿದೆ, ವಿಜಯನ್ರ ಪೊಲೀಸರು ನಡೆಸಿದ ಪ್ರಕರಣದಲ್ಲಿ 36,000 ರೂ ಬೆಲೆಯ  ಚಿನ್ನದ ಸರ ವಶಪಡಿಸಿಕೊಳ್ಳಲಾಗಿದೆ, ಕುವೆಂಪುನಗರ  ಪೊಲೀಸರು ನಡೆಸಿದ ಪತ್ತೆ ಕಾರ್ಯದಲ್ಲಿ  3 ಜನರನ್ನು ಬಂಧಿಸಿ ನಕಲಿ ರೈಸ್ ಪುಲ್ಲಿಮಗ್ ಮಾಡುತ್ತಿದ್ದ ಆರೋಪದ ಮೇಲೆ  ದಸ್ತಗಿರಿ ಮಾಡಲಾಗಿದೆ  ಎಂದ ಆವರು,  ಒಟ್ಟು 12 ಪ್ರಕರಣಗಳಲ್ಲಿ  8 ಲಕ್ಷದ 61 ಸವಿರ  ರೂ. ಬಲೆಬಾಳುವ ಚಿನ್ನಾಭರಣಗಳನ್ನು  ವಶಪಡಿಸಿಕೊಳ್ಳಲಾಗಿದೆ ಎಂದು  ತಿಳಿಸಿದರು. 

ಕೃಷ್ಣರಾಜಪೇಟೆ. ಬಡಜನರು, ಸಾರ್ವಜನಿಕರು ಹಾಗೂ ಅನಾಥ ಶವಗಳ ಸಂಸ್ಕಾರ ಮಾಡಲು ಸಾಗಾಣಿಕೆ ಮಾಡಲು ಅನುಕೂಲವಾಗುವಂತೆ ತಮ್ಮ ಕ್ಷೇತ್ರ ವ್ಯಾಪ್ತಿಯ ನಾಲ್ಕು ಜಿಲ್ಲೆಗಳ ಎಲ್ಲಾ ಪುರಸಭೆಗಳು ಮತ್ತು ನಗರ ಸಭೆಗಳಿಗೆ ತಮ್ಮ ಶಾಸಕರ ಅನುದಾನದಿಂದ ಶವಸಾಗಾಣಿಕೆ ಚಿರಶಾಂತಿ ವಾಹನವನ್ನು ಕೊಡುಗೆಯಾಗಿ ನೀಡಿ ಸಮಾಜದ ಋಣ ತೀರಿಸುವ ಕೆಲಸವನ್ನು ಮಾಡುತ್ತಿದ್ದೇನೆ ಎಂದು ವಿಧಾನಪರಿಷತ್ ಸದಸ್ಯ ಗೋ.ಮಧುಸೂಧನ್ ಹೇಳಿದರು.
ಅವರು ಇಂದು ಕೃಷ್ಣರಾಜಪೇಟೆ ಪುರಸಭೆಗೆ ಮೂರು ಲಕ್ಷರೂ ವೆಚ್ಚದಲ್ಲಿ ನೀಡಿದ ಶವಸಾಗಾಣಿಕೆಯ ಚಿರಶಾಂತಿ ವಾಹನದ ಕೀಯನ್ನು ಹಸ್ತಾಂತರಿಸುವ ಮೂಲಕ ಪುರಸಭೆಯು ತಮಗೆ ಆತ್ಮೀಯವಾಗಿ ನೀಡಿದ ಸನ್ಮಾನವನ್ನು ಸ್ವೀಕರಿಸಿ ಮಾತನಾಡಿದರು.
ದಕ್ಷಿಣ ಪದವೀದರ ಕ್ಷೇತ್ರದ ಮೈಸೂರು, ಹಾಸನ, ಚಾಮರಾಜನಗರ ಮತ್ತು ಮಂಡ್ಯ ಜಿಲ್ಲೆಯ ಪಧವೀಧರರ ಮತವನ್ನು ಪಡೆದು ವಿಧಾನ ಪರಿಷತ್ತಿಗೆ ಮೂರಬೇ ಅವಧಿಗೆ ಆಯ್ಕೆಯಾಗಿರುವ ನಾನು ಶಿಕ್ಷಣ ಕ್ಷೇತ್ರದ ಸುಧಾರಣೆಗೆ ಹಾಗೂ ಪಧವೀಧರ ಬಂಧುಗಳ ಧ್ವನಿಯಾಗಿ ಕೆಲಸ ಮಾಡುತ್ತಿದ್ದೇನೆ. ಸಮಾಜದಲ್ಲಿನ ಕಡುಬಡವರು ಹಾಗೂ ಅನಾಥ ಶವಗಳನ್ನು ಸಂಸ್ಕಾರ ಮಾಡಲು ಅನುಕೂಲವಾಗುವಂತೆ ಗ್ಯಾಸ್ ಚಿತಾಗಾರಗಳನ್ನು ಸ್ಥಾಪಿಸಿ ಜನತೆಗೆ ಅನುಕೂಲ ಮಾಡಿಕೊಡಲು ಚಿಂತಿಸಿದ್ದೇನೆ. ಪ್ರಸ್ತುತ ಶವಗಳ ಸಾಗಾಣಿಕೆಗಾಗಿ ಆಂಬ್ಯುಲೆನ್ಸ್ ಮಾದರಿಯಲ್ಲಿ 22 ಮಾರುತಿ ಓಮ್ನಿ ವಾಹನಗಳು ಮತ್ತು 5 ಟೆಂಪೋ ಟ್ರಾವೆಲರ್ ವಾಹನಗಳನ್ನು 1ಕೋಟಿ ನಾಲ್ಕು ಲಕ್ಷರೂಗಳ ವೆಚ್ಚದಲ್ಲಿ ನೀಡಿ ಸಮಾಜದ ಋಣವನ್ನು ತೀರಿಸುವ ಕೆಲಸ ಮಾಡಿದ್ದೇನೆ ಎಂದು ಹೇಳಿದ ಮಧುಸೂಧನ್  ಜನಪ್ರತಿನಿಧಿಗಳಿಗೆ ಗೆಲ್ಲುವವರೆಗೆ ಮಾತ್ರ ಪಕ್ಷ, ಗೆದ್ದ ನಂತರ ಸಮಾಜದ ಹಾಗೂ ನೊಂದ ಜನತೆಯ ಸೇವೆಯನ್ನು ಪಕ್ಷಾತೀತವಾಗಿ ಮಾಡಿಕೊಡಲು ಜನಪ್ರತಿನಿಧಿಗಳು ಮುಂದಾಗಬೇಕು. ನಾನು ಬಿಜೆಪಿ ಪಕ್ಷಕ್ಕೆ ಸೇರಿರುವ ಸದಸ್ಯನಾಗಿದ್ದರೂ ತಮ್ಮ ಪುರಸಭೆಯ ಹಾಗೂ ತಾಲೂಕಿನ ವ್ಯಾಪ್ತಿಯ ಕೆಲಸ-ಕಾರ್ಯಗಳಿದ್ದರೆ ನೇರವಾಗಿ ನನ್ನ ಬಳಿ ಬನ್ನಿ ರಾಜ್ಯ ಮತ್ತು ಕೇಂದ್ರ ಸರ್ಕಾರಕ್ಕೆ ಸಂಭಂದಪಟ್ಟ ಯಾವುದೇ ಕೆಲಸಗಳನ್ನು ಮಾಡಿಸಿ ಕೊಡಲು ಪ್ರಾಮಾಣಿಕವಾದ ಪ್ರಯತ್ನವನ್ನು ಮಾಡುತ್ತೇನೆ ಎಂದು ಹೇಳಿದರು.
ಶವ ಸಾಗಾಣಿಕೆಯ ವಾಹನವನ್ನು ಸುಸ್ಥಿತಿಯಲ್ಲಿಟ್ಟುಕೊಂಡು ದಿನದ 24ಗಂಟೆಗಳ ಕಾಲವೂ ನೊಂದ ಜನತೆಗೆ ಸೇವೆ ಸಿಗುವಂತೆ ನೋಡಿಕೊಳ್ಳಬೇಕು. ಅನಾಥ ಶವಗಳ ಸೇವೆಗೆ ಉಚಿತ ಸಹಾಯ ಮಾಡಿ ಉಳಿದಂತೆ ನೂರಿನ್ನೂರು ರೂ ಶುಲ್ಕವನ್ನು ಪಡೆದು ಶವಗಳ ಸಾಗಾಣಿಕೆಯ ಸೇವೆ ನೀಡಬೇಕು ಎಂದು ಮನವಿ ಮಾಡಿದ ಮಧುಸೂಧನ್ ಉಳ್ಳವರು ಶವಸಾಗಾಣಿಕೆ ವಾಹನಕ್ಕೆ ಪೆಟ್ರೋಲ್ ಹಾಕಿಸಿ ನೆರವಾಗುವ ಮೂಲಕ ಎಲ್ಲಾ ಬಡ ಜನರಿಗೂ ಉಚಿತ ಸೇವೆ ದೊರೆಯುವಂತೆ ನೋಡಿಕೊಳ್ಳಬೇಕು. ಪುರಸಭೆಯ ಅಧ್ಯಕ್ಷ, ಉಪಾಧ್ಯಕ್ಷ ಹಾಗೂ ಮುಖ್ಯಾಧಿಕಾರಿಗಳು ಈ ಬಗ್ಗೆ ನಿಗಾ ವಹಿಸಿ ಶವ ಸಾಗಾಣಿಕೆ ವಾಹನದ ಸಾರ್ಥಕ ಬಳಕೆಗೆ ಮುಂದಾಗಿ ಭಗವಂತನ ಕೃಪೆಗೆ ಪಾತ್ರರಾಗಬೇಕು ಎಂದು ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಪುರಸಭೆ ಅಧ್ಯಕ್ಷ ಕೆ.ಗೌಸ್‍ಖಾನ್, ಉಪಾಧ್ಯಕ್ಷ ಅಶೊಕ್, ಮುಖ್ಯಾಧಿಕಾರಿ ಬಸವರಾಜು, ಬಿಜೆಪಿ ಮುಖಂಡರಾದ ತೋಟಪ್ಪಶೆಟ್ಟಿ, ಕೆ.ಪಿ.ಜಯಂತ್, ಜಯದೀಪ್, ಶೀಳನೆರೆ ಭರತ್, ಜಾಗಿನಕೆರೆ ನಿಂಗರಾಜು, ಹೆಚ್.ಬಿ.ಮಂಜುನಾಥ ಮತ್ತಿತರರು ಉಪಸ್ಥಿತರಿದ್ದರು.

ಕೆ.ಆರ್.ಪೇಟೆ-ಸುದ್ದಿಗಳು.

 ಕೃಷ್ಣರಾಜಪೇಟೆ. ಪಟ್ಟಣದ ಪುರಸಭಾ ವ್ಯಾಪ್ತಿಯಲ್ಲಿ ಕನಕ ಗುರು ಪೀಠವು ತನ್ನ ಚಟುವಟಿಕೆಗಳನ್ನು ನಡೆಸಲು 2ಗುಂಟೆ ನಿವೇಶನವನ್ನು ನೀಡಬೇಕೆಂದು ಮನವಿ ಸಲ್ಲಿಕೆಯು ಬಿಸಿ ಬಿಸಿ ಚರ್ಚೆಗೆ ಕಾರಣವಾಯಿತು.
ಇಂದು ಪುರಸಭೆಯ ಅಧ್ಯಕ್ಷ ಕೆ.ಗೌಸ್‍ಖಾನ್ ಅವರ ಅಧ್ಯಕ್ಷತೆಯಲ್ಲಿ ಸಾಮಾನ್ಯ ಸಭೆಯು ಆರಂಭವಾಗಿ ಆಯವ್ಯಯವನ್ನು ಮಂಡಿಸಿದ ನಂತರ ನಡೆದ ಇತರೆ ವಿಚಾರಗಳ ಚರ್ಚೆಯಲ್ಲಿ ಕನಕಗುರು ಪೀಠದ ಶಾಖಾ ಕಛೇರಿ ಮತ್ತು ಶಾಲೆಯನ್ನು ಆರಂಬಿಸಲು ಪುರಸಭೆಯು ನಿವೇಶನವನ್ನು ನೀಡಬೇಕೆಂಬ ವಿಚಾರಕ್ಕೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ ವಿರೋಧ ಪಕ್ಷದ ಸದಸ್ಯರಾದ ಕೆ.ಎಸ್.ಸಂತೋಷ್, ಚೆಲುವರಾಜು, ಹೆಚ್.ಆರ್.ಲೋಕೇಶ್, ನಾಗರಾಜು ಮತ್ತು ಕೆ.ಆರ್.ಹೇಮಂತಕುಮಾರ್ ಮೊದಲು ಈ ಹಿಂದೆ ನಿವೇಶನಕ್ಕಾಗಿ ಅರ್ಜಿ ಸಲ್ಲಿಸಿರುವ ಮಹಿಳಾ ಸಾಮಥ್ರ್ಯ ಸೌಧ, ಪತ್ರಕರ್ತರ ಸಂಘ, ಸಾರ್ವಜನಿಕ ಗ್ರಂಥಾಲಯ, ಡಾ.ಅಂಬೇಡ್ಕರ್ ಭವನಗಳಿಗೆ ನಿವೇಶನ ನೀಡುವ ವಿಚಾರವು ಎಲ್ಲಿಯವರೆಗೆ ಬಂದು ಕನಕಗುರು ಪೀಠದ ಶಾಖೆಗೆ ನಿವೇಶನ ನೀಡಿ ಹಾಗೆಯೇ ಸಾರ್ವಜನಿಕ ಸಂಘ-ಸಂಸ್ಥೆಗಳಿಗೂ ನಿವೇಶನ ನೀಡಲು ಕ್ರಮಕೈಗೊಳ್ಳಿ ಎಂದು ತೀವ್ರ ಆಕ್ಷೇಪ ವ್ಯಕ್ತಪಡಿಸಿದರು. ಪಟ್ಟಣದ ಹೇಮಾವಚತಿ ಬಡಾವಣೆಯ ಪಾರ್ಕಿನಲ್ಲಿ ನಡೆಯುತ್ತಿರುವ ಶಾಲೆಗೆ ಸ್ವಂತ ಕಟ್ಟಡವಿಲ್ಲದೇ ಮಕ್ಕಳು ಮರಗಳ ಕೆಳಗೆ ಕುಳಿತು ಪಾಠ-ಪ್ರಚಚನವನ್ನು ಕೇಳುತ್ತಿದ್ದಾರೆ. ಈಬಗ್ಗೆ ಹಲವಾರು ದಿನಪತ್ರಿಕೆಗಳು ಮತ್ತು ವಾಹಿನಿಗಳಲ್ಲಿ ಮಕ್ಕಳಗೋಳಿನ ಬಗ್ಗೆ ಪ್ರಸಾರವಾಗಿದೆ, ಮಾನ್ಯ ಶಾಸಕರೂ ಕೂಡ ಮೊದಲ ಆಧ್ಯತೆಯಲ್ಲಿ ಶಾಲೆಯು ಸ್ವಂತ ಕಟ್ಟಡವನ್ನು ಹೊಂದಲು ನಿವೇಶನ ನೀಡುವಂತೆ ಮನವಿ ಮಾಡಿದ್ದಾರೆ. ಆದ್ದರಿಂದ ಪುರಸಭೆಯ ಆಡಳಿತ ಮಂಡಳಿಯು ಪಕ್ಷಾತೀತವಾಗಿ ಜನಪರವಾದ ಆಡಳಿತವನ್ನು ನೀಡಲು ಮುಂದಾಗಬೇಕು ಎಂದು ಸಂತೋಷ್ ಮನವಿ ಮಾಡಿದರು.
ಪಟ್ಟಣದ ಶಹರೀ ರೋಜ್‍ಗಾರ್ ಯೋಜನೆಯ ಸಹಾಯಕಿ ಭಾರತಿಅನಂತಶಯನ ಅವರು ಜನಸಾಮಾನ್ಯರ ಕೆಲಸ ಕಾರ್ಯಗಳನ್ನು ಮಾಡಿಕೊಡಲು ಲಂಚದ ಹಣಕ್ಕಾಗಿ ಒತ್ತಾಯಿಸಿ ಲಂಚಪಡೆದು ಸಿಕ್ಕಿಬಿದ್ದು ಕರ್ತವ್ಯ ಲೋಪವೆಸಗಿರುವುದು ಈಗಾಗಲೇ ಹಲವಾರು ಭಾರಿ ಸಾಭೀತಾಗಿದೆ. ಭಾರತಿ ಅವರ ಸೇವೆಯು ನಮ್ಮ ಪುರಸಭೆಗೆ ಬೇಕಾಗಿಲ್ಲ, ಅವರನ್ನು ಸೇವೆಯಿಂದ ಬಿಡುಗಡೆ ಮಾಡಿ ಜಿಲ್ಲಾ ನಗರಾಭಿವೃಧ್ಧಿಕೋಶಕ್ಕೆ ವಾಪಸ್ ಕಳಿಸುವ ಬಗ್ಗೆ ಪುರಸಭೆ ಉಪಾಧ್ಯಕ್ಷ ಅಶೋಕ್ ಅವರು ನೀಡಿದ ಸಲಹೆಗೆ ಸರ್ವ ಸದಸ್ಯರೂ ಒಪ್ಪಿಗೆ ನೀಡಿದರು. ಪಟ್ಟಣದಲ್ಲಿ ನಾಯಿಗಳ ಹಾವಳಿ ನಿಯಂತ್ರಣಕ್ಕೆ ಬಂದಿಲ್ಲ, ಹಂದಿಗಳ ಹಾವಳಿಯು ಮಿತಿಮೀರಿದೆ. ಕೋಳಿಯ ತ್ಯಾಜ್ಯವನ್ನು ಪಟ್ಟಣದ ದೇವೀರಮ್ಮಣ್ಣಿ ಕೆರೆಗೆ ಸುರಿದು ಮಲಿನ ಮಾಡುತ್ತಿದ್ದಾರೆ. ರಸ್ತೆಯಲ್ಲಿ ಓಡಾಡುವ ಜನರಿಗೆ ಗಬ್ಬುವಾಸನೆಯನ್ನು ಸಹಿಸಲು ಆಗುತ್ತಿಲ್ಲ ಈ ಬಗ್ಗೆ ಕ್ರಮಕೈಗೊಳ್ಳಬೇಕು ಎಂದು ಸದಸ್ಯರಾದ ರತ್ನಮ್ಮ ಮತ್ತು ಕೆ.ವಿನೋದ್ ಆಗ್ರಹಿಸಿದಾಗ ಮಧ್ಯಪ್ರವೇಶಿಸಿ ಮಾತನಾಡಿದ ಆರೋಗ್ಯ ಪರಿವೀಕ್ಷಕ ಕೆಂಪೇಗೌಡ ಮಾತನಾಡಿ ಇದುವರೆಗೆ 425 ಬೀದಿ ನಾಯಿಗಳನ್ನು ಹಿಡಿಯಲಾಗಿದೆ, ಸಧ್ಯದಲ್ಲಿಯೇ ಕಾರ್ಯಾಚರಣೆ ನಡೆಸಿ ಉಳಿದ ನಾಯಿಗಳನ್ನು ಹಿಡಿಯಲು ಕ್ರಮಕೈಗೊಳ್ಳುತ್ತೇವೆ. ಪುರಸಭೆಗೆ ಹೊಸದಾಗಿ ನೈರ್ಮಲ್ಯ ವಿಭಾಗಕ್ಕೆ ಪರಿಸರಎಂಜಿನಿಯರ್ ರಕ್ಷಿತ್ ಅವರು ಬಂದು ಅಧಿಕಾರ ಸ್ವೀಕರಿಸಿದ್ದಾರೆ. ಇವರ ನೇತೃತ್ವದಲ್ಲಿ ಹಂದಿಯನ್ನು ಸಾಕಾಣಿಕೆ ಮಾಡಿರುವ ಚಿಕ್ಕೋಸಹಳ್ಳಿಯ ಪ.ಕಾಳೇಗೌಡರ ಮಗ ಸುರೇಶ್ ಅವರು ಪರಿಸರ ಮಾಲಿನ್ಯ ಮಾಡಲು ಹೊರಟು ಸಾರ್ವಜನಿಕರ ನೆಮ್ಮದಿಗೆ ಭಂಗ ತಂದಿದ್ದಾರೆ ಈ ಬಗ್ಗೆ ಕ್ರಮಕೈಗೊಳ್ಳುತ್ತೇವೆ. ಬರುವ ಸೋಮವಾರ ಕೋಳಿ ಅಂಗಡಿ ವ್ಯಾಪಾರಿಗಳ ಸಭೆ ಕರೆದು ಕೆರೆಗೆ ಕೋಳಿ ತ್ಯಾಜ್ಯವನ್ನು ಸುರಿಯದಂತೆ ನಿರ್ದೇಶನ ನೀಡುತ್ತೇವೆ ಎಂದು ಸಭೆಗೆ ಮಾಹಿತಿ ನೀಡಿದರು.
ವಿಧಾನಪರಿಷತ್ ಸದಸ್ಯರಿಗೆ ಅಭಿನಂದನೆ: ದಕ್ಷಿಣ ಪದವೀಧರ ಕ್ಷೇತ್ರದ ಸದಸ್ಯರಾದ ಗೋ.ಮಧುಸೂಧನ್ ಅವರು ಶವಸಂಸ್ಕಾರ ವಾಹನವನ್ನು ಪುರಸಭೆಗೆ ತಮ್ಮ ಶಾಸಕರ ಅನುಧಾನದಿಂದ ಕೊಡುಗೆಯಾಗಿ ನೀಡಿದ್ದು ವಾಹನದ ಕೀಯನ್ನು ಹಸ್ತಾಂತರಿಸಲು ಇಂದಿನ ಸಾಮನ್ಯ ಸಭೆಯಲ್ಲಿ ಭಾಗವಹಿಸಿದ್ದರು, ಪುರಸಭೆಯ ವತಿಯಿಂದ ಗೋ.ಮಧುಸೂಧನ್ ಅವರನ್ನು ಇದೇ ಸಂದರ್ಭದಲ್ಲಿ ಸನ್ಮಾನಿಸಿ ಗೌರವಿಸಲಾಯಿತು. ಮಾರುತಿಓಮ್ನಿ ಶವ ಸಾಗಾಣಿಕೆಯ ಚಿರಶಾಂತಿ ವಾಹನವನ್ನು ಪುರಸಭೆಯ ವಶಕ್ಕೆ ಪಡೆಯಲಾಯಿತು.
ಸ್ಥಾಯಿಸಮಿತಿ ಅಧ್ಯಕ್ಷರ ಆಯ್ಕೆ: ಪುರಸಭೆಯ ಸ್ಥಾಯಿ ಸಮಿತಿಯ ನೂತನ ಅಧ್ಯಕ್ಷರಾಗಿ ಬಿಜೆಪಿ ಸದಸ್ಯ ಕೆ.ಪುರುಷೋತ್ತಮ್ ಅವಿರೋಧವಾಗಿ ಆಯ್ಕೆಯಾದರು. ಸ್ಥಾಯಿ ಸಮಿತಿ ಸದಸ್ಯರಾಗಿ ಡಿ.ಪ್ರೇಮಕುಮಾರ್, ಕೆ.ಬಿ.ನಂದೀಶ್, ಕೆ.ವಿನೋದ್, ತಂಜೀಮಾಕೌಸರ್, ಚೆಲುವರಾಜು, ನಂಜುಂಡಯ್ಯ, ಚಕ್ರಪಾಣಿ ಅವರ ಹೆಸರನ್ನು ಅಧ್ಯಕ್ಷ ಕೆ.ಗೌಸ್‍ಖಾನ್ ಪ್ರಕಟಿಸಿದರು. ಹಿರಿಯ ಸದಸ್ಯ ಡಿ.ಪ್ರೇಮಕುಮಾರ್ ಸ್ಥಾಯಿ ಸಮಿತಿಯ ಅಧ್ಯಕ್ಷ ಸ್ಥಾನಕ್ಕೆ ಕೆ.ಪುರುಷೋತ್ತಮ್ ಅವರ ಹೆಸರನ್ನು ಸೂಚಿಸಿದರೆ ಕೆ.ಬಿ.ನಂದೀಶ್ ಅನುಮೋದಿಸಿದರು.
ಈವರೆಗೆ ಪಟ್ಟಣವನ್ನು ಪುರಸಭೆಯ ಅಧ್ಯಕ್ಷರು-ಉಪಾಧ್ಯಕ್ಷರು ಮುನ್ನಡೆಸುತ್ತಿದ್ದರು ಇದೀಗ ಇವರಿಬ್ಬರ ಜೊತೆಗೆ ನನ್ನನ್ನು ಸ್ಥಾಯಿ ಸಮಿತಿಯ ಅಧ್ಯಕ್ಷನನ್ನಾಗಿ ಸದಸ್ಯರು ಆಯ್ಕೆ ಮಾಡಿ ಹೆಚ್ಚಿನ ಜವಾಬ್ಧಾರಿ ನೀಡಿದ್ದಾರೆ. ಪಟ್ಟಣ ವ್ಯಾಪ್ತಿಯ ಎಲ್ಲಾ 23 ವಾರ್ಡುಗಳನ್ನೂ ಸಮನಾಗಿ ಕಂಡು ಪಕ್ಷಾತೀತವಾಗಿ ಕೆಲಸ ಮಾಡಿ ಪಟ್ಟಣವನ್ನು ಮಾದರಿಯಾಗಿ ಅಭಿವೃಧ್ಧಿಪಡಿಸಲು ದುಡಿಯುತ್ತೇನೆ ಎಂದು ಪುರುಷೋತ್ತಮ್ ಭರವಸೆ ನೀಡಿದರು.
ಪಟ್ಟಣದ ಬೀದಿ ದೀಪಗಳ ನಿರ್ವಹಣೆಯ ಟೆಂಡರ್ ಅನ್ನು ಹಿತೇಷ್ ಎಲೆಕ್ಟ್ರಿಕಲ್ಸ್ ಅವರಿಗೇ ನೀಡಿ ಮುಂದುವರೆಸುವುದು, ತಾಲೂಕು ಕಛೇರಿ ಆವರಣ ಮತ್ತು ಪಟ್ಟಣದ ಡಿಸಿಸಿ ಬ್ಯಾಂಕಿನ ಪಕ್ಕದಲ್ಲಿರುವ ಸಾರ್ವಜನಿಕ ಶೌಚಾಲಯಗಳ ನಿರ್ವಹಣೆಯನ್ನು ಮೆ. ಸನಿಹ ಇಂಟರ್‍ನ್ಯಾಷನಲ್ ಸಂಸ್ಥೆಗೆ ಗುತ್ತಿಗೆ ಆಧಾರದ ಮೇಲೆ ನೀಡಲು ಸಭೆಯು ನಿರ್ಧರಿಸಿತು.
ಪುರಸಭೆ ಸದಸ್ಯರಾದ ಮಹಾದೇವಿ, ನಂಜುಂಡ, ಕೆ.ಆರ್.ಹೇಮಂತ್‍ಕುಮಾರ್, ಲೋಕೇಶ್, ಚಂದ್ರಕಲಾ, ಜಯಮ್ಮ, ಪ್ರೇಮಕುಮಾರ್, ಚಕ್ರಪಾಣಿ ಮತ್ತಿತರರು ಚರ್ಚೆಯಲ್ಲಿ ಭಾಗವಹಿಸಿದ್ದರು. ಮುಖ್ಯಾಧಿಕಾರಿ ಸಿ.ಎಸ್.ಬಸವರಾಜು ಸರ್ವ ಸದಸ್ಯರನ್ನೂ ಸ್ವಾಗತಿಸಿದರು. ಪ್ರಥಮದರ್ಜೆ ಸಹಾಯಕ ಹೆಚ್.ಪಿ.ನಾಗರಾಜ್ ವಂದಿಸಿದರು.

ಮಂಡ್ಯ-ಅನಾಥ ಮಕ್ಕಳ ಜೊತೆ ಗೌರಿ-ಗಣೇಶ ಹಬ್ಬ ಆಚರಿಸಿದ ಮಧುರ ಮಂಡ್ಯ ಲಯನ್ಸ್ ಸಂಸ್ಥೆ .

ಮಂಡ್ಯ: ಮಧುರ ಮಂಡ್ಯ ಲಯನ್ಸ್ ಸಂಸ್ಥೆ ವತಿಯಿಂದ ಗೌರಿ-ಗಣೇಶ ಹಬ್ಬದ ಅಂಗವಾಗಿ ಕ್ಯಾತುಂಗೆರೆಯ ವಿಕಸನ ಜೋಗುಳ ದತ್ತು ಸೇವಾ ಕೇಂದ್ರ ಹಾಗೂ ಬಾಲ ಕಾರ್ಮಿಕರ ವಿಶೇಷ ವಸತಿ ಶಾಲೆಯ ಮಕ್ಕಳಿಗೆ ನೋಟ್‍ಬುಕ್ ಮತ್ತು ಸಮವಸ್ತ್ರ ವಿತರಿಸಲಾಯಿತು.
ಅಧ್ಯಕ್ಷ ಬಿ.ಎಂ.ಅಪ್ಪಾಜಪ್ಪ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಅನಾಥ ಮಕ್ಕಳನ್ನು ಸಾಕಿ ಸಲುಹಿತ್ತಿರುವ ಸಂಸ್ಥೆಯ ಕಾರ್ಯ ಶ್ಲಾಘನೀಯವಾದುದು. ಸಮಾಜ ಕಣ್ಣು ತೆರೆಯುವ ಕೆಲಸವನ್ನು ಸಂಘಸಂಸ್ಥೆಗಳು ಮಾಡುತ್ತಿದ್ದು, ದಾನಿಗಳು ಕೈಜೋಡಿಸಬೇಕು ಎಂದು ಹೇಳಿದರು.
ಸಮಾಜದಲ್ಲಿ ತಿರಸ್ಕಾರಕ್ಕೆ ಒಳಗಾದ ಮಕ್ಕಳನ್ನು ಪೆÇೀಷಣೆ ಮಾಡುವ ಜೊತೆಗೆ ವಿಧ್ಯಾಬ್ಯಾಸ ನೀಡಿ, ಅವರನ್ನು ಸಮಾಜ ಮುಖಿಗೆ ತರುವ ಪ್ರಯತ್ನ ಮಾಡಲಾಗುತ್ತಿದೆ. ಲಯನ್ಸ್ ಸಂಸ್ಥೆಯು ಹಲವಾರು ಜನಪರ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದ್ದು, ಅನಾಥ ಮಕ್ಕಳ ವಿದ್ಯಾಭ್ಯಾಸಕ್ಕೂ ನೆರವಾಗಿದೆ ಎಂದರು.
ಲಯನ್ಸ್ ಸಂಸ್ಥೆ ಗ್ರಾಮೀಣ ಪ್ರದೇಶದಲ್ಲಿಯೂ ಸಮಾಜ ಸೇವೆ ಮಾಡುತ್ತಿದ್ದು, ಸಮವಸ್ತ್ರ, ನೋಟ್‍ಬುಕ್ ವಿತರಣೆ ಮಾಡಲಾಗುತ್ತಿದೆ. ಬಾಲ ಕಾರ್ಮಿಕರ ರಕ್ಷಣೆ, ನೊಂದವರಿಗೆ ನೆರವು ನೀಡುತ್ತಿದ್ದೇವೆ ಎಂದು ತಿಳಿಸಿದರು.
ತಾಪಂ ಮಾಜಿ ಅಧ್ಯಕ್ಷ ಸಿ.ತ್ಯಾಗರಾಜು, ಲಯನ್ಸ್ ವಲಯಾಧ್ಯಕ್ಷ ಆನಂದ್, ಕಾರ್ಯದರ್ಶಿ ಸಿದ್ದರಾಮೇಗೌಡ, ಪ್ರಾಂತೀಯ ಅಧ್ಯಕ್ಷ ನಾರಾಯಣಸ್ವಾಮಿ, ಲಯನ್ಸ್ ಸಂಸ್ಥೆಯ ಕರಿಯಪ್ಪ, ಬಿ.ಕೆ.ಮಾದು, ಮಹೇಶ್, ವಿಕಸನ ಸಂಸ್ಥೆಯ ಮಹೇಶ್ ಚಂದ್ರಗುರು ಇತರರು ಭಾಗವಹಿಸಿದ್ದರು.

