ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದ ಇಬ್ಬರ ಬಂಧನ.
                  700 ಗ್ರಾಂ ಗಾಂಜಾ ಮತ್ತು ರೂ. 1700/- ನಗದು ವಶ.
ಮೈಸೂರು ನಗರ ಸಿ.ಸಿ.ಬಿ. ಮತ್ತು ಮಂಡಿ ಪೊಲೀಸರು ಮಾಹಿತಿ ಮೇರೆಗೆ  23 ರಂದು ಮಂಡಿ ಪೊಲೀಸ್ ಠಾಣಾ ಸರಹದ್ದು ಮಂಡಿ ಮೊಹಲ್ಲಾದ ಕೆ.ಟಿ ರಸ್ತೆ, 5ನೇ ಕ್ರಾಸ್‍ನಲ್ಲಿರುವ ಮನೆ ನಂ 2669 ರ ಮುಂಭಾಗ ಅಕ್ರಮವಾಗಿ ಗಾಂಜಾ ಮಾರಾಟ ಮಾಡುತ್ತಿದ್ದ ಇಬ್ಬರನ್ನ ಬಂದಿಸಲೀಗಿದೆ ಎಂದು ಪೊಲೀಸ್ ಆಯುಕ್ತರವರ ಕಛೇರಿಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಪತ್ರಿಕಾ ಪ್ರಕಟಣೆಯಲ್ಲಿ ತೀಳಿಸಿದ್ದಾರೆ.

ಸೈಯದ್ ಅಜ್ಮತ್, 27ವರ್ಷ, ಮಂಡಿ ಮೊಹಲ್ಲಾ, ಮೈಸೂರು. ಯಾಸ್ಮಿನ್ ತಾಜ್ @ ಜರೀನಾ ಭಾನು, 30ವರ್ಷ, ಮಂಡಿ ಮೊಹಲ್ಲಾ, ಮೈಸೂರು. ಎಂಬುವರುಗಳನ್ನು ಬಂಧಿಸಿ  ಅವರುಗಳ ವಶದಲ್ಲಿದ್ದ ಸುಮಾರು 35,000/-ರೂ ಬೆಲೆ ಬಾಳುವ 700 ಗ್ರಾಂ  ತೂಕದ ಗಾಂಜಾ, ಹಾಗೂ ನಗದು ಹಣ 1700/-ರೂ ಗಳನ್ನು ವಶಪಡಿಸಿಕೊಂಡಿರುತ್ತಾರೆ. ಈ ಸಂಬಂಧ ಮಂಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.  ತಲೆ ಮರೆಸಿಕೊಂಡಿರುವ ಮತ್ತೊಬ್ಬ ಆರೋಪಿಯ ಪತ್ತೆ ಕಾರ್ಯ ಮುಂದುವರೆದಿದೆ.
ಯಾಸ್ಮಿನ್ ತಾಜ್ ಈಕೆಯ ವಿರುದ್ದ ಗಾಂಜಾ ಮಾರಾಟ ಮಾಡುತ್ತಿದ್ದ ಬಗ್ಗೆ ಈ ಹಿಂದೆಯೂ ಸಹ ಮಂಡಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.
ಈ ದಾಳಿ ಕಾರ್ಯವನ್ನು ಸಿ.ಸಿ.ಬಿ. ಘಟಕದ ಎ.ಸಿ.ಪಿ. ಶ್ರೀ. ಸಿ.ಗೋಪಾಲ್‍ರವರ ನೇತೃತ್ವದಲ್ಲಿ ಸಿ.ಸಿ.ಬಿ.ಯ ಇನ್ಸ್‍ಪೆಕ್ಟರ್  ಪ್ರಸನ್ನಕುಮಾರ್, ಎ.ಎಸ್.ಐ. ರವರಾದ  ಶಾಂತರಾಜು, ಎಂ.ಡಿ ಶಿವರಾಜು ಹಾಗೂ ಸಿಬ್ಬಂದಿಗಳಾದ ಗಣೇಶ್, ರವಿ, ಮಹದೇವಪ್ಪ, ನಾಗುಬಾಯಿ, ಪಾರ್ವತಮ್ಮ, ಮಂಡಿ ಪೊಲೀಸ್ ಠಾಣೆಯ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳು ನಡೆಸಿರುತ್ತಾರೆ.
ಈ ದಾಳಿ ಕಾರ್ಯವನ್ನು ಮೈಸೂರು ನಗರದ ಪೊಲೀಸ್ ಆಯುಕ್ತರವರಾದ ಶ್ರೀ. ಬಿ. ದಯಾನಂದ, ಐ.ಪಿ.ಎಸ್. ರವರು ಪ್ರಸಂಶಿಸಿರುತ್ತಾರೆ