ಮಳವಳ್ಳಿ-ಕೆ.ಎಂ.ದೊಡ್ಡಿ ಸುದ್ದಿಗಳು.

ಮಂಡ್ಯ: ಕ್ರೀಡೆ ಅತಿ ಮುಖ್ಯವಾದುದು. ವಿದ್ಯೆಯಷ್ಟೇ ಕ್ರೀಡೆಗೂ ಸಮಾನತೆಯಿಂದ ವಿದ್ಯಾರ್ಥಿಗಳು ಆಸಕ್ತಿ ವಹಿಸಬೇಕು ಎಂದು ಜಿ.ಪಂ. ಆರೋಗ್ಯ ಮತ್ತು ಶಿಕ್ಷಣ ಸ್ಥಾಯಿ ಸಮಿತಿ ಅಧ್ಯಕ್ಷ ಕೆ.ಎಸ್. ವಿಜಯಾನಂದ ತಿಳಿಸಿದರು.
ನಗರದ ಸರ್.ಎಂ.ವಿ. ಕ್ರೀಡಾಂಗಣದಲ್ಲಿ ಜಿ.ಪಂ., ಸಾರ್ವಜನಿಕ ಶಿಕ್ಷಣ ಇಲಾಖೆ, ಬಿಇಓ ಕಚೇರಿ, ತಾಲೂಕು ದೈಹಿಕ ಶಿಕ್ಷಕರ ಸಂಘ ಇವರ ವತಿಯಿಂದ ನಡೆದ ತಾಲೂಕು ಮಟ್ಟದ ಹಿರಿಯ ಪ್ರಾಥಮಿಕ ಶಾಲೆಗಳ ಕ್ರೀಡಾಕೂಟವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ಸರ್ಕಾರ ಇಂದು ಕ್ರೀಡೆಗೆ ಅನೇಕ ಸೌಲತ್ತುಗಳನ್ನು ನೀಡುತ್ತಿದೆ. ವಿದ್ಯಾರ್ಥಿಗಳು ಕ್ರೀಡೆಯಲ್ಲಿ ಆಸಕ್ತಿಯಿಂದ ಪಾಲ್ಗೊಂಡು ವಿದ್ಯಾಭ್ಯಾಸದಷ್ಟೇ ಕ್ರೀಡೆಗೂ ಹೆಚ್ಚಿನ ಆದ್ಯತೆ ನೀಡಿ ಭಾಗವಹಿಸಬೇಕು ಎಂದರು.
ಕ್ರೀಡೆ ದೈಹಿಕ ಮತ್ತು ಮಾನಸಿಕ ಬೆಳವಣಿಗೆಗೆ ಸಹಕಾರಿಯಾಗುತ್ತದೆ. ಪ್ರತಿಯೊಬ್ಬರ ವಿದ್ಯಾರ್ಥಿಗಳು ಉತ್ತಮ ಕ್ರೀಡಾಪಟುಗಳಾಗಿ ಹೊರ ಹೊಮ್ಮುವ ಮೂಲಕ ಜಿಲ್ಲೆಯನ್ನು ರಾಷ್ಟ್ರ ಮತ್ತು ಅಂತರ ರಾಷ್ಟ್ರ ಮಟ್ಟದಲ್ಲಿ ಬೆಳಗಿಸುವಂತೆ ಕರೆ ನೀಡಿದರು.
ಜಿ.ಪಂ. ಅಧ್ಯಕ್ಷೆ ಮಂಜುಳಾ ಪರಮೇಶ್ ಧ್ವಜಾರೋಹಣ ನೆರವೇರಿಸಿದರು. ಜಿ.ಪಂ. ಸದಸ್ಯೆ ಚಂದ್ರಕಲಾ ನಂಜುಂಡಾಚಾರ್ ಕ್ರೀಡಾಜ್ಯೋತಿ ಸ್ವೀಕರಿಸಿದರು. ತಾ.ಪಂ. ಅಧ್ಯಕ್ಷ ಟಿ.ಸಿ. ಶಂಕರೇಗೌಡ ಅಧ್ಯಕ್ಷತೆ ವಹಿಸಿದ್ದರು. ಡಿಡಿಪಿಐ ಎಂ.ಡಿ. ಶಿವಕುಮಾರ್, ಕ್ಷೇತ್ರ ಶಿಕ್ಷಣಾಧಿಕಾರಿಗಳಾದ ಮಹದೇವ, ಕೋದಂಡರಾಮು, ಜಿಲ್ಲಾ ಸರ್ಕಾರಿ ನೌಕರರ ಸಂಘದ ಅಧ್ಯಕ್ಷ ಕೆ. ನಾಗೇಶ್, ದೈಹಿಕ ಶಿಕ್ಷಣ ಪರಿವೀಕ್ಷಕ ಎಂ. ಶಿವಲಿಂಗಯ್ಯ, ಹನುಮಶೆಟ್ಟಿ, ನಾರಾಯಣಗೌಡ ಇತರರು ಸಮಾರಂಭದಲ್ಲಿ ಭಾಗವಹಿಸಿದ್ದರು.

ಮಳವಳ್ಳಿ- ರೈತರ ಅಕ್ರೋಶ-ಕಾವೇರಿ ನಿಗಮಕ್ಕೆ ಮುತ್ತಿಗೆ-ಪ್ರತಿಭಟನೆ
* ಜಲಪಾತೋತ್ಸವಕ್ಕೆ ಕಪ್ಪು ಬಾವುಟ ಪ್ರದರ್ಶನ-ಎಚ್ಚರಿಕೆ ನೀಡಿದ ರೈತರು
ಮಳವಳ್ಳಿ.ವಿಶ್ವೇಶ್ವರಯ್ಯ ನಾಲೆಯ ವ್ಯಾಪ್ತಿಯಲ್ಲಿರುವ 6 ರಿಂದ 14 ತೂಬಿನ ದುಗ್ಗನಹಳ್ಳಿ ಮತ್ತು ಹುಸ್ಕೂರು ನಾಲೆಗಳಿಗೆ ನೀರು ಬಿಟ್ಟಿಲ್ಲದಿರುವುದರ ಬಗ್ಗೆ ಅಚ್ಚುಕಟ್ಟು ಪ್ರದೇಶದ ರೈತರು ಕಾಗೇಪುರದಲ್ಲಿರುವ ಕಾವೇರಿ ನೀರಾವರಿ ನಿಗಮದ ಕಛೇರಿಗೆ ಮುತ್ತಿಗೆ ಹಾಕಿ ಬೃಹತ್ ಪ್ರತಿಭಟನೆ ನಡೆಸಿದ ಘಟನೆ ಶನಿವಾರ ಜರುಗಿದೆ.
ಈ ಬಾಗದ ಕೆರೆ-ಕಟ್ಟೆಗಳಿಗೆ ನೀರು ಬಿಟ್ಟಿಲ್ಲ,ನಾಟಿಗೆ ಪೈರು ಬಂದಿವೆ.ಈಗಾಗಲೇ ನೀರು ಬಿಡುವುದು ತಡವಾಗಿದೆ ಇನ್ನು ನೀರು ಬಿಟ್ಟಿಲ್ಲ,ಅಧಿಕಾರಿಗಳ ಕರ್ತವ್ಯ ಲೋಪದಿಂದ ರೈತರು ಸಂಕಷ್ಟದಲ್ಲಿ ಮುಳುಗಿದ್ದು,ಈ ಬಾಗಕ್ಕೆ ನೀರು ಬಿಡುವವರೆಗೂ ನಿರಂತರ ಹೋರಾಟ ಮಾಡುವುದಾಗಿ ರೈತರೆಲ್ಲರೂ ಅಲ್ಲೆ ಆಡುಗೆ ಮಾಡಿಕೊಂಡು ಪ್ರತಿಭಟನೆ ನಡೆಸಿದ ನೂರಾರು ರೈತರು ನೀರು ಬಿಡದಿದ್ದಲ್ಲಿ ಜಲಪಾತೋತ್ಸವಕ್ಕೆ ಆಡ್ಡಿ ಮಾಡುವುಲ್ಲದೆ ಕಪ್ಪು ಬಾವುಟ ಪ್ರದರ್ಶನ ಮಾಡುವ ಎಚ್ಚರಿಕೆ ಸಂದೇಶವನ್ನು ಈ ಸಂದರ್ಭದಲ್ಲಿ ನೀಡಿದ್ದಾರೆ.
ನಿಢಘಟ್ಟ ನಾಲಾ ವ್ಯಾಪ್ತಿಯ 6 ರಿಂದ 14ರ ಎಲ್ಲಾ ತೂಬುಗಳಿನ ವ್ಯಾಪ್ತಿ ಅಚ್ಚುಕಟ್ಟು ಪ್ರದೇಶಕ್ಕೆ ಕೂಡಲೇ ನೀರು ಬಿಡಬೇಕು,2 ಬಾರಿ ನೀರು ಬಿಟ್ಟು ಕೊನೆಯ ಬಾಗದ ರೈತರ ಭೂಮಿಗೆ ಮತ್ತು ಕೆರೆ-ಕಟ್ಟೆಗಳಿಗೆ ನೀರು ತುಂಬಿಸುವಲ್ಲಿ ವಿಪಲವಾಗಿರುವ ಅಧಿಕಾರಿಗಳಿಗೆ ವಿರುದ್ದ ಕ್ರಮ ಕೈಗೊಳ್ಳಬೇಕು,ತಡವಾಗಿರುವುದರಿಂದ ಅಗರಿಉವ ನಷ್ಠಕ್ಕೆ ಪರಿಹಾರ ನೀಡಬೇಕು, ಕಟ್ಟು ನೀರಿನ ಪದ್ದತಿಯನ್ನು ಕಡ್ಡಾಯವಾಗಿ ಜಾರಿಗೆ ತರಬೇಕು,ನಾಟಿ ಅಗುವವರೆಗೆ ನಿರಂತರವಾಗಿ ನೀರು ಬಿಡಬೇಕು,ನಾಲೆಗಳಿಗೆ ಊಳು ತೆಗೆಯುವ ಕೆಲಸವನ್ನು ಅಯಾ ವ್ಯಾಪ್ತಿಯ ರೈತರಿಗೆ ನೀಡಿ ಮೀಸಲಿರುವ ಹಣವನ್ನು ರೈತರಿಗೆ ನೀಡಬೇಕು,ಸಮಸ್ಯೆ ಉಲ್ಬಣಿಸದಂತೆ ಸಮಿತಿ ರಚಿಸಿ ತಿಂಗಳಿಗೊಮ್ಮೆ ರೈತತರ ಸಭೆ ನಡೆಸಿ ರೈತರ ನೆರವಿಗೆ ಮುಂದಾಗಬೇಕೆಂದು ಅವರು ಈ ಸಂದರ್ಬದಲ್ಲಿ ಒತತಾಯಿಸಿದರು.
ರೈತ ಮುಖಂಡ ಸಿದ್ದರಾಜು ಮಾತನಾಡಿ 25 ಕೀ.ಮೀ.ದೂರದಲ್ಲಿರುವ ಹೆಬ್ಬಕವಾಡಿ ನಾಲೆಗೆ  ನೀರು ಬಿಟ್ಟು ಕೇವಲ 15 ಕೀ.ಮೀ. ವ್ಯಾಪ್ತಿಯ ನಮಗೆ ನೀರು ಏಕೆ ಬಿಟ್ಟಿಲ್ಲ ಎನ್ನುವುದು ಪ್ರಶ್ನೆಯಾಗಿದೆ.ನಮ್ಮ ಸಂಕಷ್ಠವನ್ನು ದಯವಿಟ್ಟು ಅರ್ತಮಾಡಕೊಳ್ಳಿ,ತೊಂದರೆ ಕೊಡಬೇಡಿ ,ಈಗಾಗಲೇ ಸಂಕಷ್ಠದಲ್ಲಿದ್ದವೆ.ಕೂಡಲೇ ನೀರು ಬಿಟ್ಟು ನಮ್ಮನ್ನು
ಉಳಿಸುವಂತೆ ಅಗಮಿಸಿದ ಕಾರ್ಯಪಾಲಕ ಇಂಜಿನಿಯರ್ ಮಲ್ಲಿಕಾರ್ಜುನವರಿಗೆ ಮನವಿ ಮಾಡಿದರು.
ಸ್ಥಳಕ್ಕಾಗಮಿಸಿದ ಇಇ ಮಲ್ಲಿಕಾರ್ಜುನಯ್ಯ ನಮಗೆ ನೀಡಿರುವ ನೀರಿನಲ್ಲಿ ಹಂತ-ಹಂತವಾಗಿ ನೀರು ಬಿಡುತ್ತಿದ್ದವೆ.ಕೆಲವೊಂದು ತಾಂತ್ರಿಕ ಕಾರಣದಿಂದ ಈ ಸಮಸ್ಯೆ ಎದುರಾಗಿದ್ದು,ಕೂಡಲೇ ನೀರು ಬಿಡಲು ಕ್ರಮವಹಿಸುತ್ತೆನೆಂದರೂ ಸಹ ರೈತರು ಸಮಸ್ಯೆ ಬಗೆಹರಿಯುವವರೆಗೂ ಪ್ರತಿಭಟನೆ ನಡೆಸುವುದಾಗಿ ಹೋರಾಟ ಮುಂದುವರೆಸಿದ್ದಾರೆ.
ಪ್ರತಿಭಟನೆಯಲಿ ್ಲಕೃಷಿ ಕೂಲಿಕಾರರ ಸಂಘದ ಅಧ್ಯಕ್ಷ ಎಂ.ಪುಟ್ಟಮಾದು,ಕಾರ್ಯದರ್ಶಿ ಕೆ.ಬಸವರಾಜು,ಆನಂದ್,ಗ್ರಾ.ಪಂ.ಅಧ್ಯಕ್ಷ ಕೆಂಪರಾಜು,ಮುಖಂಡರಾದ ಲಿಂಗರಾಜು,ವಸಂತಕುಮಾರ್,ಕೃಷ್ಣಅರಸು,ಸಿದ್ದರಾಜು,ಚಿನ್ನ,ಶಿವಮಲ್ಲಯ್ಯ,ಅಂಜನೇಯ,ಬೋರೆಗೌಡ,ವಿಶ್ವಸ್,ಮಾಸ್ತಿ,ನಂಜುಂಡಯ್ಯ,ಸವಕಯ್ಯ,ಸರೋಜಮ್ಮ,ಗುರುಪ್ರಸಾದ್ ಸೇರಿದಂತೆ ನೂರಾರು ರೈತರು ಪ್ರತಿಭಟನೆಯಲ್ಲಿ ಬಾಗವಹಿಸಿದ್ದಾರೆ.ಯಾವುದೇ ಅಹಿತಕರ ಘಟನೆ ನಡೆಯದಂತೆ ಗ್ರಾಮಾಂತರ ಸಬ್ ಇನ್ಸೆಪೆಕ್ಟರ್ ಅಶೋಕ್ ಸ್ಥಳದಲ್ಲೆ ಮೊಕ್ಕಂ ಹೂಡಿದ್ದಾರೆ.
ಚಿತ್ರ-30ಎಂಎಲ್‍ವಿ1
ಮಳವಳ್ಳಿ ತಾಲೂಕಿನ ಕಾಗೇಪುರದಲ್ಲಿರುವ ಕಾವೇರಿ ನೀರಾವರಿ ನಿಗಮದ ಕಛೇರಿಗೆ ಮುತ್ತಿಗೆ ಹಾಕಿರುವ ನಿಢಘಟ್ಟ ವ್ಯಾಪ್ತಿಯ 36 ರಿಂದ 14 ರವರೆಗಿನ ತೂಬುಗಳ ಅಚ್ಚುಕಟ್ಟು ಪ್ರದೇಶದ ರೈತರು ನೀರು ಬಿಡುವಂತೆ ಅಗ್ರಹಿಸಿ ಪ್ರೆತಿಭಟನೆಯಲ್ಲಿ ತೊಡಗಿರುವುದು.

ಫೋಟೋ30ಬಿಟಿಜಿ1- ಭಾರತೀನಗರ ಸಮೀಪದ ಹಾಗಲಹಳ್ಳಿ ಹಮ್ಮಿಕೊಂಡಿರುವ ಯೋಗಶೀಬಿರವನ್ನು ಮಾಜಿ ಸೈನಿಕ ರಾಜಣ್ಣ ಉದ್ಘಾಟಿಸಿದರು.

   ಭಾರತೀನಗರ.ಆ.30- ಗ್ರಾಮೀಣ ಜನತೆ ತಮ್ಮ ಆರೋಗ್ಯವನ್ನು ಸುಧಾರಿಸಿಕೊಳ್ಳಲು ಮತ್ತು ರೋಗವನ್ನು ನಿಯಂತ್ರಿಸಲು ಯೋಗಾಭ್ಯಾಸವನ್ನು ಮೈಗೂಡಿಸಿಕೊಳ್ಳಬೇಕೆಂದು ಯೋಗಗುರು ಮಲ್ಲಿಕಾರ್ಜುನಸ್ವಾಮಿ ತಿಳಿಸಿದರು.
  ಇಲ್ಲಿಗೆ ಸಮೀಪದ ಎಸ್.ಐ.ಹಾಗಲಹಳ್ಳಿಯಲ್ಲಿ ಪತಾಂಜಲಿ ಯೋಗ್ರಾಶ್ರಮ ಮಳವಳ್ಳಿ ವತಿಯಿಂದ ಹಮ್ಮಿಕೊಳ್ಳಲಾಗಿರುವ ಯೋಗಶಿಬಿರದ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಅವರು, ರೋಗ ಇಲ್ಲದ ಮನುಷ್ಯನನ್ನು ಕಾಣದಂತಾಗಿದೆ. ಪ್ರತಿಯೊಬ್ಬರು ಒಂದಲ್ಲ ಒಂದು ಸಮಸ್ಯೆಯಲ್ಲಿ ಬದುಕುತ್ತಿದ್ದಾರೆ. ಎಲ್ಲಾ ಸಮಸ್ಯೆಗಳಿಗೆ ಯೋಗ ಒಂದೇ ಮದ್ದಾಗಿದೆ ಎಂದರು.
   ಈ ದೇಹ ಮಲೀನತೆಯ ಬುಟ್ಟಿ. ರೋಗಗಳ ಗೂಡು, ಮೂಳೆಗಳ ಅಂದರ, ರಕ್ತಮಾಂಸಗಳಿಂದ ಕೂಡಿದ್ದು ಸತ್ತು ಸುಣ್ಣವಾಗಿ ಕೊಳೆತು ನಾರುವ ಈ ಶರೀರಕ್ಕೆ ಕೆಲವು ದಿನವಾದರೂ ಶುದ್ದವಾಗಿ ಇಟ್ಟುಕೊಳ್ಳಲು ಯೋಗ ಸಹಾಯಕವಾಗಿದೆ ಎಂದರು.
  ಆಯಸ್ಸು ವಯಸ್ಸು ಯೌವನ ಪ್ರತಿದಿನವೂ ಕಳೆಯುತ್ತಿರುತ್ತದೆ. ಕಾಲವು ಅಮೌಲ್ಯವಾದದ್ದು, ಮೃತ್ಯ ಸಧಾ ಕಾದಿರುತ್ತದೆ. ಕಳೆದ ಕಾಲವು ಮತ್ತೆ ಬರುವುದಿಲ್ಲ. ಆದಷ್ಟು ಬೇಗ-ಬೇಗ ಯೋಗ, ಪ್ರಾಣಯಾಮ ಸೇವೆಯನ್ನ ಸಂಪಾದಿಸಿಕೊಳ್ಳಿ ಎಂದು ಕರೆ ನೀಡಿದರು.
    ಮಾಜಿ ಸೈನಿಕ ರಾಜಣ್ಣ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿ, ಗ್ರಾಮೀಣ ಜನತೆ ತಮ್ಮ ಆರೋಗ್ಯದ ಮೇಲೆ ನಿಗ ವಹಿಸದ ಪ್ರಸ್ತುತ ಸಂದರ್ಭದಲ್ಲಿ ಯೋಗಗುರು ಮಲ್ಲಿಕಾರ್ಜುನಸ್ವಾಮಿಯವರು ಗ್ರಾಮೀಣ ಪ್ರದೇಶದಲ್ಲಿ ನಿರಂತರ ಯೋಗಶಿಬಿರವನ್ನು ನಡೆಸುತ್ತಿರುವುದು ಉತ್ತಮ ಬೆಳವಣಿಗೆಯಾಗಿದೆ ಎಂದರು.
  ಕಾರ್ಯಕ್ರಮದಲ್ಲಿ ಮಾಜಿ ಸೈನಿಕ ಶಿವಲಿಂಗೇಗೌಡ, ಎಂ.ಪಿ.ಸಿ.ಎಸ್ ಅಧ್ಯಕ್ಷ ರಾಮಣ್ಣ, ಬಿದರಹಳ್ಳಿ ಬಿ.ಎಚ್.ಹನುಮೇಗೌಡ, ಎಸ್.ಡಿ.ಎಂ.ಸಿ.ಅಧ್ಯಕ್ಷ ನಿಂಗೇಗೌಡ, ಎಚ್.ಸಿ.ಪ್ರಕಾಶ್, ಜನನಿ ವಿದ್ಯಾಸಂಸ್ಥೆಯ ಕಾರ್ಯದರ್ಶಿ ಜಗದೀಶ್, ಕರೀಗೌಡ, ಬಸವರಾಜು ಸೇರಿದಂತೆ ಇತರರು ಉಪಸ್ಥಿತರಿದ್ದರು.
==========================

 
 ಭಾರತೀನಗರ.ಆ.30- ಅಂಗಡಿಗಳ ಪರಾವನಗಿ ಪಡೆಯಲು ಶುಲ್ಕ ನಿಗಧಿ ಪಡಿಸಿರುವ ವಿಚಾರವಾಗಿ ಗ್ರಾ.ಪಂ ಮತ್ತು ವರ್ತಕರ ಸಂಘದ ನಡುವೆ ಉಂಟಾಗಿದ್ದ ಸಮಸ್ಯೆಯನ್ನು ಪೊಲೀಸ್ ಇಲಾಖೆ ಮಧ್ಯಸ್ಥಿಕೆ ವಹಿಸಿ ಬಗೆಹರಿಸಿದೆ.
    ಇಲ್ಲಿನ ರಾಜೀವ್‍ಗಾಂಧಿ ಸೇವಾಕೇಂದ್ರದಲ್ಲಿ ಸರ್ಕಲ್ ಇನ್ಸ್‍ಪೆಕ್ಟರ್ ಗೋಪಾಲ್‍ರವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ವರ್ತಕರು ಮತ್ತು ಗ್ರಾ.ಪಂ ನಡುವೆ ಉಂಟಾಗಿದ್ದ ಗೊಂದಲಕ್ಕೆ ತೆರೆಬಿದ್ದಿದೆ.
      ಅಂಗಡಿಗಳಿಗೆ  ಲೈಸನ್ಸ್ ಪಡೆಯಲು ಗ್ರಾ.ಪಂ ಹೆಚ್ಚು ಶುಲ್ಕವನ್ನು ವಿಧಿಸಲಾಗುತ್ತಿದೆ ಎಂದು ವಿರೋಧಿಸಿ ವರ್ತಕರ ಸಂಘವು ಪ್ರತಿಭಟನೆ ನಡೆಸಲಾಗಿತ್ತು.  ಈ ವಿಷಯವಾಗಿ ಗ್ರಾ.ಪಂ ಮತ್ತು ವರ್ತಕರ ನಡುವೆ ಭಿನ್ನಾಭಿಪ್ರಾಯ ಏರ್ಪಟ್ಟು ಲೈಸನ್ಸ್ ಪಡೆಯುವುದರ ಬಗ್ಗೆ ಗೊಂದಲ ಸೃಷ್ಠಿಯಾಗಿತ್ತು.
    ಸಭೆಯಲ್ಲಿ ವರ್ತಕರ ಸಮಸ್ಯೆಯನ್ನು ಆಲಿಸಿದ ಸರ್ಕಲ್ ಇನ್ಸ್‍ಪೆಕ್ಟರ್ ಗೋಪಾಲ್ ಅಂತಿಮ ನಿರ್ಧಾರಕ್ಕೆ ಬಂದು 103 ಅಂಗಡಿ ವ್ಯವಹಾರಗಳಲ್ಲಿ ಮೊಬೈಲ್ ಅಂಗಡಿ, ಬಣ್ಣದ ಅಂಗಡಿ, ಜೆರಾಕ್ಸ್ ಸ್ಟೋರ್, ಜನರಲ್ ಸ್ಟೋರ್ ಸೇರಿದಂತೆ 19 ಅಂಗಡಿಗಳಿಗೆ ಈಗಾಗಲೇ ನಿಗಧಿ ಪಡಿಸಿರುವ ತೆರಿಗೆಯಲ್ಲಿ ಶೇ.20 ರಷ್ಟು ಕಡಿಮೆ ಮಾಡಿ ಲೈಸನ್ಸ್ ಪಡೆಯಬೇಕು. ಇನ್ನುಳಿದ ಅಂಗಡಿಗಳು ಈಗಾಗಲೇ ನಿಗಧಿ ಪಡಿಸಿರುವ ಶುಲ್ಕವನ್ನು ವಿಧಿಸಿ ಲೈಸನ್ಸ್ ಪಡೆಯಬೇಕೆಂದು ತಿಳಿಸಿದಾಗ ಎಲ್ಲರೂ ಒಕ್ಕೋರಲಿನ ತೀರ್ಮಾನವನ್ನು ಕೈಗೊಂಡರು. 
     ಸಭೆಯಲ್ಲಿ ಸಬ್ಬ್‍ಇನ್ಸ್‍ಪೆಕ್ಟರ್ ಗೋವಿಂದರಾಜು, ಗ್ರಾ.ಪಂ ಅಧ್ಯಕ್ಷ ವೆಂಕಟೇಶ್, ಪಿಡಿಓ ಅಧಿಕಾರಿ ಶೀಲ, ವರ್ತಕರ ಸಂಘದ ಅಧ್ಯಕ್ಷ ಕೆಂಪಣ್ಣ, ಕಾರ್ಯದರ್ಶಿ ರವಿ ಸೇರಿದಂತೆ ಗ್ರಾ.ಪಂ ಸದಸ್ಯರು, ವರ್ತಕರ ಸಂಘದ ಸದಸ್ಯರು ಉಪಸ್ಥಿತರಿದ್ದರು.

ಮೈಸೂರು ಸುದ್ದಿಗಳು.

ಸೆ. 5 ರಂದು ರಾಜ್ಯಮಟ್ಟದ ಶಿಕ್ಷಕರ ದಿನಾಚರಣೆ
    ಮೈಸೂರು,ಆ.30.ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್ ಹಾಗೂ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಸಂಯುಕ್ತಾಶ್ರಯದಲ್ಲಿ ಸೆಪ್ಟೆಂಬರ್ 5 ರಂದು ಬೆಳಿಗ್ಗೆ 11 ಗಂಟೆಗೆ ಮೈಸೂರಿನ ಎನ್.ಐ.ಇ. ವಜ್ರ ಮಹೋತ್ಸವ ಸಭಾಂಗಣದಲ್ಲಿ ಡಾ| ಸರ್ವಪಲ್ಲಿ ರಾಧಾಕೃಷ್ಣನ್ ಅವರು ಜನ್ಮದಿನಾಚರಣೆಯ ಅಂಗವಾಗಿ ರಾಜ್ಯ ಮಟ್ಟದ ಶಿಕ್ಷಕರ ದಿನಾಚರಣೆ ಹಾಗೂ 2014ನೇ ಸಾಲಿನ ರಾಜ್ಯ ಪ್ರಶಸ್ತಿ ಪುರಸ್ಕøತ ಶಿಕ್ಷಕರಿಗೆ ಪ್ರಶಸ್ತಿ ಪ್ರಧಾನ ಸಮಾರಂಭ ಹಮ್ಮಿಕೊಳ್ಳಲಾಗಿದೆ.
      ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರು ಕಾರ್ಯಕ್ರಮ ಉದ್ಘಾಟಿಸುವರು. ಕಂದಾಯ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ವಿ.ಶ್ರೀನಿವಾಸ್ ಪ್ರಸಾದ್, ಲೋಕೋಪಯೋಗಿ ಸಚಿವ ಡಾ| ಹೆಚ್.ಸಿ. ಮಹದೇವಪ್ಪ ಅವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು. ಪ್ರಾಥಮಿಕ ಹಾಗೂ ಪ್ರೌಢಶಿಕ್ಷಣ ರಾಜ್ಯ ಸಚಿವ ಕಿಮ್ಮನೆ ರತ್ನಾಕರ್ ಅವರು ರಾಜ್ಯ ಪ್ರಶಸ್ತಿ ಪುರಸ್ಕøತ ಶಿಕ್ಷಕರಿಗೆ ಸನ್ಮಾನ ಮಾಡುವರು. ವಿಧಾನಸಭಾ ಸದಸ್ಯರಾದ ಎಂ.ಕೆ.ಸೋಮಶೇಖರ್ ಅವರು ಅಧ್ಯಕ್ಷತೆ ವಹಿಸುವರು.
    ಮೈಸೂರು ಮಹಾನಗರ ಪಾಲಿಕೆಯ ಪೂಜ್ಯ ಮಹಾಪೌರರಾದ ಎನ್.ಎಂ. ರಾಜೇಶ್ವರಿ, ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಡಾ| ಪುಷ್ಪಾವತಿ ಅಮರನಾಥ್, ಲೋಕಸಭಾ ಸದಸ್ಯರಾದ ಪ್ರತಾಪ ಸಿಂಹ, ಆರ್. ಧ್ರುವನಾರಾಯಣ್, ಸಿ.ಎಸ್. ಪುಟ್ಟರಾಜು,  ವಿಧಾನಸಭಾ ಸದಸ್ಯರಾದ ತನ್ವೀರ್ ಸೇಠ್, ಜಿ.ಟಿ.ದೇವೇಗೌಡ, ಕೆ.ವೆಂಕಟೇಶ್, ವಾಸು, ಹೆಚ್.ಪಿ. ಮಂಜುನಾಥ್, ಸಾ.ರಾ.ಮಹೇಶ್, ಚಿಕ್ಕಮಾದು,  ವಿಧಾನಪರಿಷತ್ ಸದಸ್ಯರಾದ ಸಿ.ಹೆಚ್.ವಿಜಯಶಂಕರ್, ಗೋ. ಮಧುಸೂದನ್, ಎಸ್.ನಾಗರಾಜು, ಮರಿತಿಬ್ಬೇಗೌಡ, ಆರ್. ಧರ್ಮಸೇನ, ಮೈಸೂರು ಮಹಾನಗರ ಪಾಲಿಕೆಯ ಉಪ ಮಹಾಪೌರರಾದ ವಿ.ಶೈಲೇಂದ್ರ,  ಜಿಲ್ಲಾ ಪಂಚಾಯತ್ ಉಪಾಧ್ಯಕ್ಷ ಎಲ್. ಮಾದಪ್ಪ, ತಾಲ್ಲೂಕು ಪಂಚಾಯತ್ ಅಧ್ಯಕ್ಷ ಜಿ. ಕುಮಾರ್, ಉಪಾಧ್ಯಕ್ಷ ಲೋಕಮಣಿ ಭಾಗವಹಿಸುವರು.
    ಎಸ್ ಎಸ್ ಎ ಮತ್ತು ಆರ್ ಎಂ ಎಸ್ ಎ ರಾಜ್ಯ ಯೋಜನಾ ನಿರ್ದೇಶಕ ಅದೋನಿ ಸೈಯದ್ ಸಲೀಂ, ಪ್ರಾಥಮಿಕ ಹಾಗೂ ಪ್ರೌಢಶಿಕ್ಷಣದ ಸರ್ಕಾರದ ಪ್ರಧಾನ ಕಾರ್ಯದರ್ಶಿ ಡಾ| ರಾಜ್‍ಕುಮಾರ್ ಖತ್ರಿ, ಗುಲ್ಬರ್ಗಾ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಅಪರ ಆಯುಕ್ತ ರಾಧಕೃಷ್ಣರಾವ್ ಮದನ್‍ಕರ್ ಹಾಗೂ ಧಾರವಾಡ  ಸಾರ್ವಜನಿಕ ಶಿಕ್ಷಣ ಇಲಾಖೆಯ ಅಪರ ಆಯುಕ್ತ ವೀರಣ್ಣ ಜಿ ತುರಮರಿ ವಿಶೇಷ ಆಹ್ವಾನಿತರಾಗಿ ಭಾಗವಹಿಸುವರು.


ವಿಶ್ವವಿಖ್ಯಾತ ದಸರಾವನ್ನು ವಿಜೃಂಭಣೆಯಿಂದ ಆಚರಿಸಲು ಸಜ್ಜಾಗುತ್ತಿದೆ ಮೈಸೂರು
   ಮೈಸೂರು,ಆ.30.ವಿಶ್ವವಿಖ್ಯಾತ ದಸರಾದಲ್ಲಿ ವೈವಿದ್ಯಮಯ ಕಾರ್ಯಕ್ರಮಗಳನ್ನು ಆಯೋಜಿಸಿ ನೋಡುಗರ ಮನದಲ್ಲಿ ಅಚ್ಚಳಿಯದೆ ಉಳಿಯುವಂತೆ ಮಾಡಲು ಮೈಸೂರು ಜಿಲ್ಲಾಡಳಿತ ಸಜ್ಜಾಗುತ್ತಿದೆ.
    ಕಾರ್ಯಕ್ರಮಗಳನ್ನು ಆಕರ್ಷಿತವಾಗಿ, ವ್ಯವಸ್ಥಿತ ಹಾಗೂ ಪಾರದರ್ಶಕವಾಗಿ ಆಯೋಜಿಸಲು ಮುಖ್ಯಮಂತ್ರಿಗಳು ಜಿಲ್ಲಾ ಉಸ್ತುವಾರಿ ಸಚಿವರು, ಜಿಲ್ಲಾಧಿಕಾರಿಗಳು ಹಾಗೂ ವಿವಿಧ ಉಪಸಮಿತಿಯ ವಿಶೇಷಾಧಿಕಾರಿಗಳು ಸಭೆ ನಡೆಸಿ ಸಿದ್ದತೆಗಳನ್ನು ಪ್ರಾರಂಭಿಸಿದ್ದಾರೆ.
    ಸ್ವಾಗತ ಉಪಸಮಿತಿಯು ಬಾಡಿಗೆ ಆಧಾರದ ಮೇಲೆ ತಾತ್ಕಾಲಿಕ ವೇದಿಕೆ ನಿರ್ಮಾಣ ಫೆಂಡಾಲ್ ಸ್ವಾಗತ ಕಮಾನು ನಿರ್ಮಿಸುವುದು. ಆಸನಗಳ ವ್ಯವಸ್ಥೆ, ಬ್ಯಾರಿಕೇಡಿಂಗ್ ಹಾಕುವುದು. ಫ್ಲೆಕ್ಸ್ ಬೋರ್ಡ್ ಮತ್ತು ಫ್ಲಾಗ್ ಪೋಸ್ಟ್ ಅಳವಡಿಸಲು ಮಹಾರಾಜ ಕಾಲೇಜಿನ ಮೈದಾನದಲ್ಲಿ ನಡೆಯುವ ಯುವ ದಸರಾಕ್ಕೆ ಹಾಗೂ ಮಾನಸ ಗಂಗೋತ್ರಿಯ ಬಯಲು ರಂಗಮಂದಿರದಲ್ಲಿ ಯುವ ಸಂಭ್ರಮಕ್ಕೆ ರೂ. 31,95,000/-, ಅರಮನೆ ಆವರಣದಲ್ಲಿ ನಡೆಯುವ ಸಾಂಸ್ಕøತಿಕ ಕಾರ್ಯಕ್ರಮಗಳಿಗೆ ರೂ. 65,75,000/-, ಬನ್ನಿಮಂಟಪದಲ್ಲಿ ನಡೆಯುವ ಪಂಜಿನ ಕವಾಯತುಗೆ ರೂ. 31,90,000/-, ಚಾಮುಂಡಿ ಬೆಟ್ಟದಲ್ಲಿ ನಡೆಯುವ ದಸರಾ ಉದ್ಘಾಟನೆ, ಕ್ರೀಡಾ ದಸರಾ, ಆಹಾರ ಮೇಳ, ಮಹಿಳಾ ಮತ್ತು ಮಕ್ಕಳ ದಸರಾ, ರೈತ ದಸರಾ ಕಾರ್ಯಕ್ರಮಗಳಿಗೆ ರೂ. 34,60,000/-, ವಿಜಯದಶಮಿ ಮೆರವಣಿಗೆ ಸಾಗುವ ದಾರಿಯ ಕಾರ್ಯಕ್ರಮಗಳಿಗೆ ರೂ 21,75,000/-  ಟೆಂಡರ್ ಕರೆಯಲಾಗಿದೆ.
   ಧ್ವನಿ, ಬೆಳಕು ಹಾಗೂ ಜನರೇಟರ್ ವ್ಯವಸ್ಥೆಗಾಗಿ ಯುವ ದಸರಾಗೆ  45,62,000/-, ಯುವ ಸಂಭ್ರಮಕ್ಕೆ ರೂ. 11,88,000/- ಅರಮನೆ ಆವರಣದಲ್ಲಿ ನಡೆಯುವ ಸಾಂಸ್ಕøತಿಕ ಕಾರ್ಯಕ್ರಮಕ್ಕೆ ರೂ. 21,20,000/-, ಬನ್ನಿಮಂಟಪ ಪಂಜಿನ ಕವಾಯತು, ಕ್ರೀಡಾ ದಸರಾ, ಕುಸ್ತಿ, ಕಾವಾ ಮೇಳ, ವಿಜಯ ದಶಮಿ ಮೆರವಣಿಗೆ ಸಾಗುವ ದಾರಿ, ಏರ್ ಷೋ, ಯೋಗ ದಸರಾ, ಸಾಹಸ ಕ್ರೀಡೆ, ಕಾರ್ಯಕ್ರಮಕ್ಕೆ ರೂ. 24,70,000/-,  ಕಲಾಮಂದಿರ, ಟೌನ್‍ಹಾಲ್, ಚಿಕ್ಕಗಡಿಯಾರ, ಕುಪ್ಪಣ್ಣ ಪಾರ್ಕ್, ರಂಗೋಲಿ ಸ್ಪರ್ಧೆ, ಆಹಾರ ಮೇಳ, ಮಹಿಳಾ ಮತ್ತು ಮಕ್ಕಳ ದಸರಾ, ರೈತ ದಸರಾ, ಜನಪದೋತ್ಸವ, ಚಾಮುಂಡಿ ಬೆಟ್ಟದಲ್ಲಿ ನಡೆಯುವ  ದಸರಾ ಉದ್ಘಾಟನೆಗೆ ರೂ. 10,24,000/-ಟೆಂಡರ್ ಕರೆಯಲಾಗಿದೆ.
    ಮೆರವಣಿಗೆ ಉಪಸಮಿತಿಯಲ್ಲೂ ದಸರಾ ಮಹೋತ್ಸವದ ಕೆಲಸ ಕಾರ್ಯಗಳು ಚುರುಕಾಗಿ ಸಾಗುತ್ತಿದ್ದು, ಧ್ವನಿ ಮತ್ತು ಬೆಳಕು ವ್ಯವಸ್ಥೆ ಬಾಣ ಬಿರುಸು, ಲೇಸರ್ ಷೋ, ಸರ್ವೇ ಕ್ಯಾಮಾರ್ ಹಾಗೂ ಸಿಸಿ ಟಿವಿಗಳ ಅಳವಡಿಕೆ ಕಲಾವಿದರುಗಳಿಗೆ ಊಟ ವ್ಯವಸ್ಥೆ, ಟಿಕೇಟ್/ಪಾಸ್‍ಗಳ ಮುದ್ರಣ ಮತ್ತು ನಿರ್ವಹಣೆಗಾಗಿ ಟೆಂಡರ್ ಕರೆಯಲಾಗಿದ್ದು, ಸೆಪ್ಟೆಂಬರ್ 16 ರಂದು ಟೆಂಡರ್ ತೆರೆದು ಕಾರ್ಯಾದೇಶ ನೀಡಲಾಗುವುದು.
   ಪ್ರಚಾರ ಸಮಿತಿಯು ಕರ್ನಾಟಕ ರಾಜ್ಯಾದ್ಯಂತ ಪ್ರಚಾರ ನೀಡಿ ಹೆಚ್ಚು ಪ್ರವಾಸಿಗರನ್ನು ದಸರಾ ಮಹೋತ್ಸವದಲ್ಲಿ ಭಾಗವಹಿಸುವಂತೆ ಮಾಡಲು ದಸರಾ ಸಂದೇಶಗಳನ್ನು ಸಾರ್ವಜನಿಕರಿಗೆ ತಲುಪಿಸಲು ಹಲವಾರು ಕಾರ್ಯಕ್ರಮಗಳನ್ನು ಯೋಜಿಸುತ್ತಿದೆ. ರಾಜ್ಯಾದ್ಯಂತ ಕೆ.ಎಸ್.ಆರ್.ಟಿ.ಸಿ.  ಬಸ್‍ಗಳ ಹಿಂಭಾಗದಲ್ಲಿ 3’*4’ ಅಡಿ ಅಳತೆಯ ಸೆಲ್ಸ್ ಅಡೇಸೀವ್ ವಿನೈಲ್ ಪೋಸ್ಟರ್‍ಗಳನ್ನು ಮುದ್ರಿಸಿ ಅಳವಡಿಸಲು, ರಾಜ್ಯಾದ್ಯಂತ ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಗೆ ಸೇರಿದ ಹೆದ್ದಾರಿ ಫಲಕಗಳ ಮೇಲೆ ಫ್ಲೆಕ್ಸ್ ಅಳವಡಿಸಲು 6 ಕಾಮಗಾರಿಗಳನ್ನು ಕರೆಯಲಾಗಿದ್ದು, ಪ್ರತಿ ಕಾಮಗಾರಿಗೆ ರೂ. 4,50,000/- ನಿಗಧಿಪಡಿಸಿದೆ.
    ಕೆಲಸಗಳನ್ನು ಪಾರದರ್ಶಕವಾಗಿ ಉತ್ತಮ ಗುಣಮಟ್ಟದಲ್ಲಿ ಪಡೆದುಕೊಳ್ಳುವುದು ದಸರಾ ಉಪಸಮಿತಿಗಳ ಉದ್ದೇಶವಾಗಿದ್ದು, ಈ ನಿಟ್ಟಿನಲ್ಲಿ ಎಲ್ಲಾ ಸಮಿತಿಗಳು ಕಾರ್ಯಪ್ರವೃತ್ತವಾಗಿದೆ. 
    ವಿಶೇಷ ಚಿಕಿತ್ಸಾ ಶಿಬಿರ
   ಮೈಸೂರು,ಆ.30. ಮೈಸೂರಿನ ಬೃಂದಾವನ ಬಡಾವಣೆಯಲ್ಲಿರುವ ಆಯುರ್ವೇದ ಸಿದ್ಧಾಂತ ಸ್ನಾತಕೋತ್ತರ ವಿಭಾಗದಲ್ಲಿ ಬೆನ್ನುನೋವು, ಮಂಡಿನೋವು ಮತ್ತು ಕೀಲುನೋವುಗಳಿಗೆ ಸಂಬಂಧಿಸಿದಂತೆ ಉಚಿತ ವಿಶೇಷ ಚಿಕಿತ್ಸಾ ಶಿಬಿರವನ್ನು ಸೆಪ್ಟೆಂಬರ್ 1 ರಿಂದ 7 ರವರೆಗೆ ಬೆಳಿಗ್ಗೆ 9 ಗಂಟೆಯಿಂದ ಮಧ್ಯಾಹ್ನ 1 ಗಂಟೆಯವರೆಗೆ ಹಾಗೂ ಮಧ್ಯಾಹ್ನ 2 ಗಂಟೆಯಿಂದ ಸಂಜೆ 4 ಗಂಟೆಯವರೆಗೆ ಆಯೋಜಿಸಲಾಗಿದೆ. 
   ಹೆಚ್ಚಿನ ಮಾಹಿತಿಗೆ ದೂರವಾಣಿ ಸಂಖ್ಯೆ  9901994224ನ್ನು ಸಂಪರ್ಕಿಸಬಹುದು.




ಸೆ. 1 ರಿಂದ ಟೆಂಟ್ ಗ್ರಂಥಾಲಯ,
    ಮೈಸೂರು,ಆ.30. ವಿಶ್ವವಿಖ್ಯಾತವಾದ ದಸರಾಗೆಂದು ಮೈಸೂರು ಅರಮನೆ ಆವರಣದಲ್ಲಿ ಮಾವುತರು, ಅವರ ಕುಟುಂಬ ಹಾಗೂ ಮಕ್ಕಳು ಬಂದು ತಂಗುತ್ತಾರೆ. ಈ ಸಂದರ್ಭದಲ್ಲಿ ಅವರಿಗೆಲ್ಲರಿಗೂ ಹಲವಾರು ಸೌಲಭ್ಯಗಳನ್ನು ಯೋಜನೆಗಳನ್ನು ಜಿಲ್ಲಾಡಳಿತದ ಸಹಕಾರದೊಂದಿಗೆ ಹಮ್ಮಿಕೊಳ್ಳಲಾಗುತ್ತದೆ. ಈ ನಿಟ್ಟಿನಲ್ಲಿ ಸಾರ್ವಜನಿಕ ಗ್ರಂಥಾಲಯ ಇಲಾಖೆ, ನಗರ ಕೇಂದ್ರ ಗ್ರಂಥಾಲಯ, ಮೈಸೂರುರವರ ವತಿಯಿಂದ ಮಾವುತರ ಕುಟುಂಬ ಹಾಗೂ ಅವರ ಮಕ್ಕಳಿಗೆ ಟೆಂಟ್ ಶಾಲಾ ಮಾದರಿಯಲ್ಲಿ ಟೆಂಟ್ ಗ್ರಂಥಾಲಯವನ್ನು ತಾತ್ಕಾಲಿಕವಾಗಿ ಸೆಪ್ಟೆಂಬರ್ 1 ರಿಂದ ತೆರೆಯಲಾಗುವುದು ಎಂದು ನಗರ ಕೇಂದ್ರ ಗ್ರಂಥಾಲಯದ ಉಪನಿರ್ದೇಶಕ ಬಿ. ಮಂಜುನಾಥ್ ಅವರು ತಿಳಿಸಿದ್ದಾರೆ.                                                                              
    ಸರ್ವರಿಗೂ ಪುಸ್ತಕ” ಎಂಬುದು ಗ್ರಂಥಾಲಯ ಸೇವೆಯ ಒಂದು ತತ್ವ. ಆದರೆ ಕೆಲವೊಮ್ಮೆ ಗ್ರಂಥಾಲಯ ಸೇವೆಯಿಂದ ವಂಚಿತರಾಗುವ ಪರಿಸ್ಥಿತಿ ಒದಗಿಬರುತ್ತದೆ. ಇಂತಹ ಸಂದರ್ಭಗಳಲ್ಲಿ ಗ್ರಂಥಾಲಯಗಳು ಸ್ವಯಂಸ್ಫೂರ್ತಿಯಿಂದ ಗ್ರಂಥಾಲಯ ಸೇವೆಯನ್ನು ಅಲಭ್ಯರಿಗೆ ಲಭ್ಯವಾಗುವಂತೆ ಮಾಡುವ ಕಾರ್ಯಕ್ರಮವನ್ನು ಸ್ವ-ಇಚ್ಛೆಯಿಂದ ಕೈಗೊಳ್ಳಬೇಕಾಗುತ್ತದೆ. ಇಂತಹ ಒಂದು ಕಾರ್ಯಕ್ರಮವೇ ‘ಟೆಂಟ್ ಗ್ರಂಥಾಲಯ’.
     ಈ ಕಾರ್ಯಕ್ರಮವನ್ನು ಮೈಸೂರು ಗ್ರಂಥಪಾಲಕರು ಹಾಗೂ ವಿಜ್ಞಾನಿಗಳ ಸಂಘದ(ಮೈಲಿಸಾ) ಸಹಕಾರದೊಂದಿಗೆ ಸಂಯೋಜಿಸಲಾಗಿದೆ. ಮಾವುತರು ಹಾಗೂ ಅವರ ಕುಟುಂಬದವರಿಗೆ ಮಾತ್ರವಲ್ಲದೆ ಹೆಚ್ಚಾಗಿ ಅವರ ಮಕ್ಕಳಿಗೆ ಪುಸ್ತಕ ಪರಪಂಚದ ಪರಿಚಯ ಮಾಡಿಸುವುದು ಈ ಕಾರ್ಯಕ್ರಮದ ಉದ್ದೇಶವಾಗಿದೆ. ಮಕ್ಕಳಿಗೆ ಟೆಂಟ್ ಗ್ರಂಥಾಲಯದಲ್ಲಿ ಕಥೆ ಹೇಳುವುದು, ಕಥೆ ಪುಸ್ತಕಗಳನ್ನು ಎಲವಲು ನೀಡುವುದು, ಮಕ್ಕಳಲ್ಲಿ ಓದುವ ಹವ್ಯಾಸವನ್ನು ಬೆಳೆಸುವುದು, ಪುಸ್ತಕಗಳ ಪರಿಚಯ, ಪುಸ್ತಕಗಳ ಬಳಕೆ, ಪುಸ್ತಕಗಳನ್ನು ಗುರುತಿಸುವುದು, ಪುಸ್ತಕ ಸಂಗ್ರಹಣೆ ಮುಂತಾದ ಹಲವಾರು ವಿಷಯಗಳಲ್ಲಿ ಮಾಹಿತಿ ನೀಡುವುದು ಈ ಟೆಂಟ್ ಗ್ರಂಥಾಲಯದ ಚಟುವಟಿಕೆಯಾಗಿರುತ್ತದೆ.
     ಈ ಕಾರ್ಯಕ್ರಮವನ್ನು ತರಬೇತಿ ಹೊಂದಿದ ವೃತ್ತಿಪರ ಗ್ರಂಥಪಾಲಕರೇ ನಿರ್ವಹಿಸುತ್ತಾರೆ. ಈ ನಿಟ್ಟಿನಲ್ಲಿ ಮೈಲಿಸಾ ಹಾಗೂ ಸಾರ್ವಜನಿಕ ಗ್ರಂಥಾಲಯ ಇಲಾಖೆ ಈಗಾಗಲೇ ಒಂದು ನಿಖರವಾದ ಯೋಜನೆಯನ್ನು ತಯಾರಿಸಿದೆ. ಟೆಂಟ್ ಶಾಲಾ ವೇಳಾ ಪಟ್ಟಿಯಲ್ಲಿ ವಾರಕ್ಕೆ ಎರಡು ಗಂಟೆಗಳ ಕಾಲ ಈ ಸೇವೆಯನ್ನು ನೀಡಲಾಗುವುದು ಎಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ತಾಲ್ಲೂಕುಮಟ್ಟದ ಕ್ರೀಡಾಕೂಟ
     ಮೈಸೂರು,ಆ.30.ಜಿಲ್ಲಾ ಪಂಚಾಯತ್ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಹಾಗೂ ಕರ್ನಾಟಕ ಕ್ರೀಡಾ ಪ್ರಾಧಿಕಾರ ಇವರ ಸಂಯುಕ್ತಾಶ್ರಯದಲ್ಲಿ 2014-15ನೇ ಸಾಲಿನ ಹೆಚ್.ಡಿ.ಕೋಟೆ ತಾಲ್ಲೂಕುಮಟ್ಟದ ದಸರಾ ಕ್ರೀಡಾಕೂಟ ಮತ್ತು ಆರ್‍ಜಿಕೆಎ ಮಹಿಳಾ ಕ್ರೀಡಾಕೂಟವನ್ನು ಸೆಪ್ಟೆಂಬರ್ 3 ರಂದು  ಹೆಚ್.ಡಿ.ಕೋಟೆ ತಾಲ್ಲೂಕು ಕ್ರೀಡಾಂಗಣದಲ್ಲಿ  ಏರ್ಪಡಿಸಲಾಗಿದೆ.
     ಕ್ರೀಡಾಕೂಟದಲ್ಲಿ ರಕ್ಷಣಾಪಡೆ, ಅರೆ ರಕ್ಷಣಾ ಪಡೆಗೆ ಸೇರಿದ ಕ್ರೀಡಾಪಟುಗಳು ಭಾಗವಹಿಸಲು ಅರ್ಹರಲ್ಲ. ಒಬ್ಬ ಕ್ರೀಡಾಪಟು ಅಥವಾ ತಂಡ ಯಾವುದೇ ತಾಲ್ಲೂಕಿನಲ್ಲಿ ಒಂದು ಬಾರಿ ಭಾಗವಹಿಸಿದ ನಂತರ ಬೇರೆ ಯಾವುದೇ ತಾಲ್ಲೂಕಿನಿಂದ ದಸರಾ ಹಾಗೂ ಆರ್‍ಜಿಕೆಎ ಮಹಿಳಾ ಕ್ರೀಡಾಕೂಟದಲ್ಲಿ ಭಾಗವಹಿಸಲು ಅವಕಾಶವಿರುವುದಿಲ್ಲ. ಭಾಗವಹಿಸುವ ಸ್ಪರ್ಧಿಗಳಿಗೆ ಯಾವುದೇ ರೀತಿಯ ಭತ್ಯೆಯನ್ನು ಹಾಗೂ ಬಹುಮಾನಗಳನ್ನು ವಿತರಿಸಲಾಗುವುದಿಲ್ಲ, ಪ್ರಶಸ್ತಿ ಪತ್ರಗಳನ್ನು ಮಾತ್ರ ನೀಡಲಾಗುವುದು.
      ಸೆಪ್ಟೆಂಬರ್ 4 ರಂದು ಹೆಚ್.ಡಿ.ಕೋಟೆ ತಾಲ್ಲೂಕು ಕ್ರೀಡಾಂಗಣದಲ್ಲಿ ರಾಜೀವ್ ಗಾಂಧಿ ಕ್ರೀಡಾ ಮತ್ತು ಖೇಲ್ ಅಭಿಯಾನ್ (ಆರ್‍ಜಿಕೆಎ) ಗ್ರಾಮೀಣ ಕ್ರೀಡಾಕೂಟ ನಡೆಯಲಿದೆ. ವಿಜೇತರಾದ ಕ್ರೀಡಾಪಟುಗಳಿಗೆ ಪ್ರಥಮ ಸ್ಥಾನ ಪಡೆದವರಿಗೆ ರೂ. 250-00, ದ್ವಿತೀಯ ಸ್ಥಾನ ಪಡೆದವರಿಗೆ ರೂ. 150-00, ತೃತೀಯ ಸ್ಥಾನ ಪಡೆದವರಿಗೆ ರೂ. 100-00 ಗಳಂತೆ ಬಹುಮಾನ ನೀಡಲಾಗುವುದು.
   ಗ್ರಾಮೀಣ ಕ್ರೀಡಾಕೂಟದಲ್ಲಿ ಭಾಗವಹಿಸುವ ಕ್ರೀಡಾಪಟುಗಳು ದಿನಾಂಕ 31-12-1998 ರ ನಂತರ ಜನಿಸಿರಬೇಕು ಹಾಗೂ ಶಾಲೆಯಿಂದ ದೃಢೀಕರಿಸಿ ಜನ್ಮ ದಿನಾಂಕದ ಪ್ರಮಾಣ ಪತ್ರವನ್ನು ಸಲ್ಲಿಸಬೇಕು. ಭಾಗವಹಿಸುವ ಕ್ರೀಡಾಪಟುಗಳು ಗ್ರಾಮ ಪಂಚಾಯಿತಿಯಿಂದ ವಾಸಸ್ಥಳ ದೃಢೀಕರಣ ಪತ್ರವನ್ನು ಕಡ್ಡಾಯವಾಗಿ ಸಲ್ಲಿಸತಕ್ಕದ್ದು.     
ಕ್ರೀಡಾಕೂಟ ನಡೆಯುವ  ದಿನಾಂಕಗಳಂದು ಕ್ರೀಡಾಪಟುಗಳು ಕ್ರೀಡಾಕೂಟ ನಡೆಯುವ ಸ್ಥಳಗಳಲ್ಲಿ ಬೆಳಿಗ್ಗೆ 9.00 ಗಂಟೆಯೊಳಗೆ ಕ್ರೀಡಾ ಸಂಘಟನೆಯ ವ್ಯವಸ್ಥಾಪಕರಲ್ಲಿ ವರದಿ ಮಾಡಿಕೊಳ್ಳುವುದು.ಹೆಚ್ಚಿನ ಮಾಹಿತಿಗೆ ಸಹಾಯಕ ನಿರ್ದೇಶಕರು, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ, ಚಾಮುಂಡಿ ವಿಹಾರ ಕ್ರೀಡಾಂಗಣ, ನಜರ್‍ಬಾದ್, ಮೈಸೂರು ಇವರನ್ನು ಖುದ್ದಾಗಿ ಅಥವಾ ದೂರವಾಣಿ ಸಂಖ್ಯೆ: 0821-2564179 ರ ಮೂಲಕ ಸಂಪರ್ಕಿಸಬಹುದಾಗಿದೆ.                                                             

ಅರಿವು -ನೆರವು ಕಾರ್ಯಕ್ರಮ
    ಮೈಸೂರು,ಆ.30.ಟಿ.ನರಸೀಪುರ ತಾಲ್ಲೂಕು ಕಾನೂನು ಸೇವೆಗಳ ಸಮಿತಿ, ತಾಲ್ಲೂಕು ಆಡಳಿತ, ತಾಲ್ಲೂಕು ಪಂಚಾಯತ್, ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ, ತಾಲ್ಲೂಕು ಶಿಕ್ಷಣ ಇಲಾಖೆ ಮತ್ತು ವಕೀಲರ ಸಂಘದ ಸಂಯುಕ್ತಾಶ್ರಯದಲ್ಲಿ ಸೆಪ್ಟೆಂಬರ್ 1 ರಂದು ಬೆಳಿಗ್ಗೆ 10 ಗಂಟೆಗೆ ಟಿ.ನರಸೀಪುರ ತಾಲ್ಲೂಕಿನ ಗುರುಭವನದಲ್ಲಿ ಮಕ್ಕಳ ಅಪೌಷ್ಠಿಕತೆ ತಡೆಗಟ್ಟುವುದು ಹಾಗೂ ಶಾಲೆ ಬಿಟ್ಟ ಮಕ್ಕಳನ್ನು ಮರಳಿ ಶಾಲೆಗೆ ಕರೆತರುವ ಬಗ್ಗೆ ಅರಿವು ನೆರವು ಕಾರ್ಯಕ್ರಮ ನಡೆಯಲಿದೆ.
    ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಸದಸ್ಯ ಕಾರ್ಯದರ್ಶಿ ದಿನೇಶ್ ಹೆಗ್ಡೆ ಕಾರ್ಯಕ್ರಮ ಉದ್ಘಾಟಿಸಲಿದ್ದು, ತಾಲ್ಲೂಕು ಕಾನೂನು ಸೇವೆಗಳ ಸಮಿತಿಯ ಅಧ್ಯಕ್ಷ ಸಿ.ಚಂದ್ರಶೇಖರ್ ಅವರು ಅಧ್ಯಕ್ಷತೆ ವಹಿಸುವರು. ಬೆಳಿಗ್ಗೆ 11 ಗಂಟೆಗೆ ಮಕ್ಕಳಲ್ಲಿ ಅಪೌಷ್ಠಿಕತೆ ಕಾರಣ ಮತ್ತು ಪರಿಹಾರ ಹಾಗೂ ಮಕ್ಕಳ ಅಪೌಷ್ಠಿಕತೆ ನಿವಾರಣೆಯಲ್ಲಿ ವಿವಿಧ ಇಲಾಖೆಗಳ ಪಾತ್ರ ಕುರಿತು ಟಿ.ನರಸೀಪುರ ಸಾರ್ವಜನಿಕ ಆಸ್ಪತ್ರೆಯ ಮಕ್ಕಳ ತಜ್ಞ ಡಾ| ರವಿಕುಮಾರ್ ಉಪನ್ಯಾಸ ನೀಡುವರು. ಮಧ್ಯಾಹ್ನ 12-30 ಗಂಟೆಗೆ ಮಕ್ಕಳು ಶಾಲೆ ಬಿಡಲು ಕಾರಣ ಮತ್ತು ಪರಿಹಾರ ಹಾಗೂ ಇದನ್ನು ತಡೆಗಟ್ಟುವಲ್ಲಿ ವಿವಿಧ ಇಲಾಖೆಗಳ ಪಾತ್ರ ಕುರಿತು ಟಿ.ನರಸೀಪುರ ಕ್ಷೇತ್ರ ಸಂಪನ್ಮೂಲ ಸಮನ್ವಯಾಧಿಕಾರಿ ಕೃಷ್ಣಪ್ಪ ಅವರು ಉಪನ್ಯಾಸ ನೀಡುವರು.
ವಿಶೇಷ ಚಿಕಿತ್ಸಾ ಶಿಬಿರ
    ಮೈಸೂರು,ಆ.30.ಮೈಸೂರಿನ ಸರ್ಕಾರಿ ಆಯುರ್ವೇದ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆ ಕಾಯಚಿಕಿತ್ಸಾ ಹೊರರೋಗಿ ವಿಭಾಗದಲ್ಲಿ  ಖಿನ್ನತೆ, ಅಸಹಾಯಕತೆ ಮತ್ತು ಅಸಮರ್ಥತೆಯ ಭಾವನೆ, ಜೀವನದಲ್ಲಿ ನಿರುತ್ಸಾಹ ಹಾಗೂ ಇನ್ನಿತರೆ ಮಾನಸಿಕ ತೊಂದರೆಗಳಿಗೆ ಸಂಬಂಧಿಸಿದಂತೆ ಉಚಿತ ವಿಶೇಷ ಚಿಕಿತ್ಸಾ ಶಿಬಿರವನ್ನು ಸೆಪ್ಟೆಂಬರ್ 1 ರಿಂದ 30 ರವರೆಗೆ ಬೆಳಿಗ್ಗೆ 9 ಗಂಟೆಯಿಂದ ಸಂಜೆ 4 ಗಂಟೆಯವರೆಗೆ ಆಯೋಜಿಸಲಾಗಿದೆ. 
   ಹೆಚ್ಚಿನ ಮಾಹಿತಿಗೆ ದೂರವಾಣಿ ಸಂಖ್ಯೆ  0821-2443701ನ್ನು ಸಂಪರ್ಕಿಸಬಹುದು.
ಕಾಣೆಯಾಗಿರುವ ಹೆಂಗಸು ಹಾಗೂ ಹುಡುಗ ಪತ್ತೆಗೆ ಮನವಿ
ಮೈಸೂರು,ಆ.30.ಮೈಸೂರು ತಾಲ್ಲೂಕು ವರುಣ ಹೋಬಳಿಯ  ಮಹಾದೇವಿ ಕಾಲೋನಿ ಗ್ರಾಮದ ಪ್ರಭು ಬಿನ್ ಯಲ್ಲಯ್ಯ ಅವರ ಪತ್ನಿ ತಾಯಮ್ಮ 30 ವರ್ಷದ ಆಗಸ್ಟ್ 13 ರಿಂದ ಕಾಣೆಯಾಗಿದ್ದಾರೆÉ. ಹಾಗೂ ಮೈಸೂರು ತಾಲ್ಲೂಕು ವರುಣ ಹೋಬಳಿಯ ಉತ್ತನಹಳ್ಳಿ ಗ್ರಾಮದ ಶಿವರಾಜು ಕೆ.ಎಂ. ಸಮಾಜ ಸೇವಕರು ಅವರು ನೀಡಿರಿರುವ ದಿಲೀಪ. ಪಿ. ಅವರು ಆಗಸ್ಟ್ 8 ರಿಂದ ನಾಪತ್ತೆಯಾಗಿರುವ ಬಗ್ಗೆ ಮೈಸೂರು ದಕ್ಷಿಣ ಪೊಲೀಸ್ ಠಾಣೆಯಲ್ಲಿ ನೀಡಿದ ದೂರಿನನ್ವಯ ಪ್ರಕರಣವನ್ನು ನೋಂದಾಯಿಸಿ ತನಿಖೆ ಕೈಗೊಳ್ಳಲಾಗಿದೆ.
 ಹೆಂಗಸಿನ ಚಹರೆ ಇಂತಿದೆ: 5.5 ಅಡಿ, ಎಣ್ಣೆಗೆಂಪು ಬಣ್ಣ,  ಸಾಧಾರಣ ಮೈಕಟ್ಟು, ಕೆಂಪು ಬಣ್ಣದ ಸೀರೆ-ರವಿಕೆ ಧರಿಸಿರುತ್ತಾರೆ.   ಕನ್ನಡ, ತೆಗಲು ಭಾಷೆ ಮಾತನಾಡುತ್ತಾರೆ.
ಹುಡುಗ ಚಹರೆ ಇಂತಿದೆ: 4 ಅಡಿ, ಬಿಳಿ ಬಣ್ಣ ನೀಲಿ-ಬಿಳಿ ಬಣ್ಣದ ಮಿಶ್ರಿತ ಪ್ಯಾಂಟ್ ಹಾಗೂ ಬಿಳಿ ಬಣ್ಣದ ಮಿಶ್ರಿತ ಕಾಫಿ ಬಣ್ಣದ ಚೆಕ್ಸ್ ಷರ್ಟ್ ಧರಿಸಿರುತ್ತಾರೆ. ಕನ್ನಡ ಭಾಷೆ ಮಾತನಾಡುತ್ತಾರೆ.
ಕಾಣೆಯಾದ ಹೆಂಗಸು ಹಾಗೂ ಹುಡುಗನ ಪತ್ತೆಯ ಬಗ್ಗೆ ವಿವರ ಅಥವಾ ಮಾಹಿತಿ ತಿಳಿದು ಬಂದಲ್ಲಿ ಎಸ್.ಪಿ. ದೂ.ಸಂ: 2520040   ಅಥವಾ ಮೈಸೂರು ಜಿಲ್ಲಾ ಪೊಲೀಸ್ ಕಂಟ್ರೋಲ್ ರೂಂ ದೂ.ಸಂ: 2444800) ಅಥವಾ ಮೈಸೂರು ಸೌತ್ ಪೊಲೀಸ್ ಠಾಣೆ ದೂ.ಸಂ: 0821-2444955ನ್ನು ಅಥವಾ ಆರಕ್ಷಕ ಉಪ ನಿರೀಕ್ಷಕರವರಿಗಾಗಲಿ ತಿಳಿಸುವಂತೆ ಮೈಸೂರು ದಕ್ಷಿಣ ಪೊಲೀಸ್ ಠಾಣೆಯ ಉಪನಿರೀಕ್ಷಕರು ಕೋರಿದ್ದಾರೆ. 

ಮಂಡ್ಯ-ಸಂಸದ ಸಿ.ಎಸ್.ಪುಟ್ಟರಾಜು ರವರಿಂದ ಸಭೆ.

ಮಂಡ್ಯ,ಆ.26- ಜಿಲ್ಲಾ ಪಂಚಾಯತಿಗೆ ಸಂಸದರ ನಿಧಿಯಿಂದ ನೀಡಲಾಗಿರುವ ಅನುದಾನ ಇನ್ನು ಮೂರುತಿಂಗಳೊಳಗೆ ನಿಗಧಿತ ಅಭಿವೃದ್ಧಿ ಕಾರ್ಯಗಳಿಗೆ ಬಳಕೆಯಾಗದೆ ಹೋದಲ್ಲಿ, ಅದನ್ನು ಹಿಂಪಡೆದು ಇತರಕೆ ಅಭಿವೃದ್ಧಿ ಕಾರ್ಯಗಳಿಗೆ ಬಳಸಲಾಗುವುದೆಂದು ಸಂಸದ ಪುಟ್ಟರಾಜುರವರು ಅಧಿಕಾರಿಗಳನ್ನು ಎಚ್ಚರಿಸಿದರು.
ನಗರದ ಜಿ.ಪಂ. ಕಾವೇರಿ ಸಭಾಂಗಣದಲ್ಲಿ ಸಂಸದ ಸಿಎಸ್ ಪುಟ್ಟರಾಜುರವರ ಅಧ್ಯಕ್ಷತೆಯಲ್ಲಿ ಪ್ರಗತಿ ಪರಿಶೀಲನಾ ಸಭೆ ನಡೆಯಿತು.
ಅಭಿವೃದ್ಧಿ ಕಾಮಗಾರಿಗೆ ಸಂಸದರ ನಿಧಿಯಿಂದ ನೀಡಲಾದ ಅನುದಾನದ ಮೌಲ್ಯ ಹಾಗೂ ಅದರ ಬಳಕೆಯ ಕುರಿತಾಗಿ ಅಧಿಕಾರಿಗಳಿಗೆ ಸಂಸದರು ಪ್ರಶ್ನೆ ಮಾಡಿ ಕೇಳಿದಾಗಿ ಅಧಿಕಾರಿಗಳು ಮೂರು ಕೋಟಿ ಹಣ ಅನುದಾನವಾಗಿ ದೊರೆತಿದ್ದು, ಈ ವರೆಗೂ ಲಕ್ಷಗಳಷ್ಟು ಮಾತ್ರ ಬಳಕೆಯಾಗಿರುವುದಾಗಿ ಉತ್ತರಿಸಿದರು.
ಇದರಿಂದಾಗಿ ಅಸಮಾಧಾನಗೊಂಡ ಸಂಸದರು, ಹಣ ಬಳಕೆಯಾಗದೇ ಹೋದಲ್ಲಿ ವಾಪಸ್ ಪಡೆಯಲಾಗುವುದು. ಮುಂದಿನ ಪ್ರಗತಿ ಪರಿಶೀಲನೆ ಸಭೆಯೊಳಗೆ ಬಳಕೆಮಾಡಿ ಅಭಿವೃದ್ಧಿ ಕಾರ್ಯಗಳನ್ನು ಪೂರ್ಣಗೊಳಿಸುವಂತೆ ಅಧಿಕಾರಿಗಳಿಗೆ ಸೂಚಿಸಿದರು.
ಅಂತರ್ಜಲ ಅಭಿವೃದ್ಧಿಗೆ ಪ್ರತಿ ಗ್ರಾಮಗಳಲಿಯೂ ಎರಡು ಎಕರೆ ಭೂಮಿಯಲ್ಲಿ ಗುಂಡಿಗಳನ್ನು ಮಾಡಿ ನೀರನ್ನು ಸಂಗ್ರಹಿಸುವ ಕಾಮಗಾರಿಗೆ ಅಧಿಕ ಒತ್ತನ್ನು ನೀಡಲಾಗಿದ್ದು, ಕಾಮಗಾರಿಯು ಚಾಲನೆಯಲ್ಲಿದೆ ಎಂದು ಅಧಿಕಾರಿಗಳು ತಿಳಿಸಿದರು.
ಇದಕ್ಕೂ ಮುನ್ನ ಕೇಂದ್ರ ಸರ್ಕಾರ ವಸತಿ ನಿರ್ಮಾಣ ಯೋಜನೆಗಳಲ್ಲಿ ಒಂದಾದ ಇಂದಿರಾ ಆವಾಜ್ ವಸತಿ ಯೋಜನೆಯಡಿಯಲ್ಲಿ ಇದುವರೆಗೂ ಪ್ರಗತಿಯಾಗಿದೆ ಎಂದು ಕೇಳಿದ ಪ್ರಶ್ನೆಗೆ ಉತ್ತರವಾಗಿ ಜಿಲ್ಲೆಯಲ್ಲಿ ಈಗಾಗಲೆ ಬ್ಲಾಕ್ ಆಗಿರುವ ಮನೆಗಳ ಸವೇ ಮಾಡಲಾಗಿದ್ದು, ಎಲ್ಲಾ ಯೋಜನೆಗಳಿಂದ 25000 ಮನೆಗಳು ಬ್ಲಾಕ್ ಆಗಿದೆ. ನಿವೇಶನೆ ಇಲ್ಲದ ಫಲಾನುಭವಿಗಳನ್ನೂ ಸಹ ಆಯ್ಕೆ ಮಾಡಿರುವುದರಿಂದ ಪ್ರಗತಿ ಕುಂಠಿತವಾಗಿದೆ ಎಂದು ತಿಳಿಸಿದರು.
ಜಿಲ್ಲೆಯಲ್ಲಿ ಇದುವರೆಗೂ ಕೆ.ಆರ್.ಪೇಟೆಯಲ್ಲಿ 182 ಮನೆಗಳು, ಮದ್ದೂರಿನಲ್ಲಿ 82 ಮನೆಗಳು, ಮಳವಳ್ಳಿಯಲ್ಲಿ 59, ಮಂಡ್ಯದಲ್ಲಿ 39, ನಾಗಮಂಗಲದಲ್ಲಿ 71, ಶ್ರೀರಂಗಪಟ್ಟಣದಲ್ಲಿ 51 ಹಾಗೂ ಪಾಂಡವಪುರದಲ್ಲಿ 25 ಮನೆಗಳ ನಿರ್ಮಾಣವಾಗಿದೆ ಎಂದು ಅಧಿಕಾರಿಗಳು ವಸತಿ ಯೋಜನೆ ಪ್ರಗತಿಯ ವಿವರಣೆ ನೀಡಿದರು.
ಇದಕ್ಕೆ ಅಸಮಾಧಾನ ವ್ಯಕ್ತಪಡಿಸಿ ಮಾತನಾಡಿದ ಸಂಸದರು ಈಗ ಪ್ರಾರಂಭವಾಗಿರುವ ಮನೆಗಳನ್ನು ಅನ್‍ಬ್ಲಾಕ್ ಮಾಡಿ, ಇನ್ನು ಉಳಿದಂತೆ ಫಲಾನುಭವಿಗಳಿಗೆ ನಿರ್ಮಣವನ್ನು ಅತೀ ಶೀಘ್ರವಾಗಿ ಮಾಡುವಂತೆ ಜಿಲ್ಲಾ ಪಂಚಾಯತಿಯು ಎಲ್ಲಾ ಇಓ ಗಳನ್ನು ಸಂಪರ್ಕಿಸಿ ಜಿಲ್ಲೆಯ ತಾಲ್ಲೂಕುಗಳಲಿ ಸರ್ವೇ ಕಾರ್ಯವನ್ನು ಮಾಡಿ, ಇಂದು ಆಂದೋಲನದ ರೀತಿಯಲ್ಲಿ ಪ್ರಗತಿಯಾಗುತ್ತಲಿರು ಶೌಚಾಲಯ ನಿರ್ಮಾಣದ ಜೊತೆಯಲ್ಲಿ ವಸತಿ ಸೇರಿದಂತೆ ಎಲ್ಲಾ ಯೋಜನೆಗಳು ಜನರಿಗೆ ತಲುಪಿಸುವಂತೆ ಶಾಸಕ ಚಲುವರಾಯ ಸ್ವಾಮಿ ಅಧಿಕಾರಿಗಲಿಗೆ ಸೂಚಿಸಿದರು.
ಜಿಲ್ಲಾಧಿಕಾರಿ ಅಜಯ್‍ನಾಗಭೂಷಣ್ ಮಾತನಾಡಿ ಯಾವ ಗ್ರಾ.ಪಂ.ಫಲಾನುಭವಿಗಳಿಗೆ ನಿವೇಶನದ ಸಮಸ್ಯೆ ಇದೆಯೋ ಅವರುಗಳಿಗೆ ಸರ್ಕಾರ ಭೂಮಿಯನ್ನು ಹುಡುಕಿ, ತಾಲ್ಲೂಕುಗಳಲ್ಲಿನ ಇಓಗಳೊಂದಿಗೆ ಸ್ಥಳ ಪರಿಶೀಲನೆ ಮಾಡಿ ತಕ್ಷಣ ಫಲಾನುಭವಿಗಳಿಗೆ ನೀಡುವಂತೆ ಹೇಳಿದ ಅವರು ಗುಡಿಸಲು ವಾಸಿಗಳ ಸರ್ವೇಮಾಡಿ ತಾಲ್ಲೂಕುವಾರು ಮತ್ತು ಗ್ರಾ.ಪಂ ವಾರು ಮಾಹಿತಿಯನ್ನು ಪಡೆದು ಖಾಸಗಿ ಜಮೀನಿನಲ್ಲಿ ಗುಡಿಸಲಿನಲ್ಲಿರುವ ಪಲಾನುಬವಿಗಳಿಗೆ ಸರ್ಕಾರಿ ಜಮೀನಿನಲ್ಲಿ ಬಡಾವಣೆ ನಿರ್ಮಿಸಿ ಮನೆ ನಿರ್ಮಾಣ ಮಾಡಿಕೊಡುವಂತೆ ಅಧಿಕಾರಿಗಳಿಗೆ ಸೂಚಿಸಿದರು.
ಸಭೆಯಲ್ಲಿ ಶಾಸಕ ಕೆ.ಎಸ್.ಪುಟ್ಟಣ್ಣಯ್ಯ, ನಂರೇಂದ್ರ ಸ್ವಾಮಿ, ಚಲುವರಾಯ ಸ್ವಾಮಿ, ರಮೇಶ್ ಬಂಡಿಸಿದ್ದೇಗೌಡ, ಕೆ.ಸಿ.ನಾರಾಯಣಗೌಡ, ಜಿ.ಪಂ. ಸಿಇಓ ರೋಹಿಣಿ ಸಿಂಧೂರಿ ಸೇರಿದಂತೆ ಎಲ್ಲಾ ಅಧಿಕಾರಿಗಳು ಉಪಸ್ಥಿತರಿದ್ದರು.

ನಾಳೆ ಮುಖ್ಯಮಂತ್ರಿ ಸಿದ್ದರಾಮಯ್ಯಕೆ.ಆರ್.ಪೇಟೆಗೆ.

ಕೆ.ಆರ್.ಪೇಟೆ,ಆ.26-ತಾಲೂಕಿನ ಬೂಕನಕೆರೆ ಸಮೀಪದ ಬಣ್ಣೇನಹಳ್ಳಿ ಬಳಿ 300ಎಕರೆ ಕೈಗಾರಿಕೆಗಳ ಅಭಿವೃದ್ಧಿಗೆ ಭೂಮಿಯನ್ನು ಮೀಸಲಿಡಲಾಗಿದೆ. ಇದರಲ್ಲಿ 129ಎಕರೆ ವಿಸ್ತೀರ್ಣದಲ್ಲಿ ಫೇವರಿಚ್ ಮೆಘಾ ಪುಢ್ ಪಾರ್ಕ್ ಎಂಬ ಸಂಸ್ಥೆಯು 123ಕೋಟಿ ರೂ ವೆಚ್ಚದಲ್ಲಿ ಹೈಟೆಕ್ ತಂತ್ರಜ್ಞಾನದಲ್ಲಿ ಬೃಹತ್ ಆಹಾರ ವಸ್ತುಗಳ ತಯಾರಿಕಾ ಘಟಕ ಮತ್ತು ಸಂರಕ್ಷಣಾ ಘಟಕವನ್ನು ಆರಂಭಿಸಲು ಮುಂದೆ ಬಂದಿದೆ. ಇದರ ಭೂಮಿ ಪೂಜೆಯನ್ನು ಇದೇ ಆ.27ರಂದು ಕರ್ನಾಟಕ ಸರ್ಕಾರದ ಮುಖ್ಯಮಂತ್ರಿಗಳಾದ ಸಿದ್ದರಾಮಯ್ಯ ಅವರು ನೆರವೇರಿಸಲಿದ್ದಾರೆ ಎಂದು ಶಾಸಕ ಕೆ.ಸಿ.ನಾರಾಯಣಗೌಡ ತಿಳಿಸಿದ್ದಾರೆ.
ಅವರು ಇಂದು ಸಂಬಂಧಪಟ್ಟ ಅಧಿಕಾರಿಗಳ ತಂಡದೊಂದಿಗೆ ಬಣ್ಣೇನಹಳ್ಳಿ ಕೈಗಾರಿಕಾ ಪ್ರದೇಶಕ್ಕೆ ಬೇಟಿ ನೀಡಿ ಮುಖ್ಯಮಂತ್ರಿಗಳ ಹೆಲಿಕ್ಯಾಪ್ಟರ್ ಇಳಿಯಲು ಬೇಕಾದ ಸ್ಥಳ ಮತ್ತು ಭೂಮಿ ಪೂಜೆ ಸಿದ್ದತೆ ಮಾಡಬೇಕಾದ ಸ್ಥಳಗಳನ್ನು ಪರಿಶೀಲನೆ ನಡೆಸಿ ಸುದ್ದಿಗಾರರೊಂದಿಗೆ ಮಾತನಾಡಿದರು.
ಫುಡ್ ಪಾರ್ಕ್ ನಿರ್ಮಾಣದಿಂದ ತಾಲೂಕಿನ ಸುಮಾರು 2ರಿಂದ 3ಸಾವಿರ ನೇರ ಉದ್ಯೋಗ ಫುಡ್ ಪಾರ್ಕ್ ಸಂಸ್ಥೆಯೊಳಗೆ ದೊರೆಯಲಿದೆ. ಅಲ್ಲದೇ ಪರೋಕ್ಷವಾಗಿ ಸುಮಾರು 15ಸಾವಿರ ಉದ್ಯೋಗವು ಫುಡ್ ಪಾರ್ಕ್ ನಿರ್ಮಾಣದಿಂದ ಸೃಷ್ಠಿಯಾಗಲಿದೆ. ಸ್ಥಳೀಯವಾಗಿ ದೊರೆಯುವ 6ಬಗೆಯ ಕಚ್ಚಾ ರೈತ ಉತ್ಪನ್ನಗಳನ್ನು ರೈತರಿಂದಲೇ ನೇರವಾಗಿ ಖರೀದಿ ಮಾಡಲಾಗುವುದು. ಈ ಕಚ್ಚಾ ವಸ್ತುಗಳನ್ನು ಬಳಸಿ ಸಿದ್ದ ವಸ್ತುಗಳನ್ನಾಗಿ ರೂಪಿಸಲಾಗವುದು. ಅದರಲ್ಲಿಯೂ ಭೂಮಿ ಕಳೆದುಕೊಂಡಿರುವ ಬಣ್ಣೇನಹಳ್ಳಿ ಗ್ರಾಮದ ನಿರುದ್ಯೋಗಿಗಳಿಗೆ ಪ್ರಥಮ ಆಧ್ಯತೆ ನೀಡಿ ಉದ್ಯೋಗ ಒದಗಿಸಿಕೊಡಲಾಗುವುದು. ನಂತರ ತಾಲೂಕಿನ ಇತರೆ ನಿರುದ್ಯೋಗಿಗಳಿಗೆ ಉದ್ಯೋಗ ನೀಡಲು ಕ್ರಮ ವಹಿಸಲಾಗುವುದು. ಆ.27ರಂದು ಬೆಳಿಗ್ಗೆ 11ಗಂಟೆಯ ಸುಮಾರಿಗೆ ಹೆಲಿಕ್ಯಾಪ್ಟರ್‍ನಲ್ಲಿ ಮುಖ್ಯಮಂತ್ರಿಗಳು ಆಗಮಿಸಿ ಭೂಮಿ ಪೂಜೆ ನೆರವೇರಿಸುವರು ಮುಖ್ಯಮಂತ್ರಿಗಳೊಂದಿಗೆ  ಜಿಲ್ಲಾ ಉಸ್ತುವಾರಿ ಸಚಿವ ಅಂಬರೀಶ್, ಆಹಾರ ಮತ್ತು ನಾಗರಿಕ ಸರಬರಾಜು ಇಲಾಖೆಯ ಸಚಿವರಾದ ದಿನೇಶ್ ಗುಂಡೂರಾವ್, ಲೋಕೋಪಯೋಗಿ ಸಚಿವ ಎಚ್.ಸಿ.ಮಹಾದೇವಪ್ಪ, ಸಂಸದ ಸಿ.ಎಸ್.ಪುಟ್ಟರಾಜು ಹಾಗೂ ಜಿಲ್ಲೆಯ ಎಲ್ಲಾ ಶಾಸಕರು ಸೇರಿದಂತೆ ಸ್ಥಳೀಯ ಜನಪ್ರತಿನಿಧಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸುವರು ಎಂದರು.
ಈ ಹಿಂದೆ ರಾಜ್ಯದ ಮುಖ್ಯಮಂತ್ರಿಗಳಾಗಿದ್ದ ತಾಲೂಕಿನ ಬೂಕನಕೆರೆಯವರೇ ಆದ ಬಿ.ಎಸ್.ಯಡಿಯೂರಪ್ಪ ಅವರು ಕೈಗಾರಿಕಾ ಅಭಿವೃದ್ಧಿಗೆ ಭೂಮಿಯನ್ನು ಮೀಸಲಿಟ್ಟು ಬೇಸಾಯ ಮಾಡುತ್ತಿದ್ದ ರೈತರಿಗೆ ಸೂಕ್ತ ಪರಿಹಾರ ನೀಡಿ ಕೈಗಾರಿಕೆಗಳ ಆರಂಭಕ್ಕೆ ಅವಕಾಶ ನೀಡಿದ್ದಾರೆ. ತಾಲೂಕಿನಲ್ಲಿ ಕೈಗಾರಿಕೆಗಳನ್ನು ಸ್ಥಾಪನೆ ಮಾಡಿ ತಾಲೂಕಿನ ನಿರುದ್ಯೋಗಿಗಳಿಗೆ ಉದ್ಯೋಗ ನೀಡಬೇಕು ಎಂಬುದು ಬಹುದಿನದ ನನ್ನ ಕನಸು ಸಾಕಾರವಾಗುವ ಸಮಯವು ಕೂಡಿ ಬಂದಿದೆ.  ತಾಲೂಕಿನ ವಿದ್ಯಾವಂತ ಯುವಜನರು ಸಣ್ಣ ಕೈಗಾರಿಕಾ ಘಟಕಗಳನ್ನು ಸ್ಥಾಪನೆ ಮಾಡಲು ಪೂರಕವಾದ ಮೂಲಭೂತ ಸೌಲಭ್ಯಗಳನ್ನು ಇದೇ ಕೈಗಾರಿಕಾ ಪ್ರದೇಶದಲ್ಲಿ ಆರೆಂಭಿಸಲು ಮುಂದೆ ಬರಬೇಕು. ತಮಗೆ ಎಲ್ಲಾ ಸೌಲಭ್ಯಗಳನ್ನು ಕೈಗಾರಿಕಾ ಅಭಿವೃದ್ಧಿ ಮಂಡಳಿಯು ನೀಡಲಿದೆ. ಜೊತೆಗೆ ನನ್ನ ಎಲ್ಲಾ ಬೆಂಬಲವನ್ನು ನೀಡುತ್ತೇನೆ ಇದನ್ನು ಸದ್ಬಳಕೆ ಮಾಡಿಕೊಂಡು ಸಣ್ಣ ಕೈಗಾರಿಕೆಗಳನ್ನು ತೆರೆಯಲು ಮುಂದೆ ಬನ್ನಿ ಎಂದು ತಾಲೂಕಿನ ಯುವಕರಿಗೆ ನಾರಾಯಣಗೌಡ ಕರೆ ನೀಡಿದರು.
ಫುಡ್ ಪಾರ್ಕ್ ನಿರ್ಮಾಣದಿಂದ ಆಹಾರ ಸಂಸ್ಕರಣಾ ಘಟಕಗಳು, ಬೃಹತ್ ಕೋಲ್ಡ್ ಸ್ಟೋರೇಜ್, ಆಹಾರ ಸಂಸ್ಕರಣಾ ಪಾರ್ಕ್, ಶುದ್ಧ ಕುಡಿಯುವ ನೀರಿನ ಪ್ಯಾಕೇಜಿಂಗ್ ಉತ್ಪನ್ನ ಘಟಕ ಸ್ಥಾಪನೆ ಸೇರಿದಂತೆ ವಿವಿಧ ಆಹಾರ ಸಂಸ್ಕರಣಾ ಘಟಕಗಳು ಫುಡ್ ಪಾರ್ಕಿನಲ್ಲಿ ಕಾರ್ಯಾರಂಭ ಮಾಡಲಿವೆ. ಇದರಿಂದ ತಾಲೂಕಿನ 20ಸಾವಿರ  ಯುವಕ ಯುವತಿಯರಿಗೆ ಉದ್ಯೋಗ ದೊರೆಯುವುದಲ್ಲದೇ ತಾಲೂಕಿನ ಸಮಗ್ರ ಅಭಿವೃದ್ಧಿ ನಾಂದಿಯಾಗಲಿದೆ.  ಕೈಗಾರಿಕೆಗಳು ಅಭಿವೃದ್ಧಿಗಾಗಿ ಸರ್ಕಾರವು ಗ್ರಾಮೀಣ ರಸ್ತೆಗಳನ್ನು ತ್ವರಿತಗತಿಯಲ್ಲಿ ಅಭಿವೃದ್ಧಿಪಡಿಸಲಿದೆ.
300ಎಕರೆ ಭೂಮಿಯಲ್ಲಿ 129 ಎಕರೆ ಭೂಮಿಯು ಫುಡ್ ಪಾರ್ಕಿನ ಸ್ಥಾಪನೆಗೆ ಸದ್ವಿನಿಯೋಗವಾಗುತ್ತಿದ್ದು ಉಳಿದ 200ಎಕರೆ ಭೂಮಿಯಲ್ಲಿ ಬೃಹತ್ ಗಾರ್ಮೆಂಟ್ಸ್ ಕಾರ್ಖಾನೆಗಳು, ಕೈಗಾರಿಕಾ ವಸಹಾತುಗಳು ಸದ್ಯದಲ್ಲಿಯೇ ಆರಂಭವಾಗಲಿವೆ. ಅನಂತರ ಕೈಗಾರಿಕೆಗಳ ಸ್ಥಾಪನೆಯ ವಿಚಾರದಲ್ಲಿ ಹಿಂದುಳಿದ್ದ ತಾಲೂಕಿನಲ್ಲಿ ಅಭಿವೃದ್ಧಿಯ ಪರ್ವ ಆರಂಭವಾಗಲಿದೆ. ತಾಲೂಕಿನಲ್ಲಿ ನಿರುದ್ಯೋಗ ದೂರವಾಗಲಿದೆ. ಉದ್ಯೋಗಕ್ಕಾಗಿ ತಾಲೂಕಿನ ಯುವಕರು ದೂರದ ಬೆಂಗಳೂರು, ಮೈಸೂರು, ಮುಂಬೈಗೆ ಹೋಗುವುದು ತಪ್ಪಲಿದೆ ತಾಲೂಕಿನಲ್ಲಿಯೇ ತಮ್ಮ ತಂದೆ-ತಾಯಿಗಳನ್ನು ನೋಡಿಕೊಂಡು ಕೈತುಂಬಾ ಸಂಬಳ ಪಡೆಯಲು ಸಾಧ್ಯವಾಗಲಿದೆ ಎಂದು ನಾರಾಯಣಗೌಡ ಹೇಳಿದರು.
 ಈ ಸಂದರ್ಭದಲ್ಲಿ ಜಿಲ್ಲಾ ಪಂಚಾಯಿತಿ ಸದಸ್ಯರಾದ ವಿ.ಮಂಜೇಗೌಡ, ಗೌರಮ್ಮಶ್ರೀನಿವಾಸ್, ತಾಲೂಕು ಪಂಚಾಯತಿ ಸದಸ್ಯರಾದ ಹೆಳವೇಗೌಡ, ನಾಗರತ್ನಮ್ಮಸುಬ್ಬಣ್ಣ, ಲೋಕೋಪಯೋಗಿ ಸಹಾಯಕ ಕಾರ್ಯಪಾಲಕ ಇಂಜಿನಿಯರ್ ರಂಗನಾಥ್, ಫೇವರಿಚ್ ಮೆಘಾ ಪುಢ್ ಪಾರ್ಕ್ ಸಂಸ್ಥೆಯ ಉಪಾಧ್ಯಕ್ಷ ದಯಾನಂದ್, ಕರ್ನಾಟಕ ಕೈಗಾರಿಕಾ ಅಭಿವೃದ್ಧಿ ನಿಗಮದ ವಿಶೇಷ ಭೂಸ್ವಾಧೀನಾಧಿಕಾರಿ ಕೃಷ್ಣೇಗೌಡ,  ತಹಶೀಲ್ದಾರ್ ಹೆಚ್.ಎಲ್.ಶಿವರಾಮ್, ತಾಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ಎನ್.ಕೆಂಚಪ್ಪ, ನಾಗಮಂಗಲ ಡಿವೈಎಸ್‍ಪಿ ಸವಿತಾ.ಪಿ.ಹೂಗಾರ್,  ವೃತ್ತನಿರೀಕ್ಷಕ ಕೆ.ರಾಜೇಂದ್ರ,  ಉಪಸ್ಥಿತರಿದ್ದರು.
ಕೆ.ಆರ್.ಪೇಟೆ: ತಾಲೂಕಿನ ಬೂಕನಕೆರೆ ಬಳಿಯ ಬಣ್ಣೇನಹಳ್ಳಿ ಕೈಗಾರಿಕಾ ಪ್ರದೇಶದಲ್ಲಿ ಸುಮಾರು 123ಕೋಟಿ ರೂ  ವೆಚ್ಚದಲ್ಲಿ ಫುಡ್ ನಿರ್ಮಿಸಲು ಉದ್ದೇಶಿಸಿರುವ ಘಟಕದ ಭೂಮಿ ಪೂಜೆಗೆ ಇದೇ ಆ.27ರಂದು ಮುಖ್ಯಮಂತ್ರಿಗಳು ಆಗಮಿಸುವ ಹಿನ್ನೆಲೆಯಲ್ಲಿ ಶಾಸಕ ನಾರಾಯಣಗೌಡ ಅಧಿಕಾರಿಗಳತಂಡದೊಂದಿಗೆ ಕೈಗಾರಿಕಾ ಪ್ರದೇಶವನ್ನು ವೀಕ್ಷಣೆ ಮಾಡಿ ಕೈಗೊಳ್ಳಬೇಕಾದ ಸಿದ್ದತೆಗಳ ಬಗ್ಗೆ ಚರ್ಚಿಸಿದರು.

ಕೆ.ಆರ್.ಪೇಟೆ-ಸುದ್ದಿಗಳು.

ಕೃಷ್ಣರಾಜಪೇಟೆ. ತಾಲೂಕಿನ ಬೂಕನಕೆರೆ ಹೋಬಳಿ ಬಳ್ಳೇಕೆರೆ ಗ್ರಾಮ ಪಂಚಾಯಿತಿಯ ಅಧ್ಯಕ್ಷ ಸ್ಥಾನಕ್ಕೆ ಇಂದು ನಡೆದ ಚುನಾವಣೆಯಲ್ಲಿ ಕಾಂಗ್ರೆಸ್ ಬೆಂಬಲಿತ ಸದಸ್ಯ ಬಳ್ಳೇಕೆರೆ ಗ್ರಾಮದ ಬಿ.ಜೆ.ಲಕ್ಷ್ಮೀಶ್(ರವಿ) ಅವರು ಚುನಾಯಿತರಾಗಿದ್ದಾರೆ. ಈ ಹಿಂದೆ ಅಧ್ಯಕ್ಷರಾಗಿದ್ದ ಮೊಸಳೆಕೊಪ್ಪಲು ಚಂದ್ರೇಗೌಡರ ರಾಜೀನಾಮೆಯಿಂದ ತೆರವಾಗಿದ್ದ ಸ್ಥಾನಕ್ಕೆ ಇಂದು ಚುನಾವಣೆಯು ನಡೆಯಿತು.
ಬೆಳಿಗ್ಗೆ 10 ಘಂಟೆಗೆ ನಾಮಪತ್ರವನ್ನು ಸಲ್ಲಿಸುವ ಪ್ರಕ್ರಿಯೆಯಲ್ಲಿ ಬಿ.ಜೆ.ಲಕ್ಷ್ಮೀಶ್ ಹಾಗೂ ಕಾಮನಹಳ್ಳಿ ಗ್ರಾಮದ ಆಶಾ ಅಶೋಕ್ ಅವರು ನಾಮಪತ್ರವನ್ನು ಸಲ್ಲಿಸಿದ್ದರು. ನಂತರ ಮಧ್ಯಾಹ್ನ 1 ಘಂಟೆಗೆ ಅಧ್ಯಕ್ಷ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಬಿ.ಜೆ.ಲಕ್ಷ್ಮೀಶ್ 12 ಮತಗಳನ್ನು ಪಡೆದು ಆಯ್ಕೆಯಾದರೆ ವಿರೋಧಿ ಅಭ್ಯರ್ಥಿ ಆಶಾಅಶೋಕ್ ಅವರು 4 ಮತಗಳನ್ನು ಪಡೆದು ಪರಾಭವಗೊಂಡರು. ಚುನಾವಣಾಧಿಕಾರಿಗಳಾಗಿ ಭಾಗವಹಿಸಿದ್ದ ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಎನ್.ಕೆಂಚಪ್ಪ ಅವರು ವಿಜೇತ ಅಭ್ಯರ್ಥಿಯ ಹೆಸರನ್ನು ಘೋಷಿಸಿದರು.
ಒಟ್ಟು 18 ಸದಸ್ಯ ಬಲದ ಗ್ರಾಮ ಪಂಚಾಯಿತಿಯಲ್ಲಿ ಇಂದಿನ ಚುನಾವಣಾ ಪ್ರಕ್ರಿಯೆಯಿಂದ ಹೆಮ್ಮಡಹಳ್ಳಿ ಗ್ರಾಮದ ಸದಸ್ಯರುಗಳಾದ ಚಂದ್ರಶೆಟ್ಟಿ ಹಾಗೂ ಹಳೆಯೂರು ಗ್ರಾಮದ ಶಶಿಕಲಾ ಗೈರು ಹಾಜರಾಗಿದ್ದರು. ನೂತನ ಅಧ್ಯಕ್ಷರ ಪರವಾಗಿ ಬಿ.ಜೆ.ಲಕ್ಷ್ಮೀಶ, ಬಿ.ಆರ್.ಯೋಗೇಂದ್ರ, ಜಯಮ್ಮ, ನಾಗರಾಜು, ಕುಮಾರ್, ಸರ್ವಮಂಗಳ ವೆಂಕಟೇಶ್, ಸ್ವಾಮಿಗೌಡ, ಗೀತಾ, ನಂಜಪ್ಪ, ಚಂದ್ರೇಗೌಡ, ಗೀತಾ ಬಸವರಾಜು, ರವಿ ಮತ ನೀಡಿದರೆ ರಾಜು, ಭಾಗ್ಯಮ್ಮ, ನಾಗಮಣಿ ಮತ್ತು ಆಶಾ ವಿರುದ್ಧವಾಗಿ ಮತ ಚಲಾಯಿಸಿದರು. ಸಹಾಯಕ ಚುನಾವಣಾಧಿಕಾರಿಗಳಾಗಿ ತಾಲೂಕು ಪಂಚಾಯಿತಿ ಕಚೇರಿ ವ್ಯವಸ್ಥಾಪಕ ಶಿವಕುಮಾರ್ ಭಾಗವಹಿಸಿದ್ದರು.
ಅಭಿನಂದನೆ: ನೂತನ ಅಧ್ಯಕ್ಷರನ್ನು ಮಾಜಿ ಶಾಸಕರುಗಳಾದ ಕೆ.ಬಿ.ಚಂದ್ರಶೇಖರ್, ಮಾಜಿಸ್ಪೀಕರ್ ಕೃಷ್ಣ, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮತ್ತಿಘಟ್ಟ ಕೃಷ್ಣಮೂರ್ತಿ ಅಭಿನಂದಿಸಿದ್ದಾರೆ.
ವಿಜಯೋತ್ಸವ ಆಚರಣೆ: ನೂತನ ಅಧ್ಯಕ್ಷರ ಆಯ್ಕೆಯ ಘೋಷಣೆ ಹೊರಬೀಳುತ್ತಿದ್ದಂತೆ ಕಾಂಗ್ರೆಸ್ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರು ಪಟಾಕಿ ಸಿಡಿಸಿ ಸಿಹಿ ಹಂಚಿ ಸಂಭ್ರಮಿಸಿದರು. ಈ ವಿಜಯೋತ್ಸವದಲ್ಲಿ ಮುಖಂಡರುಗಳಾದ ಚೌಡೇನಹಳ್ಳಿ ನಾಗರಾಜು, ಬಳ್ಳೇಕೆರೆ ಸುರೇಶ್, ನಾರ್ಗೋನಹಳ್ಳಿ ನಾಗರಾಜು, ಮಹದೇವೇಗೌಡ, ಜವರಪ್ಪ, ಗುರುಸ್ವಾಮಿಗೌಡ, ರಂಗಪ್ಪ, ತಾಲೂಕು ಪಂಚಾಯಿತಿ ಮಾಜಿ ಸದಸ್ಯರುಗಳಾದ ಸೋಮಯ್ಯ, ನಾಗರಾಜು, ಮಾಜಿ ಅಧ್ಯಕ್ಷರುಗಳಾದ ಯೋಗೇಂದ್ರ, ಚಂದ್ರೇಗೌಡ, ಮಾಜಿ ಉಪಾಧ್ಯಕ್ಷ ಕಾಮನಹಳ್ಳಿ ಸ್ವಾಮಿ, ಪ್ರದೀಪ್, ಧನಂಜಯ, ವಿಜಯಕುಮಾರ್, ನಾಟನಹಳ್ಳಿ ದಿನೇಶ್, ಮುರಳಿ, ಬೂವನಹಳ್ಳಿ ರಾಮಕೃಷ್ಣ, ಹೆಮ್ಮಡಹಳ್ಳಿ ದೇವರಾಜು, ತಿಮ್ಮಪ್ಪ ಮತ್ತಿತರರು ಇದ್ದರು.

ಕೆ.ಎಂ.ಎಫ್.ಕಾರ್ಯಕ್ರಮ.

ಮಂಡ್ಯ: ರಾಸುಗಳು ಕಾಲು ಬಾಯಿ ಜ್ವರದಿಂದ ಮೃತಪಟ್ಟಿದ್ದು, ಸರ್ಕಾರ ನೀಡುವ 25 ಸಾವಿರ ಧನ ಸಹಾಯದ ಜೊತೆಗೆ ಮಂಡ್ಯ ಹಾಲು ಒಕ್ಕೂಟದಿಂದಲೂ ಪ್ರತ್ಯೇಕವಾಗಿ 6 ಸಾವಿರ ಸಹಾಯ ಧನ ನೀಡಲಾಗುತ್ತಿದೆ ಎಂದು ಅಧ್ಯಕ್ಷ ಕದಲೂರು ರಾಮಕೃಷ್ಣ ತಿಳಿಸಿದರು.
ಮಂಡ್ಯದ ಪಾಂಡುರಂಗ ಸಮುದಾಯ ಭವನದಲ್ಲಿ  ಮಂಡ್ಯ ಹಾಲು ಒಕ್ಕೂಟದ ವತಿಯಿಂದ ನಡೆದ ಮಂಡ್ಯ ತಾಲೂಕಿನ ಹಾಲು ಉತ್ಪಾದಕರ ಸಹಕಾರ ಸಂಘಗಳ ಪ್ರಾದೇಶಿಕ ಸಭೆ, ಆಡಳಿತ ಮಂಡಳಿ ಸದಸ್ಯರ ಸನ್ಮಾನ, ರಾಸುಗಳಿಗೆ ಸಹಾಯಧನದ ವಿತರಣೆ ಸಮಾರಂಭದಲ್ಲಿ ಚೆಕ್ ವಿತರಿಸಿ ಮಾತನಾಡಿದ ಅವರು, ಮಂಡ್ಯ ತಾಲೂಕಿನ 240 ರಾಸುಗಳು ಮೃತಪಟ್ಟಿದ್ದು, ಮಾಲೀಕರಿಗೆ ತಲಾ 6 ಸಾವಿರ ರೂ. ಚೆಕ್‍ನ್ನು ವಿತರಿಸಿದರು.
ಹಾಲು ಉತ್ಪಾದಕರು ಡೈರಿಗಳಿಗೆ ಗುಣಮಟ್ಟದ ಹಾಲು ವಿತರಿಸುವಂತೆ ಮನವಿ ಮಾಡಿದರು. ಎಸ್.ಎಸ್.ಎಲ್.ಸಿ. ವಿಭಾಗದ ಮೂವರು ಹಾಗೂ ಪಿಯುಸಿಯಲ್ಲಿ ಅತಿ ಹೆಚ್ಚು ಅಂಕ ಗಳಿಸಿದ ಹಾಲು ಉತ್ಪಾದಕರ 9 ಮಕ್ಕಳಿಗೆ ತಲಾ 5 ಸಾವಿರ ರೂ. ಚೆಕನ್ನು ವಿತರಿಸಿದರು.
ಹಾಲು ಒಕ್ಕೂಟದಲ್ಲಿ ಹುದ್ದೆಗಳನ್ನು ತುಂಬಲಾಗುವುದು. ಡೈರಿಯ ಆರ್ಥಿಕ ಸ್ಥಿತಿ ಗತಿಗಳನ್ನು ನೋಡಿಕೊಂಡು ಹುದ್ದೆಗಳನ್ನು ಭರ್ತಿ ಮಾಡಲಾಗುವುದು ಎಂದು ಹೇಳಿದರು.
ವ್ಯವಸ್ಥಾಪಕ ನಿರ್ದೇಶಕ ಡಾ. ಕೆ. ಸ್ವಾಮಿ, ನಿರ್ದೇಶಕರಾದ ಬೆಟ್ಟಸ್ವಾಮಿಗೌಡ, ಎಸ್.ಪಿ. ಮಹೇಶ್, ಬಿ. ಚಂದ್ರ, ಶಿವಕುಮಾರ್, ಉಮೇಶ್, ಪ್ರಧಾನ ವ್ಯವಸ್ಥಾಪಕ ಜಗದೀಶ್, ವ್ಯವಸ್ಥಾಪಕ ವಿ.ಎಂ. ರಾಜು, ಉಪ ವ್ಯವಸ್ಥಾಪಕ ಡಾ. ಮೋಹನ್‍ಕುಮಾರ್, ಸಹಾಯಕ ವ್ಯವಸ್ಥಾಪಕ ಶಶಿಧರ್, ವಿಸ್ತರಣಾಧಿಕಾರಿ ಎನ್.ಆರ್. ಮರಿರಾಚಯ್ಯ, ನಂಜುಂಡಸ್ವಾಮಿ,  ಇತರರು ಸಮಾರಂಭದಲ್ಲಿ ಭಾಗವಹಿಸಿದ್ದರು.

ಮಂಡ್ಯ: ಮಂಡ್ಯ ಗ್ರಾಮಾಂತರ ಗ್ರಾಮ ಪಂಚಾಯಿತಿ ನೂತನ ಅಧ್ಯಕ್ಷರಾಗಿ ಎಂ.ಆರ್. ಮಂಗಳಮ್ಮ ಅವಿರೋಧವಾಗಿ ಆಯ್ಕೆಯಾದರು.
ಗ್ರಾಮ ಪಂಚಾಯಿತಿಯಲ್ಲಿ 21 ಮಂದಿ ಸದಸ್ಯರಿದ್ದು, ಪಂಚಾಯಿತಿಯ ಉಳಿದ ಅವಧಿಗೆ ಮಂಗಳಮ್ಮ ಹೊರತುಪಡಿಸಿ ಬೇರೆ ಯಾರೂ ನಾಮಪತ್ರ ಸಲ್ಲಿಸದ ಕಾರಣ ಎಂ.ಆರ್. ಮಂಗಳಮ್ಮ ಅವರ ಆಯ್ಕೆಯನ್ನು ಚುನಾವಣಾಧಿಕಾರಿ ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಬಸವರಾಜು ಅವರು ಪ್ರಕಟಿಸಿದರು.
ಈ ಸಂದರ್ಭದಲ್ಲಿ ನೂತನ ಅಧ್ಯಕ್ಷರನ್ನು ಸದಸ್ಯರುಗಳಾದ ಸಿದ್ದರಾಜು, ಕುಮಾರ್, ಪುರುಷೋತ್ತಮ್, ಶೇಖರ್, ನಾಗಲಿಂಗು, ಪವಿತ್ರ, ಸರೋಜಮ್ಮ, ವಸಂತಮ್ಮ, ಸುಶೀಲಮ್ಮ, ಸಿದ್ದರಾಮಯ್ಯ, ಶಂಕರ್, ಗುರುಮೂರ್ತಾಚಾರ್, ಮಹೇಶ್, ನಾರಾಯಣ್, ಕೆಂಪಮ್ಮ ಅಭಿನಂದಿಸಿದರು.

ಮೈಸೂರು-ಆ 27 ರಂದು ಟೆಂಟ್ ಶಾಲೆ ಉದ್ಘಾಟನೆ

ಆ 27 ರಂದು ಟೆಂಟ್ ಶಾಲೆ ಉದ್ಘಾಟನೆ
      ಮೈಸೂರು,ಆ.26.ದಸರಾ ಮಹೋತ್ಸವದಲ್ಲಿ ಪಾಲ್ಗೊಳ್ಳಲು ಆನೆಗಳೊಂದಿಗೆ ಆಗಮಿಸಿರುವ ಮಾವುತರು ಹಾಗೂ ಕಾವಾಡಿಗಳ ಮಕ್ಕಳಿಗೆ ಅರಮನೆ ಆವರಣದಲ್ಲಿ ಟೆಂಟ್ ಶಾಲೆಯನ್ನು ದಿನಾಂಕ: 27/08/2014 ಬುಧವಾರ ಬೆಳಿಗ್ಗೆ 11 ಗಂಟೆಗೆ ಪ್ರಾರಂಭಿಸಿಲಾಗುತ್ತಿದೆ.
      ಮೈಸೂರು ವಿಭಾಗದ ಉಪಅರಣ್ಯಸಂರಕ್ಷಣಾಧಿಕಾರಿ ಡಾ|| ವಿ.ಕರಿಕಾಳನ್  ಟೆಂಟ್ ಶಾಲೆ ಉದ್ಘಾಟಿಸಲಿದ್ದು, ಸಾರ್ವಜನಿಕ ಶಿಕ್ಷಣ ಇಲಾಖೆ ಉಪನಿರ್ದೇಶಕ ಹೆಚ್. ಆರ್.ಬಸಪ್ಪ ಅಧ್ಯಕ್ಷತೆ ವಹಿಸಲಿದ್ದಾರೆ. ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕಇಲಾಖೆ ಉಪನಿರ್ದೇಶಕ ಎ.ಆರ್. ಪ್ರಕಾಶ್, ಅರಣ್ಯ ಇಲಾಖೆ ಪಶು ವೈದ್ಯಾಧಿಕಾರಿ ಡಾ|| ನಾಗರಾಜ್ ಮೈಸೂರು ದಕ್ಷಿಣ ವಲಯದ ಕ್ಷೇತ್ರ ಶಿಕ್ಷಣಾಧಿಕಾರಿ ಬಿ.ಎನ್.ಶಿವರಾಮೇಗೌಡ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ.
ಮೂಲಿಕಾ ದಸರಾ: ಔಷಧೀಯ ಸಸ್ಯ ನೆಡುವ ಕಾರ್ಯಕ್ರಮ
     ಮೈಸೂರು,ಆ.26.ಮೂಲಿಕಾ ದಸರಾ 2014ರ ಆಚರಣೆಯ ಅಂಗವಾಗಿ ದಿನಾಂಕ:27/08/2014ರ ಬೆಳಿಗ್ಗೆ 9-30ಕ್ಕೆ ಹುಣಸೂರು ರಸ್ತೆಯಲ್ಲಿರುವ ಜಿಲ್ಲಾಧಿಕಾರಿ ಸಿ. ಶಿಖಾ ಅವರ ನಿವಾಸದ ಆವರಣದಲ್ಲಿ ಅಪರೂಪದ ಔಷಧೀಯ ಸಸ್ಯ ನೆಡುವ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ಸರ್ಕಾರಿ ಆಯುರ್ವೇದ ವೈದ್ಯಕೀಯ ಕಾಲೇಜಿನ ಪ್ರಾಚಾರ್ಯರರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಸ್ಪೀಚ್ ಅಂಡ್ ಆಡಿಯಾಲಜಿ ಉಪನ್ಯಾಸಕÀ ಹುದ್ದೆಗೆ ಅರ್ಜಿ  ಆಹ್ವಾನ
     ಮೈಸೂರು,ಆ.26.ವಿಕಲಚೇತನರ ಹಾಗೂ ಹಿರಿಯ  ನಾಗರಿಕರ  ಸಬಲೀಕರಣ  ಇಲಾಖಾ ವತಿಯಿಂದ  ಮೈಸೂರಿನ  ತಿಲಕ  ನಗರದ  ಅಂಧ  ಮಕ್ಕಳ ಸರ್ಕಾರಿ ಪಾಠಶಾಲೆಯ ಆವರಣದಲ್ಲಿ  ಕಾರ್ಯ  ನಿರ್ವಹಿಸುತ್ತಿರುವ  ಶ್ರವಣದೋಷವುಳ್ಳ ಮಕ್ಕಳ ಶಿಕ್ಷಕರ ತರಬೇತಿ ಕೇಂದ್ರದಲ್ಲಿ ಖಾಲಿ ಇರುವ ಸ್ಪೀಚ್ ಅಂಡ್ ಆಡಿಯಾಲಜಿ ಉಪನ್ಯಾಸಕÀ ಹುದ್ದೆಗೆ ಅರ್ಜಿ  ಆಹ್ವಾನಿಸಿದೆ. ಹುದ್ದೆಯು  ತಾತ್ಕಲಿಕವಾಗಿದ್ದು,   ಮಾಸಿಕ ಗೌರವಧನದ   ಆಧಾರದ   ಮೇರೆಗೆ   ನೇಮಕ   ಮಾಡಿಕೊಳ್ಳಲಾಗುವುದು.
     ಬಿ.ಎಸ್ಸಿ. ಸ್ಪೀಚ್ ಅಂಡ್ ಹಿಯರಿಂಗ್ ಜೊತೆ ಇಂಟರ್ನ್‍ಶಿಪ್ ಮತ್ತು  2 ವರ್ಷಗಳ ಅನುಭವ ಹೊಂದಿರುವವರು ಅರ್ಜಿ ಸಲ್ಲಿಸಬಹುದು  ಎಂ.ಎಸ್ಸಿ.ಸ್ಪೀಚ್ ಅಂಡ್ ಹಿಯರಿಂಗ್‍ನೊಂದಿಗೆ 1 ವರ್ಷಗಳ ಅನುಭವ   ಹೊಂದಿದವರಿಗೆ  ಆದ್ಯತೆ ನೀಡಲಾಗುವುದು.  ಆರ್.ಸಿ.ಐ. ನವದೆಹಲಿ ಸಂಸ್ಥೆಯಲ್ಲಿ ಕಡ್ಡಾಯವಾಗಿ ಹೆಸರನ್ನು ನೊಂದಣಿ ಮಾಡಿಸಿರಬೇಕು.
     ಆಸಕ್ತರು ತಮ್ಮ ವೈಯಕ್ತಿಕ ಮಾಹಿತಿಗಳನ್ನು ಒಳಗೊಂಡಂತೆ ದಿನಾಂಕ: 05-09-2014ರ  ಸಂಜೆ 5.00  ಗಂಟೆಯ   ಒಳಗಾಗಿ ಅರ್ಜಿ ಹಾಗೂ ಇತರೆ ಅಗತ್ಯ ದಾಖಲಾತಿಗಳನ್ನು ದ್ವಿಪ್ರತಿಯಲ್ಲಿ “ಉಪ ನಿದರ್Éೀಶಕರು (ತರಬೇತಿ), ಅಂಧ  ಹಾಗೂ  ಶ್ರವಣ ದೋಷವುಳ್ಳ  ಮಕ್ಕಳ  ಶಿಕ್ಷಕರ ತರಬೇತಿ  ಕೇಂದ್ರ,   ಪುಲಿಕೇಶಿ ರಸ್ತೆ, ತಿಲಕ ನಗರ, ಮೈಸೂರು “ ಇಲ್ಲಿಗೆ ಸಲ್ಲಿಸುವುದು. ಹೆಚ್ಚಿನ ಮಾಹಿತಿಗೆ  ದೂರವಾಣಿ ಸಂ: 0821-2491600 ಸಂಪರ್ಕಿಸುವುದು.
ತಾಲ್ಲೂಕುಮಟ್ಟದ ಕ್ರೀಡಾಕೂಟ
     ಮೈಸೂರು,ಆ.26.ಜಿಲ್ಲಾ ಪಂಚಾಯತ್ ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಹಾಗೂ ಕರ್ನಾಟಕ ಕ್ರೀಡಾ ಪ್ರಾಧಿಕಾರ ಇವರ ಸಂಯುಕ್ತಾಶ್ರಯದಲ್ಲಿ 2014-15ನೇ ಸಾಲಿನ ಮೈಸೂರು ತಾಲ್ಲೂಕುಮಟ್ಟದ ರಾಜೀವ್ ಗಾಂಧಿ ಕ್ರೀಡಾ ಮತ್ತು ಖೇಲ್ ಅಭಿಯಾನ (ಆರ್‍ಜಿಕೆಎ) ಗ್ರಾಮೀಣ ಕ್ರೀಡಾಕೂಟವನ್ನು ದಿನಾಂಕ 30-08-2014 ರಂದು ಮೈಸೂರು ವಿಶ್ವವಿದ್ಯಾನಿಲಯದ ಓವೆಲ್ ಮೈದಾನದಲ್ಲಿ ಏರ್ಪಡಿಸಲಾಗಿರುತ್ತದೆ. ವಿಜೇತರಾದ ಕ್ರೀಡಾಪಟುಗಳಿಗೆ ಪ್ರಥಮ ಸ್ಥಾನ ಪಡೆದವರಿಗೆ ರೂ. 250-00, ದ್ವಿತೀಯ ಸ್ಥಾನ ಪಡೆದವರಿಗೆ ರೂ. 150-00, ತೃತೀಯ ಸ್ಥಾನ ಪಡೆದವರಿಗೆ ರೂ. 100-00 ಗಳಂತೆ ಬಹುಮಾನ ನೀಡಲಾಗುವುದು.
   ಗ್ರಾಮೀಣ ಕ್ರೀಡಾಕೂಟದಲ್ಲಿ ಭಾಗವಹಿಸುವ ಕ್ರೀಡಾಪಟುಗಳು ದಿನಾಂಕ 31-12-1998 ರ ನಂತರ ಜನಿಸಿರಬೇಕು ಹಾಗೂ ಶಾಲೆಯಿಂದ ದೃಢೀಕರಿಸಿ ಜನ್ಮ ದಿನಾಂಕದ ಪ್ರಮಾಣ ಪತ್ರವನ್ನು ಸಲ್ಲಿಸಬೇಕು. ಭಾಗವಹಿಸುವ ಕ್ರೀಡಾಪಟುಗಳು ಗ್ರಾಮ ಪಂಚಾಯಿತಿಯಿಂದ ವಾಸಸ್ಥಳ ದೃಢೀಕರಣ ಪತ್ರವನ್ನು ಕಡ್ಡಾಯವಾಗಿ ಸಲ್ಲಿಸತಕ್ಕದ್ದು.
      ಮೈಸೂರು ತಾಲ್ಲೂಕುಮಟ್ಟದ ದಸರಾ ಕ್ರೀಡಾಕೂಟ ಮತ್ತು ಆರ್‍ಜಿಕೆಎ ಮಹಿಳಾ ಕ್ರೀಡಾಕೂಟವನ್ನು ದಿನಾಂಕ 01-09-2014 ರಂದು ಮೈಸೂರು ವಿಶ್ವವಿದ್ಯಾನಿಲಯದ ಓವೆಲ್ ಮೈದಾನದಲ್ಲಿ ಏರ್ಪಡಿಸಲಾಗಿರುತ್ತದೆ.
ಕ್ರೀಡಾಕೂಟದಲ್ಲಿ ರಕ್ಷಣಾಪಡೆ, ಅರೆ ರಕ್ಷಣಾ ಪಡೆಗೆ ಸೇರಿದ ಕ್ರೀಡಾಪಟುಗಳು ಭಾಗವಹಿಸಲು ಅರ್ಹರಲ್ಲ. ಒಬ್ಬ ಕ್ರೀಡಾಪಟು ಅಥವಾ ತಂಡ ಯಾವುದೇ ತಾಲ್ಲೂಕಿನಲ್ಲಿ ಒಂದು ಬಾರಿ ಭಾಗವಹಿಸಿದ ನಂತರ ಬೇರೆ ಯಾವುದೇ ತಾಲ್ಲೂಕಿನಿಂದ ದಸರಾ ಹಾಗೂ ಆರ್‍ಜಿಕೆಎ ಮಹಿಳಾ ಕ್ರೀಡಾಕೂಟದಲ್ಲಿ ಭಾಗವಹಿಸಲು ಅವಕಾಶವಿರುವುದಿಲ್ಲ. ಭಾಗವಹಿಸುವ ಸ್ಪರ್ಧಿಗಳಿಗೆ ಯಾವುದೇ ರೀತಿಯ ಭತ್ಯೆಯನ್ನು ಹಾಗೂ ಬಹುಮಾನಗಳನ್ನು ವಿತರಿಸಲಾಗುವುದಿಲ್ಲ, ಪ್ರಶಸ್ತಿ ಪತ್ರಗಳನ್ನು ಮಾತ್ರ ನೀಡಲಾಗುವುದು.
ಕ್ರೀಡಾಕೂಟ ನಡೆಯುವ  ದಿನಾಂಕಗಳಂದು ಕ್ರೀಡಾಪಟುಗಳು ಕ್ರೀಡಾಕೂಟ ನಡೆಯುವ ಸ್ಥಳಗಳಲ್ಲಿ ಬೆಳಿಗ್ಗೆ 9.00 ಗಂಟೆಯೊಳಗೆ ಕ್ರೀಡಾ ಸಂಘಟನೆಯ ವ್ಯವಸ್ಥಾಪಕರಲ್ಲಿ ವರದಿ ಮಾಡಿಕೊಳ್ಳಲು ಕೋರಲಾಗಿದೆ.ಹೆಚ್ಚಿನ ಮಾಹಿತಿಗಾಗಿ ಸಹಾಯಕ ನಿರ್ದೇಶಕರು, ಯುವ ಸಬಲೀಕರಣ ಮತ್ತು ಕ್ರೀಡಾ ಇಲಾಖೆ, ಚಾಮುಂಡಿ ವಿಹಾರ ಕ್ರೀಡಾಂಗಣ, ನಜರ್‍ಬಾದ್, ಮೈಸೂರು ಇವರನ್ನು ಖುದ್ದಾಗಿ ಅಥವಾ ದೂರವಾಣಿ ಸಂಖ್ಯೆ: 0821-2564179 ರ ಮೂಲಕ ಸಂಪರ್ಕಿಸಬಹುದಾಗಿದೆ.                                                             
ನೈರ್ಮಲ್ಯ ವಾಹಿನಿಯ ಪ್ರವಾಸ ಕಾರ್ಯಕ್ರಮ
   ಮೈಸೂರು,ಆ.26.ಮೈಸೂರು ಜಿಲ್ಲಾ ಪಂಚಾಯಿತಿಯ ನಿರ್ಮಲ ಭಾರತ್ ಅಭಿಯಾನದ ಮಾಹಿತಿ ಶಿಕ್ಷಣ ಮತ್ತು ಸಂವಹನ(ಐಇಸಿ) ಕಾರ್ಯಕ್ರಮದ ನೈರ್ಮಲ್ಯ ವಾಹಿನಿ ಸಂಚಾರಿ ವಾಹನವು 2014ರ ಸೆಪ್ಟೆಂಬರ್  ಮಾಹೆಯಲ್ಲಿ ಮೈಸೂರು, ತಿ.ನರಸೀಪುರ,  ನಂಜನಗೂಡು, ಹುಣಸೂರು, ಪಿರಿಯಾಪಟ್ಟಣ ಹಾಗೂ ಕೆ.ಆರ್.ನಗರ ತಾಲ್ಲೂಕಿನ ವಿವಿಧ ಗ್ರಾಮಗಳಲ್ಲಿ ಸಂಚರಿಸಿ ಸ್ವಚ್ಛತೆ, ನೈರ್ಮಲ್ಯ ಮತ್ತು ಆರೋಗ್ಯ ಕಾಪಾಡುವ ಬಗ್ಗೆ ಗ್ರಾಮೀಣ ಜನರಲ್ಲಿ ಸಮೂಹ ಮಾಧ್ಯಮಗಳ ಮೂಲಕ ಅರಿವು ಮೂಡಿಸಲಿದೆ.
    ಸೆಪ್ಟೆಂಬರ್ 1 ರಂದು ಮೈಸೂರು ತಾಲ್ಲೂಕಿನ ವರುಣ, ಸೆಪ್ಟೆಂಬರ್ 3 ರಂದು ದೂರ, ಸೆಪ್ಟೆಂಬರ್ 5 ರಂದು ನಾಗವಾಲ, ಸೆಪ್ಟೆಂಬರ್ 8 ರಂದು ನಾಗನಹಳ್ಳಿ, ಸೆಪ್ಟೆಂಬರ್ 10 ರಂದು ಹಾರೋಹಳ್ಳಿ(ಬಿ), ಸೆಪ್ಟೆಂಬರ್ 16 ರಂದು ಜಯಪುರ, ಸೆಪ್ಟೆಂಬರ್ 22 ರಂದು ದೂರ, ಸೆಪ್ಟೆಂಬರ್ 27 ರಂದು  ವರುಣ, ಸೆಪ್ಟೆಂಬರ್ 29 ರಂದು ಎಂ.ಬಿ.ಹಳ್ಳಿ, ಸೆಪ್ಟೆಂಬರ್ 30 ರಂದು ವರುಣ, ಸೆಪ್ಟೆಂಬರ್ 2 ರಂದು ತಿ.ನರಸೀಪುರದಲ್ಲಿರುವ  ತುರಗನೂರು, ಸೆಪ್ಟೆಂಬರ್ 4 ರಂದು ತುರಗನೂರು, ಸೆಪ್ಟೆಂಬರ್ 6 ರಂದು ತುರಗನೂರು, ಸೆಪ್ಟೆಂಬರ್ 9 ರಂದು ಸೋಸಲೆ, ಸೆಪ್ಟೆಂಬರ್ 11 ರಂದು ಮೂಗೂರು, ಸೆಪ್ಟೆಂಬರ್ 12 ರಂದು ನಂಜನಗೂಡು ತಾಲ್ಲೂಕಿನ ಹೆಮ್ಮರಗಾಲ, ಸೆಪ್ಟೆಂಬರ್ 19 ರಂದು ಬಿದರಗೂಡು, ಸೆಪ್ಟೆಂಬರ್ 23 ರಂದು ಹೆಮ್ಮರಗಾಲ,  ಸೆಪ್ಟೆಂಬರ್ 26 ರಂದು ಕೆ.ಎಸ್.ಹುಂಡಿ, ಸೆಪ್ಟೆಂಬರ್ 15 ರಂದು ಹುಣಸೂರಿನ ತಾಲ್ಲೂಕಿನ ದೊಡ್ಡಹೆಜ್ಜೂರು, ಸೆಪ್ಟೆಂಬರ್ 17 ರಂದು ಮರದೂರು, ಸೆಪ್ಟೆಂಬರ್ 18 ರಂದು ಕೆ.ಆರ್.ನಗರ ತಾಲ್ಲೂಕಿನ ಡೋರ್ನಹಳ್ಳಿ, ಸೆಪ್ಟೆಂಬರ್ 25 ರಂದು ಮಳಲಿ ಹಾಗೂ ಸೆಪ್ಟೆಂಬರ್ 20 ರಂದು ಪಿರಿಯಾಪಟ್ಟಣ ತಾಲ್ಲೂಕಿನ ಪಂಚವಳ್ಳಿ ಗ್ರಾಮದಲ್ಲಿ ನಡೆಯಲಿದೆ ಎಂದು ಜಿಲ್ಲಾ ಪಂಚಾಯತ್‍ನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳು ತಿಳಿಸಿದ್ದಾರೆ.
ಆಗಸ್ಟ್ 29 ರಂದು ಕುರಿಮಂಡಿ ಕಸಾಯಿಖಾನೆ ಬಂದ್
    ಮೈಸೂರು,ಆ.26.ಮೈಸೂರು ಮಹಾನಗರ ಪಾಲಿಕೆ ವ್ಯಾಪ್ತಿಗೊಳಪಡುವ ಕುರಿ, ಮೇಕೆ ಕಸಾಯಿಖಾನೆ ಮತ್ತು ಇತರೆ ಎಲ್ಲ ಮಾಂಸದ ಅಂಗಡಿಗಳನ್ನು ಗಣೇಶ್ ಚತುರ್ಥಿ ಹಬದ್ಬ ಪ್ರಯುಕ್ತ 2014 ರ ಆಗಸ್ಟ್ 29 ರಂದು ಮುಚ್ಚಲಾಗುತ್ತದೆ. ಮೈಸೂರು ನಗರದಲ್ಲಿ ಸದರಿ ದಿನದಂದು ಮಾಂಸದ ವ್ಯಾಪಾರವನ್ನು ಕಡ್ಡಾಯವಾಗಿ ನಿಷೇದಿಸಲಾಗಿದೆ ಹಾಗೂ ಎಲ್ಲ ಮಾರುಕಟ್ಟೆ ಮಾಂಸದ ಅಂಗಡಿಗಳನ್ನು ಮುಚ್ಚುವಂತೆ ಮೈಸೂರು ಮಹಾನಗರ ಪಾಲಿಕೆಯ ಆರೋಗ್ಯಾಧಿಕಾರಿಗಳು ತಿಳಿಸಿದ್ದಾರೆ.

ಆಗಸ್ಟ್ 28 ರಂದು ಜಿಲ್ಲಾ ಮಟ್ಟದ ಡೆಂಗ್ಯು ವಿರೋಧಿ ಮಾಸಾಚರಣೆ
      ಮೈಸೂರು,ಆ.26.ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್, ಮೈಸೂರು ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ, ಜಿಲ್ಲಾ ರೋಗವಾಹಕ ಆಶ್ರಿತ ರೋಗಗಳ ನಿಯಂತ್ರಣಾಧಿಕಾರಿಗಳ ಕಚೇರಿ ಸಂಯುಕ್ತಾಶ್ರಯದಲ್ಲಿ  ಜಿಲ್ಲಾ ಮಟ್ಟದ ಡೆಂಗ್ಯೂ ವಿರೋಧಿ ಮಾಸಾಚರಣೆಯನ್ನು  ಆಗಸ್ಟ್ 28 ರಂದು ಬೆಳಿಗ್ಗೆ 11 ಗಂಟೆಗೆ ನಜûರ್‍ಬಾದ್ ಎನ್.ಪಿ.ಸಿ.ಆಸ್ಪತ್ರೆ ಆವರಣದ ವೈದ್ಯರ ಭವನದಲ್ಲಿ ಹಮ್ಮಿಕೊಳ್ಳಲಾಗಿದೆ.
    ಕಂದಾಯ ಹಾಗೂ ಜಿಲ್ಲಾ ಉಸ್ತುವಾರಿ ಸಚಿವ ವಿ.ಶ್ರೀನಿವಾಸ್ ಪ್ರಸಾದ್ ಅವರು ಕಾರ್ಯಕ್ರಮ ಉದ್ಘಾಟಿಸುವರು. ಶಾಸಕರಾದ ವಾಸು ಅವರು ಅಧ್ಯಕ್ಷತೆ ವಹಿಸುವರು.  ಜಿಲ್ಲಾ ಆರ್.ಸಿ.ಎಚ್. ಕಾರ್ಯಕ್ರಮ ಅಧಿಕಾರಿ ಡಾ| ಡಿ.ಎಸ್.ಉಮಾ ಅವರು ಡೆಂಗ್ಯೂ ರೋಗದ ಬಗ್ಗೆ ಅರಿವು ಭಾಷಣ ಮಾಡಲಿದ್ದಾರೆ.
     ಲೋಕೋಪಯೋಗಿ ಸಚಿವ ಡಾ| ಹೆಚ್.ಸಿ. ಮಹದೇವಪ್ಪ,  ಮೈಸೂರು ಮಹಾನಗರ ಪಾಲಿಕೆ ಪೂಜ್ಯ ಮಹಾ ಪೌರರಾದ ಎನ್.ಎಂ. ರಾಜೇಶ್ವರಿ ಸೋಮು, ಜಿಲ್ಲಾ ಪಂಚಾಯತ್ ಅಧ್ಯಕ್ಷರಾದ ಡಾ| ಪುಷ್ಪಾವತಿ ಅಮರನಾಥ್, ಲೋಕಸಭಾ ಸದಸ್ಯರಾದ ಆರ್. ಧ್ರುವನಾರಾಯಣ್, ಪ್ರತಾಪ ಸಿಂಹ,  ಸಿ.ಎಸ್. ಪುಟ್ಟರಾಜು,  ವಿಧಾನಸಭಾ ಸದಸ್ಯರಾದ ತನ್ವೀರ್ ಸೇಠ್, ಜಿ.ಟಿ.ದೇವೇಗೌಡ,  ಕೆ.ವೆಂಕಟೇಶ್, ಎಂ.ಕೆ.ಸೋಮಶೇಖರ್, ಸಾ.ರಾ.ಮಹೇಶ್, ಚಿಕ್ಕಮಾದು, ಹೆಚ್.ಪಿ. ಮಂಜುನಾಥ್, ವಿಧಾನಪರಿಷತ್ ಸದಸ್ಯರಾದ ಸಿ.ಹೆಚ್.ವಿಜಯಶಂಕರ್, ಗೋ. ಮಧುಸೂದನ್, ಮರಿತಿಬ್ಬೇಗೌಡ, ಎಸ್.ನಾಗರಾಜು, ಆರ್. ಧರ್ಮಸೇನ, ಮೈಸೂರು ಮಹಾನಗರ ಪಾಲಿಕೆ ಉಪಮೇಯರ್ ವಿ.ಶೈಲೇಂದ್ರ, ಜಿಲ್ಲಾ ಪಂಚಾಯತ್ ಉಪಾಧ್ಯಕ್ಷರಾದ ಎಲ್. ಮಾದಪ್ಪ, ತಾಲ್ಲೂಕು ಪಂಚಾಯತ್ ಅಧ್ಯಕ್ಷರಾದ ಜಿ. ಕುಮಾರ್, ಉಪಾಧ್ಯಕ್ಷರಾದ ಲೋಕಮಣಿ ಹಾಗೂ ಇನ್ನಿತರ ಗಣ್ಯರು ಭಾಗವಹಿಸುವರು.
   ಅಂದು ಬೆಳಿಗ್ಗೆ 10 ಗಂಟೆಗೆ ವೈದ್ಯರ ಭವನದ ಮುಂಭಾಗದಿಂದ ಅರಿವು ಜಾಥಾ ನಡೆಯಲಿದ್ದು, ಮೈಸೂರು ಮಹಾನಗರ ಪಾಲಿಕೆ ಸದಸ್ಯರಾದ ಶಿವಮ್ಮ ಅವರು ಜಾಥಾಕ್ಕೆ ಚಾಲನೆ ನೀಡಲಿದ್ದಾರೆ.


ನೇರ ಫೋನ್ ಇನ್ ಕಾರ್ಯಕ್ರಮ
    ಮೈಸೂರು,ಆ.26.ಮೈಸೂರು ತಾಲ್ಲೂಕು ಪಂಚಾಯಿತಿ ಕಚೇರಿಯಲ್ಲಿ ಸಾರ್ವಜನಿಕ ಕುಂದು ಕೊರತೆ ಅರ್ಜಿ ವಿಲೇವಾರಿ ಬಗ್ಗೆ ಆಗಸ್ಟ್ 27 ರಂದು ಬೆಳಿಗ್ಗೆ 10 ಗಂಟೆಯಿಂದ 11 ಗಂಟೆಯವರಗೆ ನೇರ ಫೋನ್-ಇನ್-ಕಾರ್ಯಕ್ರಮ ನಡೆಯಲಿದೆ. ಮೈಸೂರು ತಾಲ್ಲೂಕು ಕಚೇರಿಯ ವ್ಯಾಪ್ತಿಯಲ್ಲಿ ಸಮಸ್ಯೆ ಹೊಂದಿರುವ ಸಾರ್ವಜನಿಕರು ದೂರವಾಣಿ ಸಂಖ್ಯೆ 0821-2414433 ಗೆ ಕರೆ ಮಾಡಿ ತಮ್ಮ ಕುಂದುಕೊರತೆಗಳ ಬಗ್ಗೆ ಚರ್ಚಿಸಬಹುದಾಗಿದೆ ಎಂದು ಮೈಸೂರು ತಾಲ್ಲೂಕು ಪಂಚಾಯತ್ ಕಾರ್ಯನಿರ್ವಾಹಕ ಅಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಕೆ.ಆರ್.ಪೇಟೆ ಸುದ್ದಿಗಳು.

ಕೆ.ಆರ್.ಪೇಟೆ,ಆ.25,(ಶ್ರೀನಿವಾಸ್)- ತಾಲೂಕಿನ ಅರೆಬೊಪ್ಪನಹಳ್ಳಿ ಗ್ರಾಮದ ಬಳಿಯ ಮನೆಯಲ್ಲಿ 17ವರ್ಷದ ಅಪ್ರಾಪ್ತ ಬಾಲಕಿಯೊಬ್ಬಳನ್ನು ವೇಶ್ಯಾವಾಟಿಕೆಗೆ ಬಳಸುತ್ತಿದ್ದರೆಂದು ಬಾಲಕಿಯು ನೀಡಿದ  ದೂರಿನ ಮೇರೆಗೆ ಮನೆಯ ಮಾಲೀಕರಾದ ಸರಸ್ವತಿ(45) ಮತ್ತು ಈಕೆಯ ಪುತ್ರಿ ಗಾಯಿತ್ತಿ(32) ಅವರನ್ನು ಕೆ.ಆರ್.ಪೇಟೆ ಪಟ್ಟಣ ಪೋಲೀಸರು ಇಂದು ಬಂಧಿಸಿದ್ದಾರೆ.
ಕಳೆದ ಹಲವಾರು ದಿನಗಳಿಂದ ಬಂಧಿತರಿಗೆ ಸೇರಿದ ಜಮೀನಿನ ಬಳಿ ಇರುವ ಮನೆದಲ್ಲಿ ಬಂಧಿಯಾಗಿದ್ದ ಬಾಲಕಿಯನ್ನು ಮಂಡ್ಯದ ಬೆಳಕು ಆಶ್ರಯ ಸೇವಾ ಸಂಸ್ಥೆಯು ನೆನ್ನೆ  ರಕ್ಷಣೆ ಮಾಡಿ ಮಂಡ್ಯದ ಬಾಲ ಮಂದಿರದ ಆಶ್ರಯಕ್ಕೆ ಒಪ್ಪಿಸಿತ್ತು. ಈ ಪ್ರಕರಣದ ಆರೋಪಿಗಳನ್ನು ಡಿವೈಎಸ್‍ಪಿ ಸವಿತಾ ಹೂಗಾರ್ ಮತ್ತು ಸರ್ಕಲ್ ಇನ್ಸ್‍ಪೆಕ್ಟರ್ ರಾಜೇಂದ್ರ ಅವರ ಮಾರ್ಗದರ್ಶನದಲ್ಲಿ ಇಂದು ಕೆ.ಆರ್.ಪೇಟೆ ಪೋಲೀಸರು ಸರಸ್ವತಿ ಮತ್ತು ಗಾಯಿತ್ರಿ ಅವರನ್ನು ಬಂಧಿಸಿದ್ದು,  ಬಾಲಕಿಯನ್ನು ವೇಶ್ಯಾಗೃಹಕ್ಕೆ ಬಿಟ್ಟಿದ್ದನು ಎನ್ನಲಾದ ಆಟೋಚಾಲಕ ಪ್ರೇಮ್(30)  ಎಂಬ ಆರೋಪಿಯ ಬಂಧನಕ್ಕೆ ವ್ಯಾಪಕ ಬಲೆ ಬೀಸಲಾಗಿದೆ ಎಂದು ಸಬ್‍ಇನ್ಸ್‍ಪೆಕ್ಟರ್ ಎಂ.ಶಿವಕುಮಾರ್ ತಿಳಿಸಿದ್ದಾರೆ.

ನಾಗಮಂಗಲ-ಶಿಕ್ಷಣ ಕಲಿಕೆಯಲ್ಲಿ ಸಂಗೀತದ ಪಾತ್ರ ಮಹತ್ವದ್ದು;ಅನಂತರಾಜು.

ಶಿಕ್ಷಣ ಕಲಿಕೆಯಲ್ಲಿ ಸಂಗೀತದ ಪಾತ್ರ ಮಹತ್ವದ್ದು;ಅನಂತರಾಜು
ನಾಗಮಂಗಲ;ಮಕ್ಕಳು ಪ್ರತಿದಿನದ ಶಿಕ್ಷಣ ಕಲಿಕೆಯಲ್ಲಿ ಕ್ರಿಯಾಶೀಲತೆಯಿಂದ ತೊಡಗಿಸಿಕೊಳ್ಳಲು ಸಂಗೀತ ಮಹತ್ವದ ಪಾತ್ರವಹಿಸುತ್ತದೆ ಎಂದು ತಾಲ್ಲೂಕು ಕ್ಷೇತ್ರ ಶಿಕ್ಷಣಾಧಿಕಾರಿ ಎಂ ಆರ್ ಅನಂತರಾಜು ಅಭಿಪ್ರಾಯ ಪಟ್ಟರು
ಪಟ್ಟಣದ ಅಂಬೇಡ್ಕರ್ ಭವನದಲ್ಲಿ ಭಾನುವಾರ ಸಂಜೆ  ಬಳ್ಳಾರಿಯ ನಿಹಾರಿಕ ಸಾಂಸ್ಕøತಿಕ ಟ್ರಸ್ಟ್,ಮತ್ತು ನಾಗಮಂಗಲದ ಭುವನೇಶ್ವರಿ ಸಾಂಸ್ಕøತಿಕ ಟ್ರಸ್ಟ್,ಕನ್ನಡಸಂಘ ಸಹಯೋಗದಲ್ಲಿ ಆಯೋಜಿಸಲಾಗಿದ್ದ ಶ್ರೀ ಗುರು ಪಂಚಾಕ್ಷರ ಸಮ್ಮಾನ್ ಪ್ರಶಸ್ತಿ ಪ್ರದಾನ ಮತ್ತು ಸಂಗೀತ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡುತ್ತಿದ್ದರು ಮನುಷ್ಯನ ಪಂಚೇಂದ್ರೀಯಗಳಲ್ಲಿ  ಲವಲವಿಕೆಯನ್ನು ತುಂಬುವ ಶಕ್ತಿ ಸಂಗೀತಕ್ಕಿರುವುದರಿಂದ ಮಕ್ಕಳು ಶಾಲಾ ಶಿಕ್ಷಣದ ಕಲಿಕೆಯಲ್ಲಿ ಕ್ರಿಯಾಶೀಲತೆಯಿಂದ ತೊಡಗುಕೊಳ್ಳುತ್ತಾರೆ ಆದ್ದರಿಂದ ಪೋಷಕರು ಮಕ್ಕಳಿಗೆ ಪ್ರೋತ್ಸಾಹ ನೀಡಿ ಸಂಗೀತ ಕ್ಷೇತ್ರದ ಬೆಳವಣಿಗೆಗೆ ದುಡಿಯುತ್ತಿರುವ ಸಂಸ್ಥಗೆ ಬೆನ್ನೆಲುಬಾಗಬೇಕು ಎಂದು ಹೇಳಿದರು
ಕಾರ್ಯಕ್ರಮದ ಅದ್ಯಕ್ಷತೆ ವಹಿಸಿದ್ದ ಸಾಹಿತಿ ನಾ.ಶು.ನಾಗೇಶ್ ಮಾತನಾಡಿ ಅನೇಕ ಸಾಹಿತ್ಯಗಳು ಸಂಗೀತ ಸ್ಪರ್ಶದಿಂದಾಗಿ ಜೀವಂತಿಕೆಯನ್ನ ಪಡೆದುಕೊಂಡಿದ್ದು ಎಲ್ಲ ವರ್ಗದ ಜನರನ್ನು ಒಂದೇ ಬಾವದಲ್ಲಿ ಸಮ್ಮಿಳಿತಗೊಳಿಸುವ ಶಕ್ತಿ ಸಂಗೀತಕ್ಕಿದ್ದು ನಾಗಮಂಗಲದಲ್ಲಿ ಹಿಂದೂಸ್ಥಾನಿ ಸಂಗೀತ ಗಾಯಕರನ್ನ, ಸಂಗೀತ ಕಲಾಭಿಮಾನಿಗಳನ್ನ ಹುಟ್ಟುಹಾಕಿ ನಾಡಿನಲ್ಲಿ ಸಾದನೆ ಗೈದ ಹಿರಿಯ ಗಾಯಕರಾದ ಗುಲ್ಬರ್ಗಾದ ಪಂಡಿತ್ ಫಕೀರೇಶ್‍ಕಣವಿಯವರಿಗೆ  ಶ್ರೀ ಗುರು ಪಂಚಾಕ್ಷರ ಸಮ್ಮಾನ್ ಪ್ರಶಸ್ತಿ ನೀಡಿ ಗೌರವಿಸುತ್ತಿರುವುದು ಅರ್ಥಪೂರ್ಣವಾಗಿದೆ ಎಂದು ಶ್ಲಾಘಿಸಿದರು
ಕಾರ್ಯಕ್ರಮಕ್ಕೂ ಮುನ್ನ ನಾಡಿನ ಹಿರಿಯ ಸಾಹಿತಿ  ಯು ಆರ್ ಅನಂತಮೂರ್ತಿ ಭಾವ ಚಿತ್ರಕ್ಕೆ ಪುಷ್ಪಾರ್ಚನೆ ಮಾಡಿ ಆತ್ಮಕ್ಕೆ ಶಾಂತಿ ಕೋರಿ ಮೌನಾಚರಣೆ ಮಾಡಲಾಯಿತು ಹಾಗೂ ಗಾಯಕರಾದ ರೇಖಾ ಬೆಳಗಲ್ಲು, ಚಂದ್ರಪ್ಪವೈರಮುಡಿ,ಫ್ರಭುಸೊನ್ನ ಹೀದೂಸ್ಥಾನಿ ಗಾಯನ ನೆಡೆಸಿಕೊಟ್ಟರು ಕಾಂiÀರ್iಕ್ರಮದಲ್ಲಿ ಪ್ರಶಸ್ತಿ ಪುಸ್ಕøತರಾದ ಪಂಡಿತ್ ಪಕೀರೇಶ್ ಕಣವಿ, ಕನ್ನಡಸಂಘದ ಅದ್ಯಕ್ಷೆ ಮೀರಾಬಾಲಕೃಷ್ಣ,ನಿಹಾರಿಕಾ ಸಾಂಸ್ಕøತಿಕ ಟ್ರಸ್ಟ್‍ನ ಸಂಸ್ಥಾಪಕ ಅದ್ಯಕ್ಷರಾದ ಹನುಮಂತಕುಮಾರ್ ಬೆಳಗಲ್ಲು,ಭುನನೇಶ್ವರಿ ಟ್ರಸ್ಟ್‍ನ ಆಟೋ ಶ್ರೀನಿವಾಸ್,ಬೆಟ್ಟದಮಲ್ಲೇನಹಳ್ಳಿ ರಮೇಶ್,ಶಿವಕುಮಾರ್, ಮುಂತಾದವರು ಹಾಜರಿದ್ದರು

ಕೆ.ಆರ್.ಪೇಟೆ ಸುದ್ದಿ.

ಕೃಷ್ಣರಾಜಪೇಟೆ. ಪುರಸಭೆಯ ವ್ಯಾಪ್ತಿಯಲ್ಲಿ ಹೇಮಾವತಿ ಬಡಾವಣೆಯಲ್ಲಿ ಕಾನೂನುಬಾಹಿರವಾಗಿ ಅಕ್ರಮ ಕಟ್ಟಡಗಳು ನಿರ್ಮಾಣವಾಗುತ್ತಿರುವ ಬಗ್ಗೆ ಲೋಕಾಯುಕ್ತ ಸಂಸ್ಥೆಗೆ ದೂರುಗಳ ಮಹಾಪೂರವೇ ಹರಿದು ಬರುತ್ತಿದೆ. ಅಕ್ರಮ ಕಟ್ಟಡಗಳನ್ನು ಯಾವುದೇ ಮುಲಾಜಿಲ್ಲದೇ ನೆಲಸಮ ಮಾಡಲಾಗುವುದು. ಈ ಸಂಬಂಧ ಮುಖ್ಯಾಧಿಕಾರಿಗಳ ವಿರುದ್ಧ ಕ್ರಮಕ್ಕೆ ಶಿಫಾರಸು ಮಾಡಲಾಗುವುದು ಎಂದು ಲೋಕಾಯುಕ್ತ ಡಿವೈಎಸ್‍ಪಿ ಪಿ.ಗಿರಿಜೇಶ್ ಎಚ್ಚರಿಕೆ ನೀಡಿದರು.
ಅವರು ಇಂದು ಪಟ್ಟಣದ ಪ್ರವಾಸಿ ಮಂದಿರದ ಆವರಣದಲ್ಲಿ ಸಾರ್ವಜನಿಕರ ಕುಂದುಕೊರತೆಗಳನ್ನು ಆಲಿಸಿ ತಾಲೂಕು ಮಟ್ಟದ ಅಧಿಕಾರಿಗಳ ಸಭೆ ನಡೆಸಿ ಮಾತನಾಡಿದರು.
ಲೋಕಾಯುಕ್ತರ ಇಂದಿನ ಸಭೆಗೆ ಬಹುತೇಕ ಅಧಿಕಾರಿಗಳು ಭಾಗವಹಿಸದ ಹಿನ್ನೆಲೆಯಲ್ಲಿ ಆಕ್ರೋಶ ವ್ಯಕ್ತಪಡಿಸಿದ ಗಿರಿಜೇಶ್ ನಾವು ಆಟವಾಡಿಕೊಂಡು ಜನರ ಮುಂದೆ ನಾಟಕ ಮಾಡಿಕೊಂಡು ಹೋಗಲು ಬಂದಿಲ್ಲ, ಇಂದಿನ ಸಭೆಗೆ ಗೈರು ಹಾಜರಾಗಿರುವ ವಿವಿಧ ಇಲಾಖೆಗಳ ಮುಖ್ಯಸ್ಥರುಗಳಿಗೆ ಶೋಕಾಸ್ ನೋಟೀಸ್ ನೀಡಿ ಮುಂದಿನ ಸಭೆಗೂ ಗೈರು ಹಾಜರಾದರೆ ಏನುಮಾಡಬೇಕೆಂಬುದು ಗೊತ್ತಿದೆ ಎಂದು ಸಭೆಯಲ್ಲಿ ಹಾಜರಿದ್ದ ಉಪತಹಶೀಲ್ದಾರ್ ಗೋಪಾಲ್ ಅವರಿಗೆ ನಿರ್ದೇಶನ ನೀಡಿದರು. ಪುರಸಭೆಯಲ್ಲಿ ವ್ಯಾಪಕವಾದ ಭ್ರಷ್ಠಾಚಾರಗಳು ನಡೆಯುತ್ತಿರುವ ಬಗ್ಗೆ ಸದಸ್ಯರು ದೂರು ನೀಡಿದ್ದಾರೆ, ಹೊಸಹೊಳಲು ಚಿಕ್ಕಕೆರೆಯ ಅಭಿವೃಧ್ಧಿ ಮತ್ತು ತಡೆಗೋಡೆ ನಿರ್ಮಾಣ ಕೆಲಸ ಸಂಪೂರ್ಣಗೊಳ್ಳದಿದ್ದರೂ 10ಲಕ್ಷರೂ ಬಿಲ್ ಪಾವತಿಸಲಾಗಿದೆ, ಪಟ್ಟಣದ ಕೋಳಿ ಮಾಂಸದ ಅಂಗಡಿ ಮತ್ತು ಮಾಂಸದ ಅಂಗಡಿಯ ಹರಾಜಿನಲ್ಲಿ ಲಕ್ಷಾಂತರ ರೂ ಲಂಚ ಪಡೆಯಲಾಗಿದೆ ಎಂದು ಸದಸ್ಯರಾದ ಹೆಚ್.ಆರ್.ಲೋಕೇಶ್, ಚೆಲುವರಾಜು, ನಾಗರಾಜು ಮತ್ತು ಕೆ.ಆರ್.ಹೇಮಂತಕುಮಾರ್ ದೂರು ನೀಡಿದ್ದಾರೆ. ಈ ಸಂಬಂಧವಾಗಿ ಜಿಲ್ಲಾಧಿಕಾರಿಗಳಿಗೆ ಪತ್ರ ಬರೆದಿದ್ದಾರೆ ನೀವೇನು ಮಾಡುತ್ತಿದ್ದೀರಿ, ದಕ್ಷ ಹಾಗೂ ಪಾರದರ್ಶಕ ಆಡಳಿತ ನಡೆಸಿ ಜನರ ಪ್ರೀತಿವಿಶ್ವಾಸಕ್ಕೆ ಪಾತ್ರರಾಗಿ ಎಂದು ಸಭೆಯಲ್ಲಿದ್ದ ಅಧ್ಯಕ್ಷ ಕೆ.ಗೌಸ್‍ಖಾನ್ ಅವರಿಗೆ ಕಿವಿಮಾತು ಹೇಳಿದರು.
ಕಳೆದ 15 ವರ್ಷಗಳಿಂದ ಪುರಸಭೆ ಮತ್ತು ತಾಲೂಕು ಪಂಚಾಯಿತಿ ಒಡೆತನದ ವಾಣಿಜ್ಯ ಮಳಿಗೆಗಳನ್ನು ಮರು ಹರಾಜು ಮಾಡಿಲ್ಲ, 500ರೂ ಬಾಡಿಗೆಯನ್ನು ಪುರಸಭೆಗೆ ಪಾವತಿಸುತ್ತಿರುವ ಬಾಡಿಗೆದಾರರು ಐದಾರು ಸಾವಿರ ರೂಗಳಿಗೆ ವಾಣಿಜ್ಯ ಮಳಿಗೆಗಳನ್ನು ಸಬ್ ಲೀಸ್ ಮಾಡಿದ್ದಾರೆ, ಇದರಿಂದಾಗಿ ವಾರ್ಷಿಕ ಪುರಸಭೆಗೆ ಕೋಟ್ಯಾಂತರ ರೂ ನಷ್ಠವಾಗುತ್ತಿದೆ. ಈ ಬಗ್ಗೆ ಕ್ರಮಕೈಗೊಂಡು ಮಳಿಗೆಗಳನ್ನು ಮತ್ತೆ ಬಹಿರಂಗ ಹರಾಜುಮಾಡಿಸಿ ಎಂದು ಆಗ್ರಹಿಸಿ ವಕೀಲ ಧನಂಜಯ ಲೋಕಾಯುಕ್ತರಿಗೆ ಮನವಿ ಸಲ್ಲಿಸಿದರು. ಮಾದಾಪುರಕೊಪ್ಪಲು ಗ್ರಾಮದಲ್ಲಿ ತಾನು ಬೇಸಾಯ ಮಾಡಲು ತನ್ನ ಒಡಹುಟ್ಟಿದ ತಮ್ಮನೇ ತೊಂದರೆ ನೀಡುತ್ತಿದ್ದಾನೆ. ಪೋಲಿಸರು ನನಗೆ ರಕ್ಷಣೆ ನೀಡುತ್ತಿಲ್ಲ, ನ್ಯಾಯಾಲಯಗಳಲ್ಲಿ ನನ್ನಂತೆ ಡಿಕ್ರಿಯಾಗಿದೆ, ದಯಮಾಡಿ ನನ್ನ ಜಮೀನಿನಲ್ಲಿ ಬೇಸಾಯ ಮಾಡಿ ನನ್ನ ಹೊಟ್ಟೆಯ ಜೀವನ ನಡೆಸಲು ಅನುವು ಮಾಡಿಸಿಕೊಡಿ ಎಂದು ವಯೋವೃಧ್ಧೆ ಲಕ್ಷ್ಮಮ್ಮ ಮನವಿ ಸಲ್ಲಿಸಿದರು.
ಸಾರ್ವಜನಿಕರಿಂದ ದೂರು ಸ್ವೀಕರಿಸಿ ಸಾಂತ್ವನ ಹೇಳಿದ ಲೋಕಾಯುಕ್ತರು ಸರ್ಕಾರಿ ನೌಕರರನ್ನು ಉದ್ಧೇಶಿಸಿ ಮಾತನಾಡಿ ಸರ್ಕಾರವು ನೀಡುವ ಸಾರ್ವಜನಿಕರ ತೆರಿಗೆ ಹಣದಿಂದ ಜೀವನ ನಡೆಸುತ್ತಿರುವ ನೌಕರರಾದ ನಾವುಗಳು ಬಡಜನರ ಸೇವೆಯಲ್ಲಿ ಭಗವಂತನನ್ನು ಕಾಣಲು ಪ್ರಯತ್ನಿಸಬೇಕು. ಕೆಲಸದಲ್ಲಿ ಶಿಸ್ತು ಮತ್ತು ಬದ್ಧತೆಯನ್ನು ಕಾಪಾಢಿಕೊಂಡು ವೃತ್ತಿಗೌರವವನ್ನು ಎತ್ತಿಹಿಡಿಯಲು ಪ್ರಯತ್ನ ಮಾಡಬೇಕೇಹೊರತು ಸಣ್ಣ-ಪುಟ್ಟ ಕೆಲಸ ಕಾರ್ಯಗಳಿಗೆ ಸಾರ್ವಜನಿಕರನ್ನು ಓಡಾಡಿಸಿ ತೊಂದರೆ ಕೊಡಬಾರದು, ಕಾಮಗಾರಿಗಳಲ್ಲಿ ಗುಣಮಟ್ಟವನ್ನು ಕಾಪಾಡಿಕೊಂಡು ಶಾಶ್ವತವಾಗಿ ಹತ್ತಾರು ವರ್ಷಗಳ ಕಾಲ ಉಳಿಯುವಂತಹ ಕೆಲಸವನ್ನು ಮಾಡಬೇಕು ಎಂದು ಗಿರಿಜೇಶ್ ಕಿವಿಮಾತು ಹೇಳಿದರು.
ಸಭೆಯಲ್ಲಿ ತಹಶೀಲ್ದಾರ್ ಹೆಚ್.ಎಲ್.ಶಿವರಾಂ, ಲೋಕೋಪಯೋಗಿ ಇಲಾಖೆಯ ಎಇಇ ರಂಗನಾಥ, ತೋಟಗಾರಿಕೆ ಇಲಾಖೆಯ ಸಹಾಯಕ ನಿರ್ದೇಶಕಿ ಪುಷ್ಪಲತ, ಪಶುಸಂಗೋಪನಾ ಇಲಾಖೆಯ ಉಪನಿರ್ದೇಶಕ ಡಾ. ಕೃಷ್ಣಮೂರ್ತಿ, ಕೃಷಿ ಇಲಾಖೆಯ ಅಧಿಕಾರಿ ಚೆನ್ನಯ್ಯ, ಪಟ್ಟಣಠಾಣೆಯ ಎಸ್‍ಐ ಶಿವಕುಮಾರ್, ತಾ.ಪಂ ಇಓ ಕೆಂಚಪ್ಪ, ಕಾರ್ಮಿಕ ನಿರೀಕ್ಷಕಿ ವನಜಾಕ್ಷಿ, ತಾಲೂಕು ಸಮಾಜಕಲ್ಯಾಣಾಧಿಕಾರಿ ಸುಧಾಮಣಿ, ಬಿಸಿಎಂ ಅಧಿಕಾರಿ ನಂದಕುಮಾರ್ ಸೇರಿದಂತೆ ತಾಲೂಕು ಮಟ್ಟದ ಅಧಿಕಾರಿಗಳು ಹಾಜರಿದ್ದರು

ಮೈಸೂರು-ಜಂಬೂ ಸವಾರಿ:ವೈವಿಧ್ಯತೆ ಇರಲಿ.

ಜಂಬೂ ಸವಾರಿ:ವೈವಿಧ್ಯತೆ ಇರಲಿ
ಮೈಸೂರು,ಆ.25.ವಿಶ್ವವಿಖ್ಯಾತ ಮೈಸೂರು ದಸರಾ ಮಹೋತ್ಸವದ ಪ್ರಮುಖ ಆಕರ್ಷಣೆಯಾದ ಜಂಬೂ ಸವಾರಿ ಮೆರವಣಿಗೆಯ ಸ್ಥಬ್ದಚಿತ್ರಗಳು ಹಾಗೂ ಸಾಂಸ್ಕøತಿಕ ತಂಡಗಳಲ್ಲಿ ವೈವಿಧ್ಯತೆ ಕಾಯ್ದುಕೊಳ್ಳಬೇಕೆಂದು ಮೈಸೂರು ಜಿಲ್ಲಾ ಉಸ್ತುವಾರಿ ಸಚಿವ ವಿ. ಶ್ರೀನಿವಾಸ್ ಪ್ರಸಾದ್ ಸೂಚನೆ ನೀಡಿದ್ದಾರೆ.
ಮೈಸೂರು ಜಿಲ್ಲಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ಇಂದು ದಸರಾ ವೈಬ್‍ಸೈಟ್‍ಗೆ ಚಾಲನೆ ನೀಡಿದ ನಂತರ ಅಧಿಕಾರಿಗಳ ಸಭೆಯಲ್ಲಿ ಮಾತನಾಡಿದ ಅವರು ವಿವಿಧ ಜಿಲ್ಲೆ ಪ್ರತಿನಿಧಿಸುವ ಸ್ಥಬ್ದಚಿತ್ರಗಳಿಗೆ ನಿರ್ದಿಷ್ಟ ವಿಷಯ ನೀಡಬೇಕು ಪೂರ್ವಭಾವಿ ಸಭೆಯಲ್ಲಿ ಪರಿಶೀಲಿಸಿ ಅತ್ಯುತ್ತಮ ವಿನ್ಯಾಸ ಆಯ್ಕೆ ಮಾಡಬೇಕು ಎಂದು ಹೇಳಿದರು.
ಸಾಂಸ್ಕøತಿಕ ಕಲಾತಂಡಗಳ ಆಯ್ಕೆಯಲ್ಲಿಯೂ ಎಚ್ಚರ ವಹಿಸಬೇಕು, ಒಂದೇ ಪ್ರಕಾರದ ತಂಡಗಳು ಇರದಂತೆ ನೋಡಿಕೊಳ್ಳಬೇಕು ಹಾಗೂ ಕರ್ನಾಟಕದ ಸಾಂಸ್ಕøತಿಕ ವೈವಿದ್ಯ ಬಿಂಬಿಸುವ ರೀತಿಯಲ್ಲಿ ಜಂಬೂ ಸವಾರಿ ಮೆರವಣಿಗೆ ಇರಬೇಕು ಎಂದು ಸಚಿವರು ತಿಳಿಸಿದರು.
ದೀಪಾಲಂಕಾರಕ್ಕೆ ಸಂಬಂಧಿಸಿ ಕಳೆದ ದಸರೆಯಲ್ಲಿ ಭಿನ್ನ ಅಭಿಪ್ರಾಯ ವ್ಯಕ್ತವಾದ ಹಿನ್ನೆಲೆಯಲ್ಲಿ ದೀಪಾಲಂಕಾರಕ್ಕೆ ಬಳಸುವ ಬಲ್ಬ್‍ಗಳ ವಿಚಾರದಲ್ಲಿ ತಜ್ಞರ ಅಭಿಪ್ರಾಯ ಪಡೆದು ಮುಂದುವರಿಯುವಂತೆ ಸಚಿವರು ಸೂಚನೆ ನೀಡಿದರು.
ಪ್ರವಾಸಿ ಸರ್ಕೂಟ್ : ಮೈಸೂರು ಹಾಗೂ ಸುತ್ತಮುತ್ತಲ ಜಿಲ್ಲೆಗಳ ಪ್ರವಾಸಿ ಕೇಂದ್ರಗಳನ್ನು ಸಂಪರ್ಕಿಸುವ ರೀತಿಯಲ್ಲಿ ಪ್ರವಾಸಿ ಸರ್ಕೂಟ್ ನಿಗಧಿಪಡಿಸಿ ಪ್ರವಾಸಗಳನ್ನು ಏರ್ಪಡಿಸಬೇಕು. ಇದರಿಂದ ದಸರೆ ಸಮಯದಲ್ಲಿ ಪ್ರವಾಸಿಗರಿಗೆ ಹೆಚ್ಚಿನ ಅನುಕೂಲ ಆಗುತ್ತದೆ ಎಂದು ಶಾಸಕ ತನ್ವೀರ್ ಸೇಠ್ ಸಲಹೆ ನೀಡಿದರು.
   ದೀಪಾಲಂಕಾರಕ್ಕೆ ಪ್ರಾಯೋಜಕತ್ವ ಪಡೆಯುವುದನ್ನು ಮುಂದುವರಿಸಿ, ಎಲ್.ಇ.ಡಿ. ಬಲ್ಬ್‍ಗಳಲ್ಲಿಯೇ ಚಿನ್ನದ ಬಣ್ಣದ ಮೆರುಗು ನೀಡುವ ಬಲ್ಬ್‍ಗಳ ಬಳಕೆಯ ಸಾಧ್ಯತೆ  ಬಗ್ಗೆ ಪರಿಶೀಲಿಸುವಂತೆ ಶಾಸಕ ವಾಸು ಹೇಳಿದರು.
  ವಿವಿಧ ಸಮಿತಿಗಳು ತಮ್ಮ ವ್ಯಾಪ್ತಿಗೊಳಪಟ್ಟ ಯೋಜನೆಗಳನ್ನು ರೂಪಿಸಿಕೊಂಡು ಕಾಲಬದ್ದರಾಗಿ ಅಧಿಕಾರೇತರ ಸದಸ್ಯರ ಸಹಕಾರದೊಡನೆ ಅನುಷ್ಠಾನಗೊಳಿಸಬೇಕು ಎಂದು ಶಾಸಕ ಜಿ.ಟಿ.ದೇವೇಗೌಡ ಹೇಳಿದರು.
    ವಿವಿಧ ಸಮಿತಿಗಳ ಕಾರ್ಯಕ್ರಮಗಳಿಗೆ ಕೇಂದ್ರೀಕೃತ ಟೆಂಡರ್ ಕರೆಯುವ ಬದಲಿಗೆ ಆಯಾ ಸಮಿತಿಗಳಿಂದಲೇ ಅಥವಾ ಕಾರ್ಯಕ್ರಮವಾರು ಟೆಂಡರ್ ಕರೆದರೆ ಸ್ಥಳೀಯರಿಗೆ ಹೆಚ್ಚಿನ ಅವಕಾಶ ದೊರೆಯುತ್ತದೆ ಎಂದು ಶಾಸಕ ಎಂ.ಕೆ.ಸೋಮಶೇಖರ್ ಸಲಹೆ ನೀಡಿದರು.
   ದಸರಾ ಕಾರ್ಯಕ್ರಮಕ್ಕೆ ಹೆಚ್ಚಿನ ಪ್ರಚಾರ ನೀಡಲು ಕ್ರಮ ವಹಿಸುವಂತೆ ಸಹಕಾರ ಸಚಿವ ಮಹದೇವ ಪ್ರಸಾದ್ ತಿಳಿಸಿದರು.  ರೈಲ್ವೆ ಹಾಗೂ ಅಂಚೆ ಇಲಾಖೆಗಳನ್ನು ಈ ನಿಟ್ಟಿನಲ್ಲಿ ಬಳಸಿಕೊಳ್ಳುವಂತೆ ಅವರು ಹೇಳಿದರು.
   ಮಂಡ್ಯ ಹಾಗೂ ಚಾಮರಾಜನಗರ ಜಿಲ್ಲೆಗಳಲ್ಲಿ ದಸರಾ ಸಾಂಸ್ಕøತಿಕ ಕಾರ್ಯಕ್ರಮ ಆಯೋಜಿಸಲು ತಲಾ ಒಂದು ಕೋಟಿ ರೂ.ಗಳ ಪ್ರಸ್ತಾವನೆಯನ್ನು ಆಯಾ ಜಿಲ್ಲಾಧಿಕಾರಿಗಳು ಸಲ್ಲಿಸಿರುವುದಾಗಿ ಮೈಸೂರು ಜಿಲ್ಲಾಧಿಕಾರಿ ಸಿ.ಶಿಖಾ ತಿಳಿಸಿದರು.
   ಉಪಸಮಿತಿಗಳ ಆಯವ್ಯಯ ಪರಿಶೀಲಿಸಿ ಅನುಮೋದನೆ ನೀಡುವ ಅಧಿಕಾರ ನೀಡುವಂತೆಯೂ ಕಾರ್ಯಕಾರಿ ಸಮಿತಿ ಸಭೆಯನ್ನು ಅವರು ಕೋರಿದರು.
   ಸೆಪ್ಟೆಂಬರ್ 10 ರಂದು 2ನೇ ತಂಡದ ಆನೆಗಳನ್ನು ಮೈಸೂರಿಗೆ ಕರೆತರಲಾಗುವುದು ಎಂದು ಅರಣ್ಯಾಧಿಕಾರಿಗಳು ಸಭೆಗೆ ತಿಳಿಸಿದರು.
    ವೆಬ್‍ಸೈಟ್‍ಗೆ ಚಾಲನೆ ನೀಡುವ ಕಾರ್ಯಕ್ರಮದಲ್ಲಿ ಜಿಲ್ಲಾ ಪಂಚಾಯತ್ ಅಧ್ಯಕ್ಷೆ ಪುಪ್ಪಾ ಅಮರನಾಥ್, ವಿಧಾನ ಪರಿಷತ್ ಸದಸ್ಯ ಗೋ. ಮಧುಸೂದನ್  ಸೇರಿದಂತೆ ವಿವಿಧ ಜನಪ್ರತಿನಿಧಿಗಳ ಅಧಿಕಾರಿಗಳು ಪಾಲ್ಗೊಂಡಿದ್ದರು.
   ವೆಬ್‍ಸೈಟ್‍ನಲ್ಲಿ ಏನಿದೆ?
   ಮೈಸೂರು ದಸರಾ 2014ರ ವೆಬ್‍ಸೈಟ್ ವಿಳಾಸ ತಿತಿತಿ.mಥಿsoಡಿeಜಚಿsಚಿಡಿಚಿ.gov.iಟಿ ಆಗಿದ್ದು, ಡಾಟ್ ಅಂಗಲ್ ಎಂಬ ಮೈಸೂರಿನ ಒಂದು ಸಾಫ್ಟ್‍ವೇರ್ ಕಂಪನಿಯು ಎನ್. ಐ. ಸಿ. ಮತ್ತು ಜಿಲ್ಲಾಡಳಿತದ ಸಹಯೋಗದೊಂದಿಗೆ ನಿರ್ಮಿಸಿದೆ.
•    ವೆಬ್‍ಸೈಟ್ ವಿನ್ಯಾಸದಲ್ಲಿ ದಸರಾ ಮತ್ತು ಮೈಸೂರಿನ  ಪರಂಪರೆಯನ್ನು ಬಿಂಬಿಸುವ ಪ್ರಯತ್ನ.
•    ಮೈಸೂರು ದಸರಾ ಭಾಗವಾಗಿ ನಡೆಯುವ ಎಲ್ಲಾ ಕಾರ್ಯಕ್ರಮಗಳ ಮಾಹಿತಿ ವೆಬ್‍ಸೈಟಿನಲ್ಲಿ ಪಡೆಯಬಹುದಾಗಿದೆ.
•    ವೆಬ್‍ಸೈಟಿನ ಎಲ್ಲಾ ಮಾಹಿತಿಗಳನ್ನು ಕನ್ನಡ ಮತ್ತು ಇಂಗ್ಲೀಷ್ ಎರಡೂ ಭಾಷೆಗಳಲ್ಲಿ ನೀಡಲಾಗಿದೆ.
•    ಐಪ್ಯಾಡ್, ಐಪೋನ್, ಇತರೆ ಮೊಬೈಲ್ ಮತ್ತು ಟ್ಯಾಬ್ಲೆಟ್‍ಗಳು ಹಾಗೂ ಡೆಸ್ಕ್‍ಟಾಪ್ ಮತ್ತು ಲ್ಯಾಪ್ ಟಾಪ್ ಸೇರಿದಂತೆ ವಿಭಿನ್ನ ಸಾಧನಗಳಲ್ಲಿ ವೆಬ್‍ಸೈಟ್‍ನ್ನು ಸುಲಭವಾಗಿ ವೀಕ್ಷಿಸುವಂತೆ ರಚಿಸಲಾಗಿದೆ.
•    ವಾಟ್ಸ್ಯಾಪ್‍ನಲ್ಲಿ ದಸರಾ ಮಾಹಿತಿ-ಚಂದಾದರರು ದಸರಾ ಬಗೆಗಿನ ಸುದ್ದಿ ಸಮಾಚಾರಗಳನ್ನು ವಾಟ್ಸ್ಯಾಪ್  ಮೂಲಕ ತಮ್ಮ ಮೊಬೈಲ್‍ಗಳಲ್ಲಿಯೇ ವೀಕ್ಷಿಸಬಹುದು.
•    ಪಬ್ಲಿಕ್ ಐ (ಜನರ ನೋಟ)-ಜನರು ಕ್ಲಿಕ್ಕಿಸಿದ ದಸರಾ ಪೋಟೋಗಳನ್ನು ವೆಬ್‍ಸೈಟ್‍ನಲ್ಲಿ ಪ್ರಕಟಿಸಲಾಗುವುದು.
•    ಆನ್‍ಲೈನ್ ಅಪ್ಲಿಕೇಶನ್- ವಿವಿಧ ದಸರಾ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಆಸಕ್ತಿಯುಳ್ಳವರು ವೆಬ್‍ಸೈಟ್ ಮೂಲಕ ಅರ್ಜಿ ಸಲ್ಲಿಸಬಹುದು.
•    ಚಿತ್ರ ಸಂಪುಟದಲ್ಲಿ ಎಲ್ಲಾ ಕಾರ್ಯಕ್ರಮಗಳ ಚಿತ್ರಗಳು, ಹಿಂದಿನ ದಸರಾ ಆಚರಣೆ ಚಿತ್ರಗಳು ಹಾಗೂ ಮೈಸೂರಿನ ಪಾರಂಪರಿಕ ಕಟ್ಟಡಗಳನ್ನು ವೀಕ್ಷಿಸಬಹುದು.
•    ರಾಜರ ಕಾಲದ ದಸರಾ ಆಚರಣೆ ವೀಡಿಯೋ ಸೇರಿದಂತೆ ಮೈಸೂರಿನ ಪ್ರವಾಸಿ ತಾಣಗಳ ವೀಡಿಯೋಗಳನ್ನು ವೀಕ್ಷಿಸಬಹುದು.
•    ದಿನಾಂಕಾಧಾರಿತ ಕಾರ್ಯಕ್ರಮಗಳ ಪಟ್ಟಿ ದೊರೆಯುವುದು.
•    ಕಾರ್ಯಕ್ರಮಗಳು ನಡೆಯುವ ಸ್ಥಳಗಳ ಸಂಪೂರ್ಣ ಮಾಹಿತಿ-ಪಾರ್ಕಿಂಗ್ ಸೌಲಭ್ಯ ಮಾಹಿತಿ ಮತ್ತು ಮ್ಯಾಪ್ ನೀಡಲಾಗಿದೆ.
•    50ಕ್ಕೂ ಹೆಚ್ಚು ಮೈಸೂರಿನ ಮತ್ತು ಸಮೀಪದ ಪ್ರವಾಸಿ ತಾಣಗಳ ಮಾಹಿತಿ.
•    ಆಹಾರ ಮತ್ತು ವಸತಿ ಬಗೆಗಿನ ಮಾಹಿತಿ-ಹಲವಾರು ಹೋಟೆಲುಗಳು ಮತ್ತು ಉಪಹಾರ ಗೃಹಗಳ ಪಟ್ಟಿ.
•    ದಸರಾ ವೆಬ್ ಪೋರಂ: ನೀಕ್ಷಕರು ತಮ್ಮ ಪ್ರಶ್ನೆಗಳನ್ನು ವೆಬ್‍ಸೈಟಿನಲ್ಲಿ ಕೇಳಿದರೆ ಅದಕ್ಕೆ ಅತೀ ಶೀಘ್ರದಲ್ಲಿ ಉತ್ತರ ದೊರೆಯುವುದು.
•    mಥಿsooಡಿuಜಚಿsಚಿಡಿಚಿ@gmಚಿiಟ.ಛಿom ಎಂಬ ಇ ಮೇಲ್ ಮೂಲಕ ವೀಕ್ಷಕರ ಎಲ್ಲಾ ಪ್ರಶ್ನೆಗಳಿಗೆ ಉತ್ತರ ಮತ್ತು ಇತರೆ ಮಾಹಿತಿಯನ್ನು ನೀಡಲಾಗುವುದು.
ವiಕ್ಕಳು ಸಮಾಜದ ತಪ್ಪುಗಳನ್ನು ತಿದ್ದುವ ಶಿಕ್ಷಕರಾಗಬೇಕು: ಚಂದ್ರಕಾಂತ್
      ಮೈಸೂರು,ಆ.25.ದೇಶದ ಅಭಿವೃದ್ಧಿಗೆ ಮಾರಕವಾಗಿರುವ ಮಾದಕ ವಸ್ತುಗಳ ಸೇವನೆ, ಬಾಲ ಕಾರ್ಮಿಕ ಪದ್ಧತಿ, ಬಾಲ್ಯವಿವಾಹ ಪದ್ಧತಿಗಳನ್ನು ಸಂಪೂರ್ಣವಾಗಿ ಹೋಗಲಾಡಿಸಲು ಮಕ್ಕಳು ಹಾಗೂ ಯುವ ಪೀಳಿಗೆ ಇವುಗಳನ್ನು ವಿರೋಧಿಸಿ ತಮ್ಮ ಸುತ್ತಮುತ್ತಲಿನ ಜನರಿಗೂ ಸಹ ಇವುಗಳ ದುಷ್ಪರಿಣಾಮಗಳ ಬಗ್ಗೆ ಅರಿವು ಮೂಡಿಸಬೇಕು ಎಂದು ನಂಜನಗುಡು ತಾಲ್ಲೂಕಿನ ಕ್ಷೇತ್ರ ಶಿಕ್ಷಣಾಧಿಕಾರಿ ಎಂ. ಚಂದ್ರಕಾಂತ್ ಅವರು ತಿಳಿಸಿದರು.
    ಅವರು ಸೋಮವಾರ ನಂಜನಗೂಡು ತಾಲ್ಲೂಕಿನ ಸರ್ಕಾರಿ ಪದವಿಪೂರ್ವ ಬಾಲಕಿಯರ ಕಾಲೇಜಿನ ಆವರಣದಲ್ಲಿ ಬೆಂಗಳೂರಿನ ಕರ್ನಾಟಕ ರಾಜ್ಯ ಮದ್ಯಪಾನ ಸಂಯಮ ಮಂಡಳಿ, ಮೈಸೂರು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆ ಹಾಗೂ ನಂಜನಗೂಡು ಸರ್ಕಾರಿ ಪದವಿ ಪೂರ್ವ ಕಾಲೇಜು ಇವರುಗಳ ಸಂಯುಕ್ತಾಶ್ರಯದಲ್ಲಿ ಆಯೋಜಿಸಲಾಗಿದ್ದ ಮಾದಕ ವಸ್ತು ದುಷ್ಪರಿಣಾಮಗಳ ವಿಚಾರ ಸಂಕಿರಣವನ್ನು ಉದ್ಘಾಟಿಸಿ ಮಾತನಾಡಿದರು.
     12 ರಿಂದ 18 ವಯಸ್ಸನ್ನು ಹದಿಹರೆಯದ ವಯಸ್ಸು ಎನ್ನುತ್ತಾರೆ. ಈ ವಯಸ್ಸಿನಲ್ಲಿ ಮನಸ್ಸು ಚಂಚಲವಾಗಿರುತ್ತದೆ. ಈ ವಯಸ್ಸಿನಲ್ಲಿ ಮಕ್ಕಳು ಮಾದಕ ವಸ್ತುಗಳ ಸೇವನೆಯಂತಹ ದುಶ್ಚಟಕ್ಕೆ ಒಳಗಾಗದೇ ಮನಸ್ಸನ್ನು ಹತೋಟಿಯಲ್ಲಿಟ್ಟಿಕೊಂಡು ಸಮಾಜದ ಸತ್ಪ್ರಜೆಗಳಾಗಬೇಕು ಎಂದು ತಿಳಿಸಿದರು.
    ನಂಜನಗೂಡು ತಾಲ್ಲೂಕು ಆರೋಗ್ಯ ಶಿಕ್ಷಣಾಧಿಕಾರಿ ಟಿ.ಎನ್.ಗುರುಸ್ವಾಮಿ ಅವರು ಮಾತನಾಡಿ ಮೊದಲು ಕೂತುಹಲಕ್ಕಾಗಿ ಮಾದಕ ವಸ್ತು ಅಥವಾ ಮದ್ಯಪಾನ ಸೇವಿಸುತ್ತಾರೆ ನಂತರ ಅವರು ವ್ಯಸನಿಗಳಾಗಿ ತಮ್ಮ  ದೇಹದ ಮೇಲಿನ  ಹತೋಟಿಯನ್ನು ಕಳೆದುಕೊಳ್ಳುತ್ತಾರೆ. ಮಾದಕ ವಸ್ತುಗಳ ಖರೀದಿಗಾಗಿ ಬೇಕಾಗುವ ಹಣ ದೊರಕದ್ದಿದಾಗ ಕಳ್ಳತನ ಮಾಡುತ್ತಾರೆ. ತಾವು ಮಾಡುವ ಕೆಲಸದ ಬಗ್ಗೆ ಅರಿವೇ ಇಲ್ಲದೆ ಲೈಂಗಿಕ ಕಿರುಕೊಳ, ದೌರ್ಜನ್ಯದಲ್ಲಿ ಭಾಗಿಯಾಗಿ ಸಮಾಜಕ್ಕೆ ಕಳಂಕಿತರಾಗುತ್ತಾರೆ. ಮರಣ ನಂತರವೂ ಸಮಾಜ ಅವರನ್ನು ಗೌರವಿಸುವುದಿಲ್ಲ ಎಂದರು.
     ಮಾದಕ ವಸ್ತು, ಧೂಮಪಾನ ಹಾಗೂ ಮದ್ಯಪಾನ ಸೇವನೆಯಿಂದಾಗಿ ಹೃದಯ, ಶ್ವಾಸಕೋಶ ಸಂಬಂಧಿ ಖಾಯಿಲೆ ಹಾಗೂ  ಕ್ಯಾನ್ಸರ್ ಸಹ ಉಂಟಾಗುತ್ತದೆ. ದೈಹಿಕ ಹಾಗೂ ಮಾನಸಿಕ ಸಾಮಥ್ರ್ಯ ಕುಂದಿಸಿ ಅಕಾಲ ಮೃತ್ಯುವಿಗೂ ಕಾರಣವಾಗುತ್ತದೆ. ದೇಶದಲ್ಲಿ ಮರಣ ಹೊಂದುವವರ ಪೈಕಿ ಶೇ. 37 ರಷ್ಟು ಜನ ಮಾದಕ ವಸ್ತುಗಳ ಸೇವನೆಯಿಂದ ಮರಣ ಹೊಂದುತ್ತರೆ ಎಂದರು.
    ನಂಜನಗೂಡು ಬಾಲಕಿಯರ ಪದವಿ ಪೂರ್ವ ಕಾಲೇಜಿನ ಉಪಪ್ರಾಂಶುಪಾಲರಾದ ಚಿನ್ನಸ್ವಾಮಿಯವರು ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿ 6-14 ವರ್ಷದೊಳಗಿನ ಎಲ್ಲಾ ಮಕ್ಕಳು ಕಡ್ಡಾಯವಾಗಿ ಶಿಕ್ಷಣ ಪಡೆಯಬೇಕು ಶಾಲೆಯಿಂದ ಹೊರಗುಳಿದ ಮಕ್ಕಳು, ಬಾಲ್ಯ ವಿವಾಹ, ಬಾಲ ಕಾರ್ಮಿಕ ಪದ್ಧತಿಗಳು ಕಂಡು ಬಂದರೆ ಮಕ್ಕಳು ಶಾಲೆಗೆ ಮಾಹಿತಿ ನೀಡುವಂತೆ ತಿಳಿಸಿದ ಅವರು ನಮ್ಮ ಜೀವನಕ್ಕೆ ಮಾರಕವಾಗಿರುವ ಮಾದಕ ವಸ್ತುಗಳಿಂದ ದೂರವಿದ್ದು, ವಿದ್ಯಾವಂತರಾಗಿ ದೇಶದ ಬೆಳಕಾಗುವಂತೆ ಕರೆ ನೀಡಿದರು.
     ಇದೇ ಸಂದರ್ಭದಲ್ಲಿ ರಂಗಜಂಗಮ ತಂಡದವರು ಬಾಲಕಾರ್ಮಿಕ ಪದ್ಧತಿ, ಬಾಲ್ಯವಿವಾಹ, ಮದ್ಯಪಾನ ದುಷ್ಪರಿಣಾಮಗಳ ಬಗ್ಗೆ ಜಾಗೃತಿ ಗೀತೆ ಹಾಗೂ ನಾಟಕ ಪ್ರಸ್ತುತ ಪಡಿಸಿ ಮಕ್ಕಳಲ್ಲಿ ಅರಿವು ಮೂಡಿಸಿದರು.
     ಕಾರ್ಯಕ್ರಮವನ್ನು ವಾರ್ತಾ ಮತ್ತು ಸಾರ್ವಜನಿಕ ಸಂಪರ್ಕ ಇಲಾಖೆಯ  ತೀರ್ಥಲಿಂಗಪ್ಪ ಮಳ್ಳೊಳ್ ಅವರು ನಿರೂಪಿಸಿದರು.

ಮೇಲುಕೋಟೆ ಸುದ್ದಿ.

ಮೇಲುಕೋಟೆ :  ಸಹಸ್ರಾರು ಭಕ್ತರು ಚೆಲುವನಾರಾಯಣಸ್ವಾಮಿ ಮತ್ತು ಬೆಟ್ಟದೊಡೆಯ ಶ್ರೀಯೋಗನರಸಿಂಹಸ್ವಾಮಿಯ ದರ್ಶನ ಮಾಡಿ ಪುನೀತರಾಗುವುದರೊಂದಿಗೆ ಮೇಲುಕೋಟೆಯಲ್ಲಿ ಶ್ರಾವಣ ಶನಿವಾರಗಳ ಸಂಭ್ರಮ ಮುಕ್ತಾಯಗೊಂಡಿತು.
ನಾಲ್ಕೂ ಶ್ರಾವಣ ಶನಿವಾರ, ಭಾನುವಾರಗಳಂದು ಒಂದೂವರೆ ಲಕ್ಷಕ್ಕೂ ಅಧಿಕ ಭಕ್ತಾದಿಗಳು ದೇವರದರ್ಶನ ಪಡೆದಿದ್ದಾರೆ. ಶ್ರಾವಣ ಮಾಸದ ಶನಿವಾರಗಳಂದು ಬಂದ ಎಲ್ಲಾ ಭಕ್ತರೂ ಸಾವಕಾಶವಾಗಿ ದೇವರದರ್ಶನ ಮಾಡಲು ದೇವಾಲಯದ ಆಡಳಿತ ಮತ್ತು ಪೊಲೀಸ್ ಇಲಾಖೆವತಿಯಿಂದ   ಸೂಕ್ತ ವ್ಯವಸ್ಥೆ ಮಾಡಲಾಗಿತ್ತು. ಭಕ್ತರು ದೇವರದರ್ಶನ ಮಾಡಲು ಅನೂಕೂಲವಾಗುವಂತೆ ಪ್ರತಿಶನಿವಾರ ಇಡೀದಿನ  ದೇವಾಲಯಗಳನ್ನು ತೆರೆದು ದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು.
ಇಂದು ಕೊನೆಯ ಶ್ರಾವಣಶನಿವಾರದ ಜೊತೆಗೆ  ಸರ್ಕಾರಿ ರಜೆಯೂ  ಸೇರಿದ ಪರಿಣಾಮ ಐವತ್ತು ಸಾವಿರಕ್ಕೂ ಹೆಚ್ಚು ಭಕ್ತರು ಹಾಗೂ ನೂರಾರು ಸಂಖ್ಯೆಯ ನವದಂಪತಿಗಳು ಮೇಲುಕೋಟೆಗೆ ಆಗಮಿಸಿ ದೇವರದರ್ಶನ ಪಡೆದರು, ಭಕ್ತರ ದಟ್ಟಣೆಯಿಂದಾಗಿ ದೇಗುಲ ಪ್ರವೇಶಿಸಲು ಸಾಧ್ಯವಾಗದ ಭಕ್ತರು ಬಾಗಿಲಲ್ಲೇ ತೆಂಗಿನಕಾಯಿ ಒಡೆದು, ಗಂದದಕಡ್ಡಿ ಕರ್ಪೂರ ಬೆಳಗಿ ದೇವರಿಗೆ ಭಕ್ತಿಪೂರ್ವಕವಾಗಿ ಪೂಜೆ ಮಾಡುತ್ತಿದ್ದ ದೃಶ್ಯ ಚೆಲುವನಾರಾಯಣಸ್ವಾಮಿ ದೇಗುಲದ ಮುಂಭಾಗ ಸಂಜೆಯವರೆಗೆ ನಿರಂತರವಾಗಿ ಕಂಡು ಬಂತು.  ಈ ಸಲವೂ ವಾಹನ ದಟ್ಟನೆ ನಿಯಂತ್ರಿಸುವ ಸಲುವಾಗಿ ಭಕ್ತರವಾಹನವನ್ನು ಮೇಲುಕೋಟೆಗೆ ಬಿಡದೆ ಪ್ರಾಥಮಿಕ ಆರೋಗ್ಯಕೇಂದ್ರದ ಮುಂಬಾಗದ ವಿಶಾಲ ಸ್ಥಳ ಮತ್ತು ಇತರಕಡೆ  ವಾಹನ ನಿಲುಗಡೆಗೆ ವ್ಯವಸ್ಥೆ ಮಾಡಲಾಗಿತ್ತು. ರಾಜ್ಯ ರಸ್ತೆಸಾರಿಗೆ ಸಂಸ್ಥೆ ಮಂಡ್ಯ ಘಟಕದ ವತಿಯಿಂದ ಮಂಡ್ಯದಿಂದ ಮೇಲುಕೋಟೆಗೆ ಪ್ರತಿ 15 ನಿಮಿಷಕ್ಕೊಮ್ಮೆ ಬಸ್ ಸೌಕರ್ಯ ಕಲ್ಪಿಸಿತ್ತು.
ಕಡ್ಲೆಪುರಿಗೆ ಬೇಡಿಕೆ : ಶ್ರಾವಣ ಶನಿವಾರಗಳಂದು ಬಹುತೇಕ ಗ್ರಾಮೀಣ ಭಕ್ತರೇ ಕುಟುಂಬ ಸಮೇತವಾಗಿ ಆಗಮಿಸಿ ಕಡಲೇಪುರಿ, ಬತಾಸು, ಜಿಲೇಬಿ, ಜಾಹಂಗೀರು ಮತ್ತಿತರ ತಿನಿಸುಗಳನ್ನು ಖರೀದಿಸಿದ ಕಾರಣ ಇಪ್ಪತ್ತೈದಕ್ಕೂ ಹೆಚ್ಚಿನ ಸಂಖ್ಯೆಯಲ್ಲಿದ್ದ ಕಡಲೇಪುರಿ ವ್ಯಾಪಾರಿಗಳು ಜೋಬುತುಂಬಿಸಿಕೊಂಡರು. ಪುಳಿಯೋಗರೆ ಮತ್ತು ಆಟದ ಸಾಮಗ್ರಿಗಳನ್ನು ಮಾರಿದ ಸಣ್ಣ ಪುಟ್ಟ ವ್ಯಾಪಾರಿಗಳಿಗೂ ಭರ್ಜರಿ ವ್ಯಾಪಾರ ನಡೆಯಿತು.
ಪಾಂಡವಪುರ ಸರ್ಕಲ್ ಇನ್ಸ್ ಪೆಕ್ಟರ್ ಪ್ರಕಾಶ್ ಮತ್ತು ಮೇಲುಕೋಟೆ ಎಸ್ ಐ ಚಂದ್ರಶೇಖರ್ ಭದ್ರತಾ ವ್ಯವಸ್ಥೆ ಮಾಡಿದ್ದರೆ ಪಾಂಡವಪುರ ತಹಶೀಲ್ದಾರ್ ಶಿವಕುಮಾರಸ್ವಾಮಿ, ಪಾರುಪತ್ತೇಗಾರ್ ನಾಗರಾಜ ಅಯ್ಯಂಗಾರ್  ಹಾಜರಿದ್ದು, ಭಕ್ತರು ಸುಗಮವಾಗಿ ದೇವರದರ್ಶನ ಪಡೆಯಲು ಸೂಕ್ತ ವ್ಯವಸ್ಥೆ ಮಾಡಿದ್ದರು.

ಮೈಸೂರು-ಗೌರಿ ಗಣೇಶ ಹಬ್ಬ-ಪೊಲೀಸ್ ಠಾಣೆಯ ಪೂರ್ವಾನುಮತಿಯನ್ನು ಪಡೆಯ ಬೇಕು.

2014ನೇ ಸಾಲಿನ ಗೌರಿ ಗಣೇಶ ಹಬ್ಬ-ಪೊಲೀಸ್ ಠಾಣೆಯ ಪೂರ್ವಾನುಮತಿಯನ್ನು ಪಡೆಯ ಬೇಕು.
         2014ನೇ ಸಾಲಿನ ಗೌರಿ ಹಬ್ಬ ದಿನಾಂಕ: 28-08-2014 ರಂದು ಮತ್ತು  ಗಣೇಶನ ಹಬ್ಬವು ದಿನಾಂಕ: 29-08-2014 ರಂದು ನಡೆಯಲಿದೆ. ಗಣಪತಿ ಪ್ರತಿಷ್ಠಾಪನೆ ಮಾಡುವವರು/ವ್ಯವಸ್ಥಾಪಕರು ಸರಹದ್ದಿನ ಠಾಣೆಗಳಿಗೆ ವಿಷಯ ತಿಳಿಸಿ, ಠಾಣೆಗಳಿಂದ ಮಾಹಿತಿ ಪತ್ರ ಮತ್ತು ನಿಗಧಿತ ನಮೂನೆಯ ಅರ್ಜಿಯನ್ನು ಪಡೆಯಬೇಕು. ಅರ್ಜಿಯನ್ನು ದಿನಾಂಕ 25-08-2014 ರಂದು ಸಂಜೆ 4-00 ಗಂಟೆಯ ಒಳಗಾಗಿ  ಭರ್ತಿ ಮಾಡಿ ಸಂಬಂಧಪಟ್ಟ ಪೊಲೀಸ್ ಠಾಣೆಗಳಲ್ಲಿ ಅರ್ಜಿಗಳನ್ನು ಸಲ್ಲಿಸಿ, ಪೊಲೀಸ್ ಠಾಣೆಯ ಠಾಣಾಧಿಕಾರಿ ರವರಿಂದ ಪೂರ್ವಾನುಮತಿಯನ್ನು ಪಡೆಯಬೇಕು ಎಂದು ಮೈಸೂರು ಪೊಲೀಸ್ ಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಹಬ್ಬದ ಆಚರಣೆಯ ಸಂದರ್ಭದಲ್ಲಿ ನಗರದಲ್ಲಿ ಶಾಂತಿ ಮತ್ತು ಸುವ್ಯವಸ್ಥೆಯನ್ನು ಕಾಪಾಡುವ ದೃಷ್ಟಿಯಿಂದ ಸಾರ್ವಜನಿಕರುಗಳ ಗಮನಕ್ಕೆ ಈ ಕೆಳಕಂಡ ಸೂಚನೆಗಳನ್ನು ನೀಡಲಾಗಿದೆ.

      1. ಗಣಪತಿ ಪ್ರತಿಷ್ಠಾಪನೆ ಮಾಡುವವರು ಪ್ಲಾಸ್ಟರ್ ಆಫ್ ಪ್ಯಾರೀಸ್‍ನಿಂದ ತಯಾರಿಸಿದ ಗಣಪತಿಯನ್ನು ಪ್ರತಿಷ್ಟಾಪನೆ ಮಾಡಬಾರದು.  ನಗರಪಾಲಿಕೆ ಸೂಚನೆ ಮೇರೆಗೆ ಸೀಸ ಮುಕ್ತ ಬಣ್ಣವಿರುವ ಗಣಪತಿಯನ್ನು ಪ್ರತಿಷ್ಟಾಪನೆ ಮಾಡುವುದು.
        2. ಗಣಪತಿ ಪ್ರತಿಷ್ಠಾಪನೆ ಮಾಡುವವರು ಬಲವಂತವಾಗಿ ಯಾವುದೇ ರೀತಿಯ ಚಂದಾ ವಸೂಲಿ ಮಾಡುವುದನ್ನು ನಿಷೇಧಿಸಲಾಗಿದ್ದು, ಬಲವಂತವಾಗಿ ಚಂದಾ ವಸೂಲಿ ಮಾಡುವುದು ಸುಲಿಗೆ ಮಾಡಿದಂತೆ ಅಗುವುದರಿಂದ  ಸದರಿ ಕೃತ್ಯವು ಕಲಂ: 384 ಐಪಿಸಿ ರೀತ್ಯಾ ಶಿಕ್ಷಾರ್ಹ ಅಪರಾಧವಾಗಿದ್ದು,  ಈ ಅಪರಾಧಕ್ಕೆ ಮೂರು ವರ್ಷಗಳ ಸಜೆ ಅಥವಾ ದಂಡ ಅಥವಾ ಸಜೆ ಹಾಗೂ ದಂಡ ಎರಡನ್ನು ವಿಧಿಸಬಹುದಾಗಿರುತ್ತೆ.   
     3. ಗಣಪತಿ ಪ್ರತಿಷ್ಠಾಪನೆ ಮಾಡುವವರು/ವ್ಯವಸ್ಥಾಪಕರು  ಗಣಪತಿ ಪ್ರತಿಷ್ಠಾಪನಾ ಸ್ಥಳ, ವಿಸರ್ಜಿಸುವ ಸ್ಥಳ, ಮತ್ತು ಮೆರವಣಿಗೆ ಮಾರ್ಗ ಹಾಗೂ ಇತರೆ ವಿಷಯಗಳ ಬಗ್ಗೆ ಸಂಪೂರ್ಣವಾದ ಮಾಹಿತಿಯೊಂದಿಗೆ ಸಂಬಂಧಪಟ್ಟ ಪೊಲೀಸ್ ಠಾಣೆಗಳಲ್ಲಿ ಅರ್ಜಿಗಳನ್ನು ಮುಂಚಿತವಾಗಿ ನೀಡಿ,  ಠಾಣಾಧಿಕಾರಿ ರವರಿಂದ ಪೂರ್ವಾನುಮತಿಯನ್ನು ಪಡೆಯತಕ್ಕದ್ದು, ಅನುಮತಿಯನ್ನು ಪಡೆಯದೆ ಪ್ರತಿಷ್ಠಾಪನೆ ಮಾಡುವವರ ವಿರುದ್ದ ಕಾನೂನು ಕ್ರಮ ಕೈಗೊಳ್ಳಲಾಗುವುದು.
     
        4. ಗಣಪತಿ ಪ್ರತಿಷ್ಠಾಪನಾ ಸ್ಥಳವನ್ನು ಆಯ್ಕೆ ಮಾಡುವಾಗ ಸಾರ್ವಜನಿಕರ ಹಾಗೂ ವಾಹನ ಸಂಚಾರಕ್ಕೆ ಆಡಚಣೆಯಾಗದಂತೆ ಪ್ರತಿಷ್ಠಾಪನಾ ಸ್ಥಳವನ್ನು ಆಯ್ಕೆ ಮಾಡುವುದು ಹಾಗೂ ಯಾವುದೇ ಕಾರಣಕ್ಕೂ ರಸ್ತೆಯಲ್ಲಿ ಶಾಮಿಯಾನ ಹಾಕಬಾರದು.
     
        5. ಅರ್ಜಿಯೊಂದಿಗೆ ಗಣಪತಿ ಪ್ರತಿಷ್ಠಾಪನೆ ಮಾಡುವ ಸ್ಥಳದ ಮಾಲೀಕರ ಒಪ್ಪಿಗೆ ಪತ್ರವನ್ನು  ಲಗತ್ತಿಸತಕ್ಕದ್ದು. ಸಾರ್ವಜನಿಕ ಸ್ಥಳವಾಗಿದ್ದಲ್ಲಿ ನಗರಪಾಲಿಕೆಯಿಂದ ಪಡೆದಿರುವ ಅನುಮತಿ ಪತ್ರವನ್ನು ಲಗತ್ತಿಸಬೇಕು. ವಿದ್ಯುಚ್ಚಕ್ತಿ ಅಳವಡಿಸುವ ಬಗ್ಗೆ ಚೆಸ್ಕಾಂ ನಿಂದ ಅನುಮತಿ ಪಡೆದಿರಬೇಕು ಹಾಗೂ ಯಾವುದೇ ಕಾರಣಕ್ಕೂ ಅನಧಿಕೃತವಾಗಿ ನೇರವಾಗಿ ವಿದ್ಯುತ್ ಕಂಬದಿಂದ ವಿದ್ಯುತ್ ಸಂಪರ್ಕವನ್ನು  ಪಡೆಯಬಾರದು.

-2-

        6. ಗಣಪತಿ ಪ್ರತಿಷ್ಠಾಪನೆ ಮಾಡಿ, ಧ್ವನಿವರ್ಧಕವನ್ನು ಅಳವಡಿಸುವವರು ಘನ  ಸರ್ವೋಚ್ಛ ನ್ಯಾಯಾಲಯದ ಆದೇಶದಂತೆ  ಬೆಳಿಗ್ಗೆ 06-00 ಗಂಟೆಯಿಂದ ರಾತ್ರಿ 10-00 ಗಂಟೆಯವರೆಗೆ ಮಾತ್ರ ಧ್ವನಿವರ್ಧಕವನ್ನು ಸಾರ್ವಜನಿಕರಿಗೆ ತೊಂದರೆಯಾಗದಂತೆ ಕಡಿಮೆ ಧ್ವನಿಯಲ್ಲಿ ಉಪಯೋಗಿಸಬೇಕು.  ಧ್ವನಿವರ್ಧಕದಲ್ಲಿ ಆಶ್ಲೀಲ ಸಾಹಿತ್ಯವುಳ್ಳ ಗೀತೆಗಳನ್ನು ಪ್ರಸಾರ ಮಾಡಬಾರದು.  ಮನರಂಜನಾ ಕಾರ್ಯಕ್ರಮಗಳನ್ನು  ರಾತ್ರಿ 10-00 ಘಂಟೆ ಒಳಗೆ ಮುಗಿಸುವುದು.

      7. ಗಣಪತಿ ಪ್ರತಿಷ್ಠಾಪನೆ ಮಾಡುವವರು ಯಾವುದೇ ಲಾಟರಿ, ಪ್ರವೇಶ ಶುಲ್ಕ,  ಅಥವಾ ಇನ್ನಿತರೆ ಯಾವುದೇ ಬಹುಮಾನದ ಯೋಜನೆಗಳನ್ನು ನಡೆಸುವುದನ್ನು ನಿಷೇಧಿಸಲಾಗಿದೆ.

       8. ವ್ಯವಸ್ಥಾಪಕರು ಗಣಪತಿ ಪ್ರತಿಷ್ಠಾಪನೆ ಮಾಡಿದ ಮೇಲೆ ವಿಸರ್ಜನೆಯಾಗುವವರೆಗೆ ಗಣಪತಿ ಪ್ರತಿಷ್ಠಾಪನೆ ಸ್ಥಳದಲ್ಲಿ ರಕ್ಷಣೆಗಾಗಿ ತಮ್ಮ ಸಂಘದ ಜನರನ್ನು ನೇಮಿಸಿ ಸೂಕ್ತ ಉಸ್ತುವಾರಿಯನ್ನು ನೋಡಿಕೊಳ್ಳುವುದಲ್ಲದೇ ವಿಸರ್ಜನಾ ಸ್ಥಳದಲ್ಲಿ ಮುಂಜಾಗ್ರÀತಾ ಕ್ರಮವಾಗಿ ನುರಿತ ಈಜುಗಾರರನ್ನು ಇರುವಂತೆ ವ್ಯವಸ್ಥೆ ಮಾಡಿಕೊಂಡು ಸಾರ್ವಜನಿಕರು ನೀರಿನಲ್ಲಿ ಮುಳುಗಡೆಯಾಗದಂತೆ ಮತ್ತು ಅಹಿತಕರ ಘಟನೆಗೆ ಅವಕಾಶವಾಗದಂತೆ ನೋಡಿಕೊಂಡು ಹತ್ತಿರದ ಪೊಲೀಸ್ ಠಾಣೆಯೊಂದಿಗೆ ಸಂಪರ್ಕವನ್ನು ಇಟ್ಟುಕೊಳ್ಳತಕ್ಕದ್ದು.

      
     9. ಪ್ರತಿಷ್ಠಾಪನೆ ಸ್ಥಳದಲ್ಲಿ ಗಣಪತಿಯ ಮುಂದೆ ಎಣ್ಣೆ ದೀಪ, ತುಪ್ಪದ ಆರತಿ, ವಿದ್ಯುತ್ ದೀಪ ಮತ್ತು ವಿದ್ಯುತ್ ಸೀರಿಯಲ್ ಸೆಟ್ ಅಳವಡಿಸಿದಾಗ ಇವುಗಳ ಬಗ್ಗೆ ಸೂಕ್ತ ಮುನ್ನೆಚ್ಚರಿಕೆ ವಹಿಸಿ, ಬೆಂಕಿ ನಂದಿಸುವ ಉಪಕರಣಗಳಾದ ನೀರು, ಮರಳು ಸಂಗ್ರಹಣೆ ಮಾಡಿ ಹಾಗೂ ಇತರೆ ಬೆಂಕಿ ನಂದಿಸುವ ಉಪಕರಣಗಳನ್ನು ಇಟ್ಟು ಯಾವುದೇ ಬೆಂಕಿ ಅನಾಹುತಗಳು ಸಂಭವಿಸದಂತೆ ನೋಡಿಕೊಳ್ಳುವುದು ವ್ಯವಸ್ಥಾಪಕರ ಜವಾಬ್ದಾರಿಯಾಗಿರುತ್ತದೆ, ಗಣಪತಿ ಪ್ರತಿಷ್ಠಾಪನಾ ಸ್ಥಳದಲ್ಲಿ ಪ್ರಸಾದ, ತಿಂಡಿ ಹಾಗೂ ಯಾವುದೇ ಹಣ್ಣು ಹಂಪಲುಗಳನ್ನು ಇಟ್ಟ ಸಂದರ್ಭದಲ್ಲಿ ಇಲಿ, ಬೆಕ್ಕು ಅಥವಾ ಇತರೆ ಪ್ರಾಣಿಗಳು ಪ್ರವೇಶಿಸದಂತೆ ಬಹಳ ಎಚ್ಚರಿಕೆಯಿಂದ ನೋಡಿಕೊಂಡು ಯಾವುದೇ ಅಗ್ನಿ ಆಕಸ್ಮಿಕಗಳು ಅಥವಾ ಇತರೆ ಅಹಿತಕರ ಘಟನೆಗಳಿಗೆ  ಕಾರಣವಾಗದಂತೆ ನೋಡಿಕೊಳ್ಳುವುದು ವ್ಯವಸ್ಥಾಪಕರ ಜವಾಬ್ದಾರಿಯಾಗಿರುತ್ತದೆ.
    
      10. ಗಣಪತಿ ವಿಸರ್ಜನೆಯನ್ನು ರಾತ್ರಿ 10-00 ಗಂಟೆಯ ಒಳಗೆ ಮಾಡುವುದು, ಗಣಪತಿ ವಿಸರ್ಜನೆ ಮಾಡುವ ಸಮಯದಲ್ಲಿ ನಡೆಸುವ ಮೆರವಣೆಗೆಯಲ್ಲಿ ಸ್ಥಳೀಯ ಪೊಲೀಸ್ ಅಧಿಕಾರಿಗಳು ಹಾಗೂ ಸಂಚಾರ ಪೊಲೀಸ್ ಅಧಿಕಾರಿಗಳು ನೀಡುವ ಸೂಚನೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸತಕ್ಕದ್ದು  ಹಾಗೂ ಮೆರವಣಿಗೆಯು ರಸ್ತೆಯ ಎಡಬದಿಯಲ್ಲಿ ಹೋಗತಕ್ಕದ್ದು. ಯಾವುದೇ ಕಾರಣಕ್ಕೂ ಸಂಚಾರ ವ್ಯವಸ್ಥೆಗೆ ಅಡ್ಡಿಯಾಗದಂತೆ ಎಚ್ಚರದಿಂದ ಮೆರವಣಿಗೆ ಕೊಂಡೊಯ್ಯುವುದು. ಯಾವುದೇ ವ್ಯಕ್ತಿ, ಧರ್ಮ, ಜನಾಂಗದ ಧಾರ್ಮಿಕ ಭಾವನೆಗಳಿಗೆ ಧಕ್ಕೆಯಾಗದಂತೆ ಮೆರವಣಿಗೆ ನಡೆಸುವುದು.

11. ಗಣಪತಿ ವಿಸರ್ಜನೆಯನ್ನು ಬಾವಿ, ಕೆರೆ, ನದಿಯಲ್ಲಿ ಮಾಡದೆ ಬಕೇಟ್‍ನಲ್ಲಿ ವಿಸರ್ಜಿಸಿ ಗಣಪತಿ ಪೂರ್ಣವಾಗಿ ಕರಗಿದ ನಂತರ ಗಿಡಗಳಿಗೆ ಕರಗಿದ ನೀರನ್ನು ಹಾಕುವುದು ಹಾಗೂ ಮೈಸೂರು ಮಹಾನಗರ ಪಾಲಿಕೆ ರವರು ಗಣಪತಿ ವಿಸರ್ಜನೆಗಾಗಿ ನಿಗಧಿಪಡಿಸಿರುವ ಸ್ಥಳಗಳ ಬಗ್ಗೆ ಪತ್ರಿಕಾ ಪ್ರಕಟಣೆಯಲ್ಲಿ ಪ್ರಕಟಿಸುವ ಮಾಹಿತಿಯನ್ನು  ಮುಂಚಿತವಾಗಿ ಪಡೆದುಕೊಂಡು/ತಿಳಿದುಕೊಂಡು ಗಣಪತಿ ವಿಸರ್ಜಿಸಿ, ಪರಿಸರ ಮಾಲಿನ್ಯ ಕಾಪಾಡುವುದು.

-3-
12. ಯಾವುದೇ ಮನರಂಜನೆ ಕಾರ್ಯಕ್ರಮಗಳನ್ನು ಆಯೋಜಿಸುವವರು ಎರಡು ದಿನಗಳ ಮುಂಚಿತವಾಗಿಯೇ ಸಂಬಂಧಪಟ್ಟ ಪೊಲೀಸ್ ಠಾಣೆಯ ಅಧಿಕಾರಿಗಳಿಗೆ ತಿಳಿಸಿ ಅವರ ಪೂರ್ವಾನುಮತಿಯನ್ನು ಪಡೆದು, ಸೂಕ್ತ ಬಂದೋಬಸ್ತ್ ವ್ಯವಸ್ಥೆಗೆ ಅನುವು ಮಾಡಿಕೊಡಬೇಕು. (ಉದಾ: ವಾದ್ಯಗೋಷ್ಟಿ, ನಾಟಕ, ಸಾಂಸ್ಕøತಿಕ ಕಾರ್ಯಕ್ರಮಗಳು ಹಾಗೂ ಇನ್ನಿತರೇ)
    
      13. ಪ್ರತಿಯೊಂದು ಗಣಪತಿ ಪ್ರತಿಷ್ಠಾಪನಾ ಸ್ಥಳದಲ್ಲಿ ವ್ಯವಸ್ಥಾಪಕರು ಹಾಗೂ ಇತರೇ ಪದಾಧಿಕಾರಿಗಳ ಕನಿಷ್ಠ ಆರು ಜನರ ಪಟ್ಟಿ ಮಾಡಿ, ಈ ಆರು ಜನರು ಗಣಪತಿ ಪ್ರತಿಷ್ಟಾಪನೆಯಾಗಿ ವಿಜರ್ಸನೆಯಾಗುವವರೆವಿಗೂ  ಎಲ್ಲಾ ಜವಾಬ್ದಾರಿಯನ್ನು ವಹಿಸಿಕೊಂಡು, ಎಲ್ಲಾ ಕಾರ್ಯಕ್ರಮಗಳ ಉಸ್ತುವಾರಿಯನ್ನು ನೋಡಿಕೊಳ್ಳುವುದು.

      14. ಪ್ಲಾಸ್ಟರ್ ಆಫ್ ಪ್ಯಾರೀಸ್‍ನಿಂದ ತಯಾರಿಸಿದ ಗಣಪತಿ ಮತ್ತು ಸೀಸದಿಂದ ತಯಾರಿಸಿದ ಗಣಪತಿ ಮಾರಾಟ ಮಾಡುವುದು, ಪ್ರತಿಷ್ಟಾಪನೆ ಮಾಡುವುದು ಕಂಡು ಬಂದಲ್ಲಿ ಮೈಸೂರು ನಗರಪಾಲಿಕೆ ಅಧಿಕಾರಿಗಳಿಗೆ ಕÀೂಡಲೆ ಮಾಹಿತಿ ನೀಡುವುದು.

      15. ಗಣಪತಿ ಸ್ಥಾಪಿಸುವ ಪೆಂಡಾಲ್‍ನಲ್ಲಿ ಧ್ವನಿವರ್ಧಕದ ಬಳಕೆಗಾಗಿ ಆಯಾ ಠಾಣಾ ವ್ಯಾಪ್ತಿಯ ಪೊಲೀಸ್ ನಿರೀಕ್ಷಕರ ಅನುಮತಿಯನ್ನು ಕಡ್ಡಾಯವಾಗಿ ಪಡೆಯತಕ್ಕದ್ದು.

    16. ಗಣಪತಿ ಮೂರ್ತಿಯ ಮೆರವಣಿಗೆಗೆ ಪ್ರತ್ಯೇಕವಾಗಿ ಆಯಾ ಠಾಣಾ ವ್ಯಾಪ್ತಿಯ ಪೊಲೀಸ್ ನಿರೀಕ್ಷಕರ ಅನುಮತಿಯನ್ನು ಕಡ್ಡಾಯವಾಗಿ ಪಡೆಯತಕ್ಕದ್ದು.

    17. ಗಣಪತಿ ಪ್ರತಿಷ್ಠಾಪಿಸಿದ ಸಂದರ್ಭಗಳಲ್ಲಿ ಹಾಗೂ ಮೆರವಣಿಗೆ ಸಂದರ್ಭಗಳಲ್ಲಿ ಮದ್ಯಪಾನ ಮಾಡಿ ಅಸಭ್ಯ ವರ್ತನೆ ಮತ್ತು ಅಶ್ಲೀಲವಾದ ವರ್ತನೆಯನ್ನು ತೋರತಕ್ಕದ್ದಲ್ಲ. ಗಣಪತಿ ಪ್ರತಿಷ್ಠಾಪನಾ ಕಮಿಟಿಯ ಆಯೋಜಕರು ಹಾಗೂ ಸ್ವಯಂ ಸೇವಕರು ಮೇಲ್ಕಂಡ ಘಟನೆಗಳು ಯಾವುದೂ ನಡೆಯದಂತೆ ಎಚ್ಚರ ವಹಿಸತಕ್ಕದ್ದು, ಹಾಗೂ ಸಂದರ್ಭಕ್ಕನುಸಾರವಾಗಿ ಆಯಾ ಠಾಣೆಗಳಿಗೆ ಮಾಹಿತಿ ನೀಡತಕ್ಕದ್ದು.

      ಮೇಲ್ಕಂಡ ನಿಬಂಧನೆಗಳನ್ನು ಉಲ್ಲಂಘಿಸಿರುವುದು ಸಾರ್ವಜನಿಕರ ಗಮನಕ್ಕೆ ಬಂದಲ್ಲಿ ಕೂಡಲೇ ಸಂಬಂಧಪಟ್ಟ  ಪೊಲೀಸ್ ಠಾಣೆಗಳಿಗೆ ಅಥವಾ  ಪೊಲೀಸ್ ಕಂಟ್ರೋಲ್ ರೂಂಗೆ ದೂರವಾಣಿ ಸಂಖ್ಯೆ. 100, 2418139, 2418339 ಗೆ ಮಾಹಿತಿ ನೀಡಲು ಕೋರಲಾಗಿದೆ